Feloidea

Feloidea
N Kat (Felis silvestris catus)
Systematik
Klasse: Suugedierte (Mammalia) Unnerklasse: Normoale Suugedierte (Eutheria) Uuroardenge: Laurasiatheria Oardenge: Roowdierte (Carnivora) Uurfamilie: Feloidea

Doo Feloidea sunt ne Uurfamilie, juu tou doo Roowdierte heert. Tou doo Feloidea (dät kumt uk fon Latiensk "Felis", die Kat) heere Dierte as die Kat. Deerjuun heere Dierte, doo genetisk moor dän Huund liekje, tou ne uur Uurfamilie, doo Canoidea (fon Latiensk "Canis", die Huund). Tou doo Feloidea heere doo Familien Felidae, Hyaenidae, doo madagassiske Roowdierte (Eupleridae), doo Herpestidae, doo Viverridae un doo Nandiniidae.

• 
  Hier sunt Leeuwen as Biespil foar doo Felidae, man deertou heere uk fuul litjere Oarde as toun Biespil die gans normoale Kat.
• 
  Crocuta crocuta (düütsk: Tüpfelhyäne) as Biespil foar doo Hyaenidae
• 
  Cryptoprocta ferox (düütsk: Fossa) as Biespil foar doo madagassiske Roowdierte (Eupleridae)

• 
  Herpestes javanicus (düütsk: Kleiner Mungo) as Biespil foar doo Herpestidae.
• 
  Arctictis binturong (düütsk:Binturong) as Biespil foar doo Viverridae.
• 
  Nandinia binotata (düütsk:Pardelroller) is juu eensiche Oard uut juu Familie Nandiniidae. Juu Familie is also monotypisk.