Talìa la surgenti di Wikipedia:Zoccu mèttiri supra Wikipedia

Voi aiutari lu prujettu ma nun sai zoccu si pò mèttiri supra Wikipedia?

* Matiriali urigginali, ovviamenti.
**Si ntenni, cu chistu, ca nun pò èssiri "ncullatu" 'n Wiki matiriali "cupiatu" d'àutri fonti. Eccizzioni: lu matiriali sia di [[pùbbricu duminiu]], nun sia cummigghiatu di [[copyright]] ([[drittu d'auturi]]), l'autura dû matiriali urigginali spressamenti rilàssanu auturizzazzioni a usari tali matiriali 'n Wiki. A sti fini, nun ci sunnu diffirenzi tra testu, mmàggini, gràfica, file multimidiali, prugrammi, ecc.
**Matiriali pigghiatu d'àutri fonti: p'asempiu, supra lu situ ngrisi nzireru [[Foldoc]], un dizziunariu di [[nfurmàtica]] di pùbbricu duminiu. Siddu asìstinu matiriali sìmili 'n sicilianu, sunnu bonu accetti, e vi prijamu di rinnìrinni nota l'asistenza.

* Vuci di dizziunariu? NO. [[Wikipedia nun è un dizziunariu|Wikipedia è n'enciclopedia, nun un dizziunariu]].

* Traduzzioni dî pàggini ngrisi? Sì, cirtamenti, accussì comu di l'àutri virsioni di Wikipedia 'n àutri lingui. Chistu fa anchiamenti parti dû pruggettu urigginali. Certu, siddu dispunìssimu di matiriali puramenti sicilianu, 'n sicilianu, pinzatu di siciliani, chistu putissi èssiri sicuramenti di maiuri ntiressi e di cchiù certu successu pâ Wikipedia Siciliana, vistu ca lu nostru approcciu â canuscenza è diffirenti di chiddu dû munnu di cultura ngrusàssuni. Ma, 'n attisa di cuntinuti urigginali, putemu puru tradùciri matiriali ca accamora nun fu ancora cunciputu ntâ nostra virsioni. Pi sapìrinni chiossai supra li règuli di traduzzioni, talìa sta pàggina: [[Wikipedia:Comu_traduciri_un_articulu|Comu tradùciri n'artìculu?]]

* Grannizza dî vuci? N'artìculu d'[[enciclopedia]]. Dunca, tuttu zoccu discrivi lu cuncettu esaminatu câ maiuri ricchizza pussìbbili.

* Apprufunnimentu cunzintutu? No-limits! Wikipedia nun è fatta di carta, li bits còstanu picca, e ci foru misi a dispusizzioni pi dimustrari ca la canuscenza fu 'n passatu limitata dû costu dî supporti. Stu supportu nun ni costa, e lu putemu usari ''ad libitum''. P'asempiu, la vuci [[Tipugrafìa]] pò urigginari li sutta-vuci [[Maiusculettu]], [[Puntu tipugràficu]], [[Crinatura]], [[Virguletti]] e tutti chiddi ca vi vennu 'n menti. Vannu a èssiri tutti bonu accugghiuti e nun vannu a èssiri fora locu pirchì troppu spicializzati.

[[Catigurìa:Wikipedia]]