Universal Declaration o Human Richts: Difference atween revisions
s r2.7.1) (Robot Addin: lad:Deklarasion Universala de los Diritos Umanos |
s r2.7.1) (Robot Modifeein: so:Baaqa Caalamiga ee Xuquuqda Aadanaha |
||
Line 149: | Line 149: | ||
[[sk:Všeobecná deklarácia ľudských práv]] |
[[sk:Všeobecná deklarácia ľudských práv]] |
||
[[sl:Splošna deklaracija človekovih pravic]] |
[[sl:Splošna deklaracija človekovih pravic]] |
||
[[so: |
[[so:Baaqa Caalamiga ee Xuquuqda Aadanaha]] |
||
[[sq:Deklarata e Përgjithshme mbi të Drejtat e Njeriut]] |
[[sq:Deklarata e Përgjithshme mbi të Drejtat e Njeriut]] |
||
[[sr:Универзална декларација о људским правима]] |
[[sr:Универзална декларација о људским правима]] |
Reveision as o 01:57, 27 Mairch 2011
The Universal Declaration o Human Richts (UDHR) is a declaration adoptit by the General Assembly o the Unitit Nations (10 December 1948 at Palais de Chaillot, Paris). The Guinness Book of Records describes the UDHR as the "Maist Translate Document"[1] in the warld. The Declaration cam aboot direct frae the experience o the Seicont Warld War an represents the first global expression o richts that aw bodies is inherently enteetelt. It conseests o 30 airticles that haes been elaboratit in follaein internaitional treaties, regional human richts instruments, naitional consteetutions an laws.
The UDHR wis pitten ower intae Scots for tae merk the 60t anniversar o the settin furth o the document.
Human richts setten oot in the Declaration
The richts setten oot by the declaration. (Taen direct frae Amnesty International's offeecial Scots translate[2])
- Airticle 1
- Aw sowels is born free and equal in dignity and richts
- Airticle 2
- Awbody, makkin nae distinctions whitsaever, is entitelt til aw the richts and freedoms furthset in this Declaration
- Airticle 3
- Awbody hes the richt tae life, liberty and bield
- Airticle 4
- Nane sall be hauden in thirldom or under thoums. Thirldom and trade in thirlt folk sall be clean forbid in aw its kinds
- Airticle 5
- Nane sall be pit tae torture or thole cruel, inhuman or bemeanin haunlin or punishment
- Airticle 6
- Awbody hes the richt in ilka place tae be kent as a body afore the law
- Airticle 7
- Aw are equal afore the law and entitelt wi nae fauts or favours tae the exact same bield o the law
- Airticle 8
- Awbody hes the richt tae wyce legal remeid gin their richts isna respectit
- Airticle 9
- Nane maun thole wulsome arrest, detention nor exile
- Airticle 10
- Awbody chairged wi a crime is entitelt, ilkane exactly the same, tae fair ba’s in a public hearin by an independent and uncoggled tribunal
- Airticle 11
- Awbody hes the richt tae be thocht innocent til pruved guilty accordin tae law
- Airticle 12
- Nane maun thole wulsome dackers on their privacy, faimily, hame or communings, nor assauts on their renoun
- Airticle 13
- Awbody hes the richt tae traivel freely and bide inwith the mairches o ony state, and the richt tae win oot frae and back intil their countrie
- Airticle 14
- Awbody hes the richt tae seek and tae enjoy in ither countries asylum frae persecution
- Airticle 15
- Awbody hes the richt tae be of a nation
- Airticle 16
- Men and wemen that’s come of eild hes the richt tae wed and stert a faimily, wi free and ful consent and wi ilkane the exact same richts in or efter mairriage
- Airticle 17
- Awbody hes the richt tae haud guids and gear
- Airticle 18
- Awbody hes the richt tae freedom o thocht, conscience and religioun
- Airticle 19
- Awbody hes the richt tae freedom o opinioun and expression, and tae seek, get and gie wittings and conceits throu ony medium heedless o frontiers
- Airticle 20
- Awbody hes the richt tae freely forgether and associate wi lown intents
- Airticle 21
- Awbody hes the richt tae tak a haun in the governance o their countrie. The wull o the people expressed throu elections sall be the grunds for the authority o government
- Airticle 22
- Awbody, as a body in society, hes the richt tae win til theirsels the social, cultural and economic richts that maun be haen for their dignity
- Airticle 23
- Awbody hes the richt tae daily darg, tae free choice o wark, tae fair and equal pey, and tae mak and jyne trades unions
- Airticle 24
- Awbody hes the richt tae saucht and leisure
- Airticle 25
- Awbody hes the richt til a standart o life fit for their guid health and heal, especially mithers and bairns
- Airticle 26
- Awbody hes the richt tae learnin, includin free compulsory primary scuil
- Airticle 27
- Awbody hes the richt freely tae tak a pairt in the cultural life o the commonty, tae brook and enjoy the airts and the guid that comes o advances in science, and tae hae their ain moral and material interests for their ain creative wark weel-hained
- Airticle 28
- Awbody maun hae a social and international order whaur aw thir richts and freedoms is weel-haint
- Airticle 29
- Awbody hes duties tae the commonty: the state can ainly pit branks on a body’s richts tae mak respect for the richts and freedoms o ithers siccar
- Airticle 30
- Nae governments, groups or lane bodies can mank ony o thir richts and freedoms.
References
- ↑ "Universal Declaration of Human Rights Contact Page". Unhchr.ch. Retrieved 10 December 2008.
- ↑ http://www.amnesty.org.uk/uploads/documents/doc_19047.pdf