కార్ల్ హూపర్
మూలం: [1], 2006 జనవరి 15 |
1966, డిసెంబర్ 15న జన్మించిన కార్ల్ హూపర్ (Carl Llewellyn Hooper) వెస్ట్‌ఇండీస్ కు చెందిన ప్రముఖ మాజీ క్రికెట్ క్రీడాకారుడు. 1980 దశాబ్దం చివరిలో గార్డన్ గ్రెనిడ్జ్, డెస్మండ్ హేన్స్, మాల్కం మార్షల్, కోర్ట్నీ వాల్ష్ దిగ్గజాలు ఆడే సమయంలో వెస్ట్‌ఇండీస్ జట్టులో ప్రవేశించి దాదాపు 21 సంవత్సరాలపాటు అంతర్జాతీయ క్రికెట్ ఆడినాడు.
టెస్ట్ క్రికెట్
మొత్తం తన టెస్ట్ కెరీర్ లో 102 టెస్ట్ మ్యాచ్‌లు ఆడిన హూపర్ అత్యధిక స్కోరు 233 పరుగులు 2001లో భారత జట్టుపై సాధించాడు [1]. హూపర్ టెస్టులలో మొత్తం 5762 పరుగులు సాధించాడు. అందులో 13 సెంచరీలు, 27 అర్థ సెంచరీలు కలవు. బౌలింగ్‌లో 114 వికెట్లు సాధించాడు.
వన్డే క్రికెట్
వన్డేలలో హూపర్ 227 మ్యాచ్‌లు ఆడి 5761 పరుగులు సాధించాడు. వన్డేలలో అతని అత్యధిక స్కోరు 133 నాటౌట్. వన్డేలలో అతను 7 సెంచరీలు, 29 అర్థ సెంచరీలు సాధించాడు. 193 వికెట్లను కూడా తన బౌలింగ్‌లో పడగొట్టాడు.
ఫస్ట్ క్లాస్ క్రికెట్
ఫస్ట్ క్లాస్ క్రికెట్‌లో హూపర్ గుయానా జట్టుకు ప్రాతినిధ్యం వహించాడు. ఇంగ్లీష్ కౌంటీ క్రికెట్‌లో కూడా కెంట్ మరియు లాంకాస్టర్ తరఫున ఆడినాడు. 2003లో హూపర్ అన్ని 18 కౌంటీ జట్టులపై సెంచరీలు సాధించిన రెండో ఆటగాడిగా రికార్డు సృష్టించాడు.[2]
టెస్టులలోనూ, వన్డేలలోనూ 5000 పైగా పరుగులుచేసి, రెండింటిలోనూ 100 కు పైగా వికెట్లు సాధించి, రెండింటిలోనూ 100 కు పైగా క్యాచ్‌లు పట్టి ఈ ఘనత సాధించిన తొలి క్రికెటర్‌గా రికార్డు సృష్టించాడు.[3]
మూలాలు
- ↑ http://uk.cricinfo.com/db/ARCHIVE/2001-02/IND_IN_WI/SCORECARDS/IND_WI_T1_11-15APR2002.html భారత్ లో టెస్ట్ సీరీస్
- ↑ http://www.cricinfo.com/asksteven/content/story/261028.html%7Ctitle=The fastest hundreds, and a Case history | date=2 October 2006 | publisher=Cricinfo | last=Lynch | first=Steven | accessdate=2007-04-27
- ↑ Cricinfo - Records - Test Matches - most matches and Most catches - One-day Internationals, retrieved 29 July 2007