Bajram Shatri

The printable version is no longer supported and may have rendering errors. Please update your browser bookmarks and please use the default browser print function instead.

Bajram Shatri (1946, Tomoc) është mësimdhënës, veprimtar i arsimit dhe botues kosovarë.^[1]

Biografia

Bajram Shatri lindi në fshatin Tomoc, Komuna e Istogut, shkollën fillore e kreu në Gurakoc, Gjimnazin në Mitrovicë, ndërsa studimet në degën e pedagogjisë të Fakultetit Filozofik në Prishtinë. Fillimisht punoi si mësues në Zallç (Istog) dhe në Sibofc (Kastriot), pastaj mësimdhënës në shkollën ekonomike dhe në Normalen e Mitrovicës. Më pas ishte pedagog në shkollën fillore "Emin Duraku" në Prishtinë, si dhe koordinator në Bashkësinë Vetëqeverisëse të Interesit të Arsimit dhe Edukimit. Ishte njëri nga themeluesit dhe sekretar i Këshillit për Vetëfinancimin e Arsimit (1991), si dhe sekretar i Këshillit të Financimit të Kosovës (1992-1995). Ndërkohë, punoi si këshilltar në Entin Pedagogjik të Kosovës, në trupën ministrore të arsimit në Kosovë dhe ishte anëtar i senatit të Universitetit të Prishtinës. Prej vitit 1997 punon në Entin e Teksteve dhe të Mjeteve Mësimore (Shtëpia Botuese "Libri shkollor"), fillimisht si kryeredaktor, ndërsa që nga viti 1999 drejtor i saj. Është autor ose bashkautor i një sërë tekstesh mësimore. Fusha e interesimit të tij është historia e arsimit në Kosovë. Është edhe autor i disa veprave nga fusha e arsimit dhe historisë së arsimit në Kosovë.^[2]

Publikimet

"Arsimi fillor në Kosovë në shekullin XX" (2006),^[3]
"Arsimi shqip në Kosovë 1990-1999" (2010), :
"Shifra dhe fakte për arsimin e Kosovës" (2000, bashkëautor),
"Universiteti i Prishtinës 1970-2005" (2005, bashkëautor),
"Këshilli Qëndror i Financimit i Kosovës" (2007, bashkëautor).

Shih edhe

Arsimi në Kosovë

Referime

^ Kraja, Mehmet, red. (2018). "Fjalori Enciklopedik i Kosovës". (Encyclopedic Dictionary of Kosova). Vëll. 2. Prishtinë: Akademia e Shkencave dhe e Arteve e Kosovës. fq. 1574. ISBN 9789951615846. OCLC 1080379844.
^ https://www.ceeol.com/search/article-detail?id=355843
^ Shatri, Bajram (2006). Arsimi fillor në Kosovë në shekullin XX (Sfida, dëshmi, fakte). Prishtinë: Shtëpia Botuese Libri Shkollor.

[FEK2-1] Kraja, Mehmet, red. (2018). "Fjalori Enciklopedik i Kosovës". (Encyclopedic Dictionary of Kosova). Vëll. 2. Prishtinë: Akademia e Shkencave dhe e Arteve e Kosovës. fq. 1574. ISBN 9789951615846. OCLC 1080379844.

[2] ttps://www.ceeol.com/search/article-detail?id=355843

[BSH2-3] Shatri, Bajram (2006). Arsimi fillor në Kosovë në shekullin XX (Sfida, dëshmi, fakte). Prishtinë: Shtëpia Botuese Libri Shkollor.

[1]

[2]

[3]