Giubileu

Giubileu. Custu nomene s'agatada in sa Bibbia, po indicare s'annu, ogni 50 annos, cando sos depidos de varia zenia, beniana condonados: sos ischiavos diventaiana liberos, sos terrinos torraiana a s'atigu proprietariu; sos fruttos de sa terra lassados a sos poberos (Lev.25). Sa Creja ada postu in usu custa usantzia po cantu si riferidi a sas realtades ispirituales, contzedinde s'indulgentzia plenaria a tzertas conditziones. S'annu giubilare est giamadu puru annu santu. Comente primu Giubileu de sa Creja est consideradu cussu de su 1300 cherfidu dae su paba Bonifatziu VIII, chi cun sa Bulla Antiquarum, cuntzediada s'indulgentzia plenaria a chi pentidu de sos peccados e cunfessadu visitaiada sas duas crejas de Santu Pedru e Santu Paulu in Roma po 30 die de seguitu o cun intervallos si abitaiana a Roma, e po 15 dies po sos istranieros. Su Giubleu si deviada tzelebrare ogni 100 annos. Ma si gomente custu tempu fudi longu e impediada a meda cristianos sos beneficios de su giubileu, Clemente V in su 1343 ada istabilidu su Giubileu ogni 50 annos e in su 1350 fudi tzelebradu su II Giubileu. Paulu II ada istabilidu su Giubeu ogni 25 annos. Ogni tantu bi sunu istados giubileos istraordinarios. S'annu de su Giubileu incomintzada cun sa abertura solenne de sa Gianna Santa , una de cussas de intrada in sa basilica de Santu Pedru, e chi benidi murada a sa fine de unu Giubileu.