Jump to content

Federico Chiesa

Nga Wikipedia, enciklopedia e lirë
Federico Chiesa

Federico Chiesa me Juventusin (2021)
Të dhënat vetjake
Emri i plotëFederico Chiesa[1]
Datëlindja (1997-10-25) 25 tetor 1997 (27 vjeç)[2]
VendlindjaGjenova, Itali
Gjatësia1.75 m (5 ft 9 in)[3]
PozicioniAnësor
Të dhënat e klubit
Klubi aktual
Juventus
Numri7
Karriera me të rinjtë
2002–2007Settignanese
2007–2016Fiorentina
Karriera me klube*
VitetKlubiNdeshje(Golat)
2016–2022Fiorentina137(26)
2020–2022→ Juventus (huazim)44(10)
2022–Juventus21(2)
Karriera ndërkombëtare‡
2015–2016Italia U193(0)
2016Italia U205(0)
2017–2019Italia U2113(6)
2018–Italia42(5)
*Ndeshjet dhe golat me klubet llogariten vetëm për ligën vendase – redaktuar më 23:33, 4 qershor 2023 (UTC)
‡ Ndeshjet dhe golat me ekipin kombëtar të redaktuar më 18 qershor 2023

Federico Chiesa (lindur me 25 tetor 1997) është një futbollist profesionist italian i cili luan si anësor për klubin italian Juventus dhe kombëtaren italiane. Ai është djali i ish futbollistit Enrico Chiesa.

Karriera me klube

[Redakto | Redakto nëpërmjet kodit]

Të rinjtë

[Redakto | Redakto nëpërmjet kodit]

Chiesa e nisi karrierën e tij futbollistike me Settignanese në Settignano, një qytez në verilindje të Firences. Aty ai ishte nën drejtimin e trajnerit Kurt Hamrin.[4]

Fiorentina

[Redakto | Redakto nëpërmjet kodit]

2007–2016: Vitet e para

[Redakto | Redakto nëpërmjet kodit]

Chiesa u bë pjesë e Fiorentinës në vitin 2007.[5] Ai fillisht ishte pjesë e sektorit të të rinjëve, të quajtur Giovanili. Pas kësaj, ai u aktivizua me ekipin nën-19 gjatë sezonit 2014–15, duke shënuar një gol në shtatë ndeshje. Në sezonin pasardhës, ai shënoi shtatë gola në 23 ndeshje.[6] Në shkurt 2016, ai firmosi kontratën e tij të parë si profesionist me klubin.

2016–2017: Debutimi dhe fitimi i vendit në formacion

[Redakto | Redakto nëpërmjet kodit]

Chiesa bëri debutimin e tij zyrtar me ekipin në humbjen 2–1 në transfertë kundër Juventusit në ndeshjen hapëse të kampionatit. Ai u aktivizua në pjesën e parë si titullar dhe u zëvendësua në të dytën nga Cristian Tello.[7] Më 29 shtator, ai bëri debutimin e tij në UEFA Ligën e Evropës në fitoren 5–1 kundër Qarabağ në fazën e grupeve.[8] Ai shënoi golin e parë si profesionist më 8 dhjetor kundër të njëjtit kundërshtar; po në të njëjtën ndeshje, ai u përjashtua për herë të parë pasi mori dy kartona të verdhë.[9][10]

Më 15 janar 2017, Chiesa u duk se shënoi golin e fitores 2–1 kundër Juventusit pas një asisti të Milan Badelj; megjithatë, goli j'u dha Badelj pasi përsëritjet nuk mundën të përcaktonin nëse Chiesa e kishte devijuar pasimin e tij në portë.[11] Ai gjithashtu firmosi një kontratë të re me klubin deri në qershor 2021.[12] Chiesa shënoi golin e tij të parë në Serie A më 21 janar në triumfin 3–0 në transfertë kundër Chievos.[13] Tetë ditë më vonë, ai shënoi edhe golin e dytë në kampionat në një barazim 3–3 kundër Genoas.[14] Më 7 maj, Chiesa shënoi golin e parë në barazimin 2–2 Sassuolo; ky ishte goli i tij i tretë në Serie A dhe i pari pas gati katër muajsh.[15]

2017–2019: Sezonet e fundit në Firence

[Redakto | Redakto nëpërmjet kodit]

Më 16 shtator 2017, Chiesa festoi ndeshjen e tij të 30të në Serie A duke shënuar në Derby dell'Appennino kundër Bolonjës; ai shënoi golin e parë të ndeshjes në minutën e 51të, me Fiorentinën që fitoi 2–1.[16] Më 30 janar 2019, Chiesa shënoi një tregolësh në fitoren rekord 7–1 kundër Romës në çerek-finalen e kupës.[17]

Juventus

[Redakto | Redakto nëpërmjet kodit]

2020–2021: Sezoni debutues dhe triumfi në Coppa Italia

[Redakto | Redakto nëpërmjet kodit]

Më 5 tetor 2020, Chiesa firmosi për dy sezone me Juventusin në formë huazimi; klubi bardhezi paguaji 3 milion € për sezonin e parë dhe 7 million € për sezonin e dytë me detyrim blerje për 40 milion € plus 10 milion € bonuse të ndryshme.[18] Ai debutoi zyrtarisht më 17 tetor në barazimin 1–1 kundër Crotone; ai fillimisht asistoi golin e Álvaro Moratës dhe më pas u përjashtua me karton të kuq.[19] Tre ditë më pas, ai debutoi edhe në UEFA Ligën e Kampioneve në fitoren 2–0 në transfertë kundër Dynamo Kyiv në fazën e grupeve.[20][21] Chiesa shënoi golin e parë me Juventusin ndaj të njëjtit kundërshtar në ndeshjen e kthimit më 2 dhjetor.[22]

Chiesa shënoi me një gjuajtje nga distanca golin e tij të parë në Serie A për Juventusin në barazimin 1–1 kundër Atalantës më 16 dhjetor.[23] Tre javë më pas, ai shënoi dy gola në fitoren 3–1 në San Siro kundër Milanit kryesues; kjo ishte humbja e parë e kuqezinjëve pas 27 ndeshjesh.[24][25] Chiesa shënoi tre gola kundër Portos në raundin e 16-tave të Ligës së Kampioneve: nje gol në ndeshjen e parë dhe dy në të dytën.[26] Megjithatë, Juventusi u eliminua me rregullin e golit jashtë fushe.[26] Më 19 maj, ai shënoi golin e fitores në fitoren 2–1 kundër Atalantës në finalen e kupës.[27]

2021–vazhdon: Dëmtimet e shumta

[Redakto | Redakto nëpërmjet kodit]

Më 29 shtator 2021, Chiesa shënoi golin e vetëm të fitores kundër Çelsit, kampionit në fuqi të Ligës së Kampioneve, në ndeshjen e dytë të fazës së grupeve; ai barazoi rekordin e Alessandro Del Pieros si lojtari i vetëm që ka shënuar në katër ndeshje rradhazi në këtë kompeticion.[28] Më 9 janar 2022, Chiesa pësoi një dëmtim të rëndë ligamentin anterior, që do t'a mbante jashtë fushave për të paktën shtatë muaj.[29] Ai e mbylli sezonin 2021–22 para kohe me 18 ndeshje dhe 4 gola në të gjitha kompeticionet.

Chiesa u rikthye në aksion pas gati dhjetë muajsh më 2 nëntor në fitoren 2–1 kundër Paris Saint-Germain në fazën e grupeve të Ligës së Kampioneve 2022–23; ai u aktivizua si zëvëndësues në minutën e 74të në vend të Fabio Mirettit.[30]

Karriera ndërkombëtare

[Redakto | Redakto nëpërmjet kodit]

Të rinjtë

[Redakto | Redakto nëpërmjet kodit]

Chiesa u thirr për herë të parë në ekipin nën-19 në vitin 2015. Ai ishte pjesë e listës paraprake me 27 lojtarë të trajnerit Paolo Vanoli për të luajtur në UEFA Kampionatin Evropian nën-19 në Gjermani. Chiesa gjithashtu luajti në ndeshjet miqësore kundër Republikës Çeke, Spanjës dhe Francës. Në vitin 2016, ai u thirr në ekipin nën-20 nga trajneri Alberigo Evani për të luajtur në Turnamentin e Katër Kombeve 2015–16.

Në mars 2017, ai u thirr në ekipin nën-21 nga trajneri Luigi Di Biagio për ndeshjet miqësore kundër Polonisë dhe Spanjës.[31] Ai debutoi në fitoren 2–1 kundër Polonisë, duke asistuar golin e parë të ndeshjes të shënuar nga Lorenzo Pellegrini.[32] Pas kësaj, ai luajti si titullar edhe në ndeshjen ndaj Spanjës të cilën Italia e humbi 2–1.

Në qershor 2017, Chiesa ishte pjesë e listës që do të luante në Kampionatin Evropian nën-21.[33] Italia e nisi turnamentin me një fitore 2–0 kundër Danimarkës, me Chiesan që asistoi golin e shënuar nga Andrea Petagna.[34] Italia më pas u eliminua në gjysëm-finale nga Spanja me rezultatin 3–1.[35]

Chiesa mori pjesë edhe në Kampionatin Evropian nën-21 2019 të luajtur në Itali,[36] ku ai shënoi tre gola në fazën e grupeve.

Ekipi i parë

[Redakto | Redakto nëpërmjet kodit]

2017–2020: Debutimi dhe ndeshjet e para

[Redakto | Redakto nëpërmjet kodit]

Chiesa mori thirrjen e parë në ekipin e parë nga trajneri Gian Piero Ventura për ndeshjen miqësore jozyrtare kundër San Marinos më 31 maj 2017.[37][38] Ai luajti si titullar në këtë ndeshje, të cilën Italia e fitoi 8–0.[39][40]

Në mars 2018, ai u thirr për ndeshjet miqësore kundër Anglisë dhe Argjentinës nga trajneri i përkohëshëm Di Biagio;[41] ai debutoi zyrtarisht më 23 mars në humbjen 2–0 kundër Argjentinës.[42]

Goli i tij i parë ndërkombëtar erdhi më 19 nëntor në fitoren rekord 9–1 kundër Armenisë në kualifikueset e Euro 2020; ai gjithashtu asistoi një nga golat e Ciro Immobiles dhe golin e Riccardo Orsolinit.[43]

2021–vazhdon: Triumfi në Euro 2020 dhe paraqitjet e kufizuara

[Redakto | Redakto nëpërmjet kodit]

Në qershor 2021, Chiesa ishte pjesë e ekipit që do të luante në Euro 2020.[44] Ai u shpall lojtari më i mirë nga UEFA i ndeshjes kundër Uellsit, të cilën Italia e fitoi 1–0; ky rezultat bëri që të të kaltrit të fitonin grupin e tyre.[45] Më 26 qershor, ai shënoi golin e parë të fitores 2–1 në kohën shtesë kundër Austrisë në raundin e 16-tave në Wembley Stadium.[46] Babai i tij Enrico kishte shënuar 25 vite e 12 ditë më parë në humbjen 2–1 kundër Republikës Çeke në edicionin e vitit 1996; ata u bënë dyshja e parë baba dhe bir që shënojnë në Kampionatin Evropian.[47][48]

Në ndeshjen gjysëm-finale kundër Spanjës më 6 korrik, Chiesa shënoi golin e vetëm të Italisë me ndeshjen që u mbyll në barazim 1–1; Italia fitoi 4–2 me penallti dhe avancoi në finale. Ai u shpall sërisht lojtari i ndeshjes nga UEFA për performancën e tij.[49] Pëse ditë më pas, në finalen e madhe kundër Anglisë, Chiesa pësoi një dëmtim në minutat e fundit të kohës së rregullt dhe u zëvendësua nga Federico Bernardeschi në minutën e 86të; Italia fitoi Kampionatin Evropian pasi mposhti anglezët 3–2 me penallti pasi koha e rregullt dhe ajo shtesë u mbyll në barazim 1–1.[50][51] Për performancat e tij, Chiesa u emërua në Ekipin e Turnamentit.[52]

Në tetor 2021, Chiesa mori pjesë në finalet e Ligës së Kombeve 2020–21. Ai asistoi golin e Lorenzo Pellegrinit në humbjen 2–1 kundër Spanjës në gjysëm-finalen e kompeticionit.[53] Disa ditë më vonë, ai fitoi një penallti që u shënua nga Domenico Berardi në fitoren 2–1 kundër Belgjikës në ndeshjen për medaljen e bronztë.[54]

Profili i lojtarit

[Redakto | Redakto nëpërmjet kodit]

Chiesa konsiderohej një lojtari i talentuar me prespektivë në rininë e tij. Ai është një lojtar i aftë, i talentuar, puntor dhe me teknikë të mirë, i cili zotëron staminë dhe shpejtësi.[55] Ai luan zakonisht si anësor i majtë, pozicion në të cilin ai shfrytëzon aftësitë dribluese për të kaluar në qëndër dhe për të krijuar mundësi shënimi për shokët e ekipit.[56] Ai gjithashtu mund të godasi vetë nga ai krah si dhe të përballet me mbrojtësit kundërshtar në duele një-kundër-një. Pavarësisht së këmba e tij e preferuar është e djatha, Chiesa mund të godasi saktësisht edhe me të majtën.[57][58]

Chiesa mund të luaj në disa pozicione të tjera në sulm;[59][60] përvec rolit të tij të preferuar si anësor i majtë, ai mund të luaj si mesfushor sulmues ose sulmues i dytë.[61] Në disa raste ai ka luajtur edhe si qëndër-sulmues.[62] Përveç kësaj, në disa raste të tjera ai është aktivizuar në role më të tërhequra, si mesfushor qëndror.[63][64] Shpejtësia e tij dhe lëvizjet pa top i lejojnë të shfrytëzojnë hapsira dhe të bëjë inkursione sulmuese përpara.[65][66][67][68]

Përveç aftësive të tij sulmuese, Chiesa njihet edhe për energjinë dhe nivelin e punës.[69] Ai kontribon në mbrojtje duke vrapuar për të rifituar zotërimin e topit. Kjo gjë ka bërë që ai të aktivizohet edhe si anësor i tërhequr në formacionin 3–5–2 në disa raste të ralla.[61][70][71][72] Për më tepër, ai ka marrë vlerësime në media për gjakftohtësinë e tij, falë prirjes së tij për të shënuar gola vendimtarë në ndeshje të rëndësishme.[64]

Jeta personale

[Redakto | Redakto nëpërmjet kodit]

Babai i tij, Enrico, ka qënë gjithashtu futbollist profesionist. Ai ka luajtur për disa klube, si Parma, Fiorentina dhe Siena si dhe ka përfaqsuar kombëtaren italiane.[73] Chiesa u regjistrua në Shkollën Ndërkombëtare të Firences, duke marrë klasa anglishteje. Ai qëndroi dy vite në universitet dhe studjoi në degën e shkencave sportive.[74]

Statistikat e karrierës

[Redakto | Redakto nëpërmjet kodit]

Klube

[Redakto | Redakto nëpërmjet kodit]
Redaktuar më 4 korrik 2023[75]
Klubi Sezoni Liga Coppa Italia Kontinenti Tjetër Gjithsej
Divizioni Ndsh Gola Ndsh Gola Ndsh Gola Ndsh Gola Ndsh Gola
Fiorentina 2016–17 Serie A 27 3 2 0 5[a] 1 — 34 4
2017–18 36 6 2 0 — — 38 6
2018–19 37 6 4 6 — — 41 12
2019–20 34 10 3 1 — — 37 11
2020–21 3 1 — — — 3 1
Gjithsej 137 26 11 7 5 1 0 0 153 34
Juventus (huazim) 2020–21 Serie A 30 8 4 2 8[b] 4 1[c] 0 43 14
2021–22 14 2 0 0 4[b] 2 0 0 18 4
Juventus 2022–23 21 2 4 1 8[d] 1 — 33 4
Gjithsej 65 12 8 3 20 7 1 0 94 22
Gjithsej karriera 202 38 19 10 25 8 1 0 247 56
  1. ^ Të gjitha ndeshjet nē UEFA Ligën e Evropës
  2. ^ a b Të gjitha ndeshjet në UEFA Ligën e Kampioneve
  3. ^ Ndeshje në Supercoppa Italiana
  4. ^ Një ndeshje në UEFA Ligën e Kampioneve, shtatë ndeshje dhe një gol në UEFA Ligën e Evropës

Kombëtarja

[Redakto | Redakto nëpërmjet kodit]
Redaktuar më 18 qershor 2023[76][77]
Ndeshjet dhe golat sipas ekipit kombëtar dhe vitit
Ekipi kombëtar Viti Ndsh Gola
Italia 2018 11 0
2019 6 1
2020 4 0
2021 17 3
2022 2 0
2023 2 1
Gjithsej 42 5

Golat me kombëtaren

[Redakto | Redakto nëpërmjet kodit]
Rezultatet e Italisë të listuara të parat, kolona e golit tregon rezultatin pas çdo goli të shënuar nga Chiesa.[76]
Lista e golave ndërkombëtar të shënuar nga Federico Chiesa
Nr. Data Vendi Ndsh Kundërshtari Goli Rezultati Kompeticioni
1 18 nëntor 2019 Stadio Renzo Barbera, Palermo, Itali 17  Armenia 9–1 9–1 Kualifikueset e UEFA Euro 2020
2 26 qershor 2021 Wembley Stadium, Londër, Angli 29  Austria 1–0 2–1 UEFA Euro 2020
3 6 korrik 2021 Wembley Stadium, Londër, Angli 31  Spanja 1–0 1–1 aet
4–2 pen.		 UEFA Euro 2020
4 2 shtator 2021 Stadio Artemio Franchi, Florence, Itali 33  Bullgaria 1–0 1–1 Kualifikueset e FIFA Kupës së Botës 2022
5 18 qershor 2023 De Grolsch Veste, Enschede, Holandë 42  Holanda 3–1 3–2 Finalet e UEFA Ligës së Kombeve 2023

Trofe

[Redakto | Redakto nëpërmjet kodit]

Klube

[Redakto | Redakto nëpërmjet kodit]
Juventus[75]

Kombëtarja

[Redakto | Redakto nëpërmjet kodit]
Italia

Personale

[Redakto | Redakto nëpërmjet kodit]

Urdhëra

Referime

[Redakto | Redakto nëpërmjet kodit]
  1. ^ "Comunicato Ufficiale N. 45" [Deklarata zyryare Nr. 45] (PDF) (në italisht). Lega Serie A. 18 shtator 2018. fq. 5. Arkivuar nga origjinali (PDF) më 16 mars 2022. Marrë më 14 qershor 2021.
  2. ^ "Federico Chiesa" (në anglisht). ESPN FC. Marrë më 25 qershor 2023.
  3. ^ "Federico Chiesa". fotmob.com (në anglisht). FotMob. Marrë më 19 shtator 2016.
  4. ^ "Federico Chiesa incontra a Coverciano i bambini della Settignanese (Foto)" [Federico Chiesa takon në Coverciano fëmijët e Settignaneses (Foto)]. fiorentina.it (në italisht). Redazione Fiorentina.it. 21 dhjetor 2016. Marrë më 7 shkurt 2017.
  5. ^ Vieri Capretta (11 shkurt 2017). "UEFA.com's weekly wonderkid: Federico Chiesa" [Djaloshi i artë i javës i UEFA.com]. UEFA.com (në anglisht). Marrë më 5 mars 2017.
  6. ^ "Federico Chiesa: Serie A Profile" [Federico Chiesa: Profili i Serie A]. legaseriea.it (në anglisht). Lega Serie A. 20 gusht 2016. Arkivuar nga origjinali më 23 prill 2021. Marrë më 22 gusht 2016.
  7. ^ "Juventus 2–1 Fiorentina" (në anglisht). BBC Sport. 20 gusht 2016. Marrë më 3 gusht 2023.
  8. ^ "Fiorentina 5-1 Qarabağ" (në anglisht). UEFA.com. Marrë më 20 janar 2017.
  9. ^ "Europa League, Qarabag-Fiorentina 1-2: segnano Vecino, Reynaldo e Chiesa" [Liga e Evropës, Qarabag-Fiorentina 1-2: Shënojnë Vecino, Reynaldo dhe Chiesa] (në italisht). La Gazzetta dello Sport. 8 dhjetor 2016. Marrë më 20 janar 2017.
  10. ^ "Europa League, Vecino-Chiesa: la Fiorentina batte 2-1 il Qarabag" [Liga e Evropës, Vecino-Chiesa: Fiorentina mposht 2-1 Qarabağun] (në italisht). Il Corriere dello Sport. 8 dhjetor 2016. Marrë më 20 janar 2017.
  11. ^ Guglielmo Buccheri (18 qershor 2017). ""Il gol alla Juve è di Badelj, non di Chiesa..." Ecco chi (e come) assegna le reti della serie A" ["Goli ndaj Juves është i Badelj, jo i Chieses..." Ja kush (dhe si) i akordon golat e Serie A] (në italisht). La Stampa. Marrë më 20 janar 2017.
  12. ^ "ViolaChannel - Chiesa signs new deal till 2021" [Chiesa firmos një marrëveshje të re deri në vitin 2021]. Viola Channel (në anglisht). ACF Fiorentina. 14 janar 2017. Arkivuar nga origjinali më 17 shtator 2017. Marrë më 16 janar 2017.
  13. ^ "Sousa: 'Satisfied with Fiorentina'" [Souda: 'I kënaqur me Fiorentinën'] (në anglisht). Football Italia. 21 janar 2017. Marrë më 22 janar 2017.
  14. ^ "Fiorentina 3-3 Genoa: Highlights" [Fiorentina 3-3: Përmbledhja] (në anglisht). Viola Nation. 29 janar 2017.
  15. ^ "ACF Fiorentina on Twitter: 36: Federico #Chiesa puts us in front! He latches onto @bvalero20's dinked pass and slots calmly beneath Consigli! #SassuoloFiorentina 0-1". Twitter (në anglisht). ACF Fiorentina. 7 maj 2017. Marrë më 7 maj 2017.
  16. ^ "Fiorentina 2-1 Bologna: Highlights" [Fiorentina 2–1 Bologna: Përmbledhja] (në anglisht). Viola Nation. 16 shtator 2017. Marrë më 16 shtator 2017.
  17. ^ "Coppa: Fiorentina put seven past Roma!" [Kupa: Fiorentina i shënon shtatë Romës] (në anglisht). Football Italia. 30 janar 2019.
  18. ^ "Federico Chiesa è bianconero!" [Federico Chiesa është bardhezi!]. Juventus F.C. (në anglisht). 5 tetor 2020. Marrë më 5 tetor 2020.
  19. ^ "Crotone 1-1 Juventus: Chiesa hero and villain" [Crotone 1-1 Juventus: Chiesa heroi dhe armiku] (në anglisht). Football Italia. 17 tetor 2020.
  20. ^ Guido Vaciago (20 tetor 2020). "Bella Juventus, ma non segna: miracolo del portiere su Kulusevski" [Juventus i bukur por nuk shënon: mrekulli e portierit ndaj Kulusevskit] (në italisht). Tutto Sport. Marrë më 20 tetor 2020.
  21. ^ "Cronaca e tabellino Dynamo Kiev v Juventus, Champions League" (në italisht). Goal.com. 20 tetor 2020. Marrë më 20 tetor 2020.
  22. ^ "Juventus - Dynamo Kyiv, Chiesa: "I'm happy for my first goal"" [Juventus - Dynamo Kyiv: "I lumtur për golin tim të parë"] (në anglisht). Juventus F.C. 3 dhjetor 2020. Arkivuar nga origjinali më 9 korrik 2021. Marrë më 5 dhjetor 2020.
  23. ^ "Juventus-Atalanta LIVE". Sky Sport (në italisht). 15 dhjetor 2020. Marrë më 15 dhjetor 2020.
  24. ^ "Milan-Juventus 1-3: Chiesa fa ammattire il Diavolo, primo ko in Serie A per i rossoneri" [Milan-Juventus 1-3: Chiesa ndëshkon djallin, humbja e parë në Serie A për kuqezinjtë]. Goal.com (në italisht). Marrë më 6 janar 2021.
  25. ^ "Chiesa show, la Juve si rilancia: Milan ko 3–1" [Chiesa show, Juve ngrihet: Milan mposhtet 3–1] (në italisht). Sky Sport Italia. 6 janar 2021. Marrë më 6 janar 2021.
  26. ^ a b "Juventus 3–2 FC Porto" (në anglisht). BBC Sport. 9 mars 2021.
  27. ^ a b "Coppa: Juventus end Atalanta dream" [Kupa: Juventusi i jep fund ëndrrës së Atalantës] (në anglisht). Football Italia. 19 maj 2021. Marrë më 19 maj 2021.
  28. ^ "Serie A - Per Federico Chiesa c'è la lesione del legamento crociato: stagione finita. Che tegola per Juve e Nazionale" (në italisht). Eurosport. 10 janar 2022.
  29. ^ "Serie A - Juventus, Chiesa operato: recupero in 7 mesi con obiettivo Mondiale" [Serie A - Juventus, Chiesa operohet: rikiperim në 7 muaj me objektiv Botërorin] (në italisht). Eurosport. 24 janar 2022. Marrë më 12 prill 2022.
  30. ^ "Juventus 1–2 Paris". UEFA.com (në anglisht). 2 nëntor 2022.
  31. ^ "Bonifazi, Chiesa and Favilli receive first call-ups for Poland and Spain games" [Bonifazi, Chiesa dhe Favilli marrin thirrjet e para për ndeshjet kundër Polonisë dhe Spanjës]. figc.it (në anglisht). FIGC. 16 mars 2017. Marrë më 4 prill 2017.
  32. ^ "Poland U21 1 - 2 Italy - Match Report & Highlights" [Polonia U21 1 - 2 Italia U21 - Raporti i ndeshjes & Përmbledhja]. skysports.com (në anglisht). Sky Sports. 23 mars 2017. Marrë më 4 prill 2017.
  33. ^ "U21: Italy squad for Euros named" [Nën-21: Shpallet ekipi i Italisë për Evropianin] (në anglisht). Football Italia. 6 qershor 2017. Marrë më 16 qershor 2017.
  34. ^ "Denmark U21 v Italy U21 Live Commentary, 18/06/2017" (në anglisht). Goal.com. 18 qershor 2017. Marrë më 6 mars 2019.
  35. ^ James Horncastle (28 qershor 2017). "Italy fall to familiar foe Spain at U21 Euros but there is hope for the future" [Italia bie nga kundërshtari i ngjashëm Spanja në Evropianin nën-21 por ka shpresa për të ardhmen] (në anglisht). ESPN FC. Marrë më 24 tetor 2017.
  36. ^ "Parte l'avventura europea: Di Biagio ufficializza la lista dei 23 Azzurrini" [Nis aventura evropiane: Di Biagio zyrtarizon listën e 23 të kaltërve të vegjël]. figc.it (në italisht). FIGC. 6 qershor 2019. Marrë më 19 nëntor 2019.
  37. ^ "Convocati per l'amichevole contro San Marino, Ventura chiama Emerson" [Të thirrurit për miqësoren kundër San Marinos, Ventura thërret Emerson] (në italisht). Eurosport. 25 maj 2017. Marrë më 27 gusht 2018.
  38. ^ "Italia, i convocati per l'amichevole con San Marino" [Italia, të thirrurit për miqësoren kundër San Marinos] (në italisht). UEFA.com. 25 maj 2017. Marrë më 27 gusht 2018.
  39. ^ Jacopo Manfredi (31 maj 2017). "Italia-San Marino 8-0: tripletta di Lapadula, Ventura sorride" [Italia-San Marino 8-0: tregolësh i Lapadulës, Ventura qesh] (në italisht). La Repubblica. Marrë më 27 gusht 2018.
  40. ^ "Italia-San Marino 8-0: Lapadula-show, è tripletta" [Italia-San Marino 8-0: Lapadula show dhe tregolësh] (në italisht). Il Corriere dello Sport. 31 maj 2017. Marrë më 27 gusht 2018.
  41. ^ Joe Shread (17 mars 2018). "Gianluigi Buffon called-up by Italy for England and Argentina friendlies despite international retirement" [Gianluigi Buffon thirret nga Italia për miqësoret me Anglinë dhe Argjentinën pavarësisht tërheqjes ndërkombëtare] (në anglisht). Sky Sports. Marrë më 18 mars 2018.
  42. ^ "Italy: Argentina defeat new Azzurri" [Italia: Argjentina mposht të kaltrit e rinjë] (në anglisht). Football Italia. 23 mars 2018.
  43. ^ "Italy: Armenia annihilated 9-1!" [Italia: Armenia shfaroset 9–1!] (në anglisht). Football Italia. 18 nëntor 2019. Marrë më 19 nëntor 2019.
  44. ^ "Mancini names uncapped striker Raspadori in final Italy Euro 2020 squad" [Mancini emëron sulmuesin pa asnjë ndeshje Raspadori në ekipin final të Italisë për Euro 2020] (në anglisht). Reuters. 1 qershor 2021. Marrë më 5 qershor 2021.
  45. ^ "Italy-Wales UEFA EURO 2020" (në anglisht). UEFA.com. 20 qershor 2021. Marrë më 20 qershor 2021.
  46. ^ "Italy need extra time to beat Austria" [Italia ka nevojë për kohën shtesë për të mposhtur Austrinë] (në anglisht). BBC Sport. 26 qershor 2021. Marrë më 26 qershor 2021.
  47. ^ "Chiesa makes Euro 2020 history" [Chiesa bën historinë në Euro 2020] (në anglisht). Football Italia. 26 qershor 2021. Marrë më 27 qershor 2021.
  48. ^ "Czech Republic-Italy UEFA EURO" (në anglisht). UEFA.com. Marrë më 27 qershor 2021.
  49. ^ "Italy 1-1 Spain (pens: 4-2): Azzurri hold nerve to reach EURO final" [Italia 1-1 Spanja (penallti: 4-2): të kaltrit mbajnë qetësinë dhe arrijnë finalen e Evropianit] (në anglisht). UEFA.com. 6 korrik 2021. Marrë më 7 korrik 2021.
  50. ^ a b Phil McNulty (11 korrik 2021). "England lose shootout in Euro 2020 final" [Anglia humbet gjuajtjet e penalltive në finalen e Euro 2020] (në anglisht). BBC Sport. Marrë më 11 korrik 2021.
  51. ^ "Italy 1-1 England (aet, 3-2 on pens): Euro 2020 final at Wembley player ratings" [Italia 1-1 Anglia (pksh, 3-2 me penallti): Notat e lojtarëve të finales së Euro 2020 në Wembley] (në anglisht). The Guardian. 11 korrik 2021. Marrë më 13 korrik 2021.
  52. ^ a b "UEFA EURO 2020 Team of the Tournament revealed" [Zbulohet Ekipi i Turnamentit të UEFA Euro 2020] (në anglisht). UEFA. 13 korrik 2021. Marrë më 13 korrik 2021.
  53. ^ "Italy 1-2 Spain: Ferran Torres double ends Azzurri run" [Italia 1-2 Spanja: Dopieta e Ferran Torres i jep fund ecurisë së të kaltërve] (në anglisht). UEFA.com. 6 tetor 2021. Marrë më 10 tetor 2021.
  54. ^ "Nations League - Italy 2-1 Belgium: Azzurri take bronze medal" [Liga e Kombeve - Italia 2-1 Belgjika: të kaltrit marrin medaljen e bronzit] (në anglisht). Football Italia. 10 tetor 2021. Marrë më 10 tetor 2021.
  55. ^ Jacopo Gerna (20 gusht 2016). "Juve-Fiorentina, Chiesa junior debutta in serie A: somiglia proprio al papà..." [Juve-Fiorentina, Chiesa junior debuton në Serie A: ai i ngjan babait të tij...] (në italisht). La Gazzetta dello Sport. Marrë më 20 janar 2017.
  56. ^ Giovanni Sardelli (6 prill 2020). "Chiesa: "Un sogno giocare in viola. Europeo rimandato? Un anno in più per crescere"" [Chiesa: "Një ëndër për të luajtur me violën. Evropiani i shtyrë? Një vit më shumë për t'u rritur] (në italisht). La Gazzetta dello Sport. Marrë më 7 shkurt 2021.
  57. ^ Francesco Oddi (1 gusht 2016). "Fiorentina, da Chiesa, Hagi a Satalino, ecco i giovani in ritiro con Paulo Sousa" [Fiorentina, nga Chiesa, Hagi e deri te Satalino, ja ku janë të rinjtë në tërheqje me Paulo Sousan] (në italisht). La Gazzetta dello Sport. Marrë më 20 janar 2017.
  58. ^ Alberto Rubio (15 janar 2017). "Federico Chiesa, en el nombre del padre" [Federico Chiesa, në emër të babait] (në italisht). Marca.com. Marrë më 20 janar 2017.
  59. ^ "Hagi e Chiesa jr quando il talento è una questione di famiglia" [Hagi dhe Chiesa jr, kur talenti vjen nga familja] (në italisht). La Repubblica. 17 korrik 2016. Marrë më 20 janar 2017.
  60. ^ Paolo Pegoraro (13 dhjetor 2016). "Nel nome del padre: la fulminea scalata di Federico Chiesa" [Në emër të babait: ngjitja e shpejtë rrufe e Federico Chiesës] (në italisht). Eurosport. Marrë më 7 prill 2017.
  61. ^ a b Michael Yokhin (19 shtator 2017). "Federico Chiesa keeping it in the family as Enrico's son prepares for Juventus" [Federico Chiesa e mban në familje. Djali i Enricos përgatitet për Juventusin] (në anglisht). ESPN FC. Marrë më 27 gusht 2018.
  62. ^ Paolo Bandini (25 shtator 2017). "Federico Chiesa a chip off the old block as Serie A youngsters flourish" (në anglisht). The Guardian. Marrë më 27 gusht 2018.
  63. ^ "Mancini's first Serie A goal proves decisive, Chiesa puts Fiorentina back on track" [Goli i parë i Mancinit në Serie A është vendimtar, Chiesa rikthen Fiorentinën në shina] (në italisht). vivoazzurro.it. 5 shkurt 2018. Marrë më 27 gusht 2018.
  64. ^ a b Mark Doyle (2 korrik 2021). "Italy's big-game player: Chiesa proving the value of patience and perseverance" [Lojtari i ndeshjeve të mëdha i Italisë: Chiesa dëshmon vlerën e durimit dhe këmbënguljes] (në anglisht). Goal.com. Marrë më 4 shtator 2021.
  65. ^ Emanuele Atturo (30 qershor 2021). "La faccia di Federico Chiesa" [Fytyra e Federico Chiesës] (në italisht). L'Ultimo Uomo. Marrë më 14 nëntor 2021.
  66. ^ Marco D'Ottavi (11 shtator 2018). "Breve storia di Federico Chiesa in Nazionale" [Historia e shkurtër e Federico Chiesës në kombëtare] (në italisht). Sky Sport. Marrë më 14 nëntor 2021.
  67. ^ "Why Chiesa must start against Belgium" [Pse Chiesa duhet të luaj si titullar kundër Belgjikës] (në anglisht). Football Italia. 1 korrik 2021. Marrë më 14 nëntor 2021.
  68. ^ David Hytner (29 shtator 2021). "Federico Chiesa sinks Chelsea to put Juventus top of the group" [Federico Chiesa zhyt Chelsin dhe vendos Juventusin në krye të grupit] (në anglisht). The Guardian. Marrë më 14 nëntor 2021.
  69. ^ Mark Doyle (5 tetor 2020). "Chiesa to Juventus: Where on earth does €50m signing fit into Pirlo's side?" [Chiesa te Juventus: Ku mund të futet blerja 50 milion € në ekipin e Pirlos] (në anglisht). Goal.com. Marrë më 7 shkurt 2021.
  70. ^ "Inter Target Federico Chiesa: "I Have Already Played In A 3-5-2 System"" [Objektivi i Interit Federico Chiesa: "Unë kam luajtur në një formacion 3-5-2"] (në anglisht). Sempre Inter. 7 prill 2020.
  71. ^ Daniele Proch (2 tetor 2020). "Juventus Try To Close Deal On Federico Chiesa As Transfer Window Approaches Deadline" [Juventus do përpiqet të mbylli marrëveshjen për Federico Chiesën me merkaton që po vjen drejtë fundit] (në anglisht). Forbes. Marrë më 7 shkurt 2021.
  72. ^ "Mancini explains Italy changes" [Mancini shpjegon ndryshimet e Italisë] (në anglisht). Football Italia. 11 qershor 2019. Marrë më 7 shkurt 2021.
  73. ^ Joshua Mason (12 shtator 2016). "Serie A- Keeping in it in La Famiglia" [Duke e mbajtur në familje]. italianfootballdaily.com (në anglisht). Italian Football Daily. Arkivuar nga origjinali më 26 nëntor 2016. Marrë më 25 nëntor 2016.
  74. ^ Emanuele Atturo (27 janar 2017). "Chiesa il giovane" [Chiesa i riu]. L'Ultimo Uomo (në italisht). Marrë më 12 mars 2017.
  75. ^ a b "Federico Chiesa" (në anglisht). Soccerway. Marrë më 5 gusht 2023.
  76. ^ a b Benjamin Strack-Zimmermann. "Federico Chiesa" (në anglisht). National Football Teams. Marrë më 2 shtator 2021.
  77. ^ "Chiesa, Federico". figc.it (në italisht). FIGC. 5 gusht 2020. Marrë më 11 korrik 2021.
  78. ^ "The squad list for the UEFA Nations League finals" [Lista e ekipit për finalet e UEFA Ligës së Kombeve]. figc.it (në anglisht). FIGC. 30 shtator 2021. Marrë më 10 tetor 2021.
  79. ^ "Italy 2-1 Belgium: Azzurri secure third place at Nations League finals" [Italia 2-1 Belgjika: Të kaltrit sigurojnë vendin e tretë në finalet e Ligës së Kombeve]. UEFA.com (në anglisht). UEFA. 10 tetor 2021. Marrë më 11 tetor 2021.{{cite web}}: Mirëmbajtja CS1: Gjendja e adresës (lidhja)
  80. ^ "Netherlands 2-3 Italy: Azzurri claim third place with thrilling win" [Holanda 2-3 Italia: Të kaltrit marrin vendin e tretë në fitoren emocionuese]. UEFA.com (në en)). UEFA. 18 qershor 2023. Marrë më 18 qershor 2023.{{cite news}}: Mirëmbajtja CS1: Gjuhë e panjohur (lidhja)
  81. ^ "A DARMIAN IL "PALLONE AZZURRO 2021", TRA LE DONNE LA VINCITRICE È ROSUCCI". figc.it (në italisht). FIGC. Arkivuar nga origjinali më 18 janar 2016. Marrë më 15 dhjetor 2015.
  82. ^ "Lukaku, Ronaldo and Conte win Serie A awards for 2020-21" [Lukaki, Ronaldo dhe Conte fitojnë çmimet e Serie A për sezonin 2020-21] (në anglisht). Football Italia. 21 mars 2022. Marrë më 21 mars 2022.
  83. ^ "Mattarella ha conferito onorificenze motu proprio ai giocatori e allo staff della Nazionale vincitrice del campionato europeo" [Mattarella ndau nderimet për lojtarët dhe stafin e ekipit kombëtar që fitoi kampionatin evropian]. quirinale.it (në italisht). 16 korrik 2021. Arkivuar nga origjinali më 16 korrik 2021. Marrë më 5 gusht 2023.

Lidhje të jashtme

[Redakto | Redakto nëpërmjet kodit]
Marrë nga "https://sq.wikipedia.org/w/index.php?title=Federico_Chiesa&oldid=2679489"