Ramses II
Ramses II ađai Ramses Styeres lâi ohtâ Egypt tobdosumosijn faaraoin. Sun haldâšij joba 66 ihheed (1279−1213 oKr.) Egypt 19. dynastia ääigi.[1]
Faarao Ramses lii tobdos suátimuhijnis. Suu haldâšemääigi Egyptist šoodâi ain kievrâb já jáválub staatâ.[1] Tien ääigi huksejuvvojii ennuv merhâšittee rakânâsah já monumenteh, ovdâmerkkân pegâlmâs Abu Simbel temppâleh Assuanist.[1]
Páccáh
[mute | mute käldee]Ramses II kovvejeijee páccáh láá kavnum maŋgâ čyeđe.[2]
Ive 1930 saksalâš arkeolog Günther Roeder kaavnâi stuorrâ Ramses II páccá jyelgiuási.[1] Páccá pajeuási vááilui kuittâg masa čyeti ihheed. Tot kavnui ive 2024 El Ashmuneinist, Minya kaavpug máddáákeejist.[3] Kalkkâkeeđgist rahtum uási lii suullân 3,8 meetter olluv.[1] Tot kovvee čokkájeijee Ramses II, kiäst lii uáivist Egypt tubleruvnâ.[3] Tubleruuvnâ čiiŋât kunâgâslâš kobra.[3] Páccá pajeuásist láá hieroglyfeh, moh muštâleh faarao maavtâst.[3] Tain čiälgá meid páccá huksimäigi.[1] Paje- já jyelgiuásih heivejeh oohtân, já oovtâst tain šadda čiččâmmeettersâš pääcis.[1]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Ramses II.
Käldeeh
[mute | mute käldee]- ↑ 1,0 1,1 1,2 1,3 1,4 1,5 1,6 Puuttuva palanen löytyi Egyptissä: Ramses II:n patsas sai vihdoin päänsä takaisin Yle Uutiset. 5.3.2024. Čujottum 14.3.2024. (suomâkielân)
- ↑ Ramses II páccá váiloo pajeuási kavnui Egyptist anarasaavis.fi. 14.3.2024. Čujottum 14.3.2024.
- ↑ 3,0 3,1 3,2 3,3 Archaeologists in Egypt unearth section of large Ramses II statue Reuters. 4.3.2024. Čujottum 14.3.2024. (eŋgâlâskielân)