Càstia su còdighe de orìgine de Limba sarda/logudoresu

{{Variant|LOG}}{{Limba|nùmene=Sardu|colore=#ABCDEF|iso1=sc|mapa=[[File:Idioma sardo.png|250px]][[File:Sardinia Language Map.png|250px]]|estratu=Totus sos èsseres umanos naschint lìberos e eguales in dinnidade e in deretos. Issos tenent sa resone e sa cussèntzia e depent operare s'unu cun s'àteru cun ispìritu de fraternidade.<ref>[http://www.ohchr.org/EN/UDHR/Pages/Language.aspx?LangID=srd United Nations Human Rights. Universal Declaration of Human Rights in Sardinian language.]</ref>|codice=sc|didascalia=Ispartzidura geogràfica de sa limba sarda e de sas limbas alloglotas in Sardigna|sil=SRD|iso3=srd|iso2=srd|fam7=<small>(''[[Sardu logudoresu|Logudoresu]], [[Sardu campidanesu|Campidanesu]]'')</small>|regione=[[File:Flag of Sardinia, Italy.svg|20px]] [[Sardigna]]|fam6='''Sardu'''|fam5=[[Limbas romanzas meridionales|Romanzas meridionales]]|fam4=[[Limbas romanzas|Romanzas]]|fam3=[[Limba latina]]|fam2=[[Limbas itàlicas]]|fam1=[[Limbas indoeuropeas]]|tipologia={{SVO}}<ref>[http://wals.info/languoid/lect/wals_code_srd ''The World Atlas of Language Structures Online'', Sardinian]</ref><ref>La tipologia linguistica del sardo, Eduardo Blasco Ferrer https://revistas.ucm.es/index.php/RFRM/article/download/RFRM0000110015A/11140</ref><ref>Maurizio Virdis ''Plasticità costruttiva della frase sarda (e la posizione del soggetto)'', Rivista de filologia romanica, 2000 https://www.academia.edu/1500200/Plasticit%C3%A0_costruttiva_della_frase_sarda_e_la_posizione_del_Soggetto_</ref>|persones={{formatnum:1350000}}<ref>AA. VV. ''Calendario Atlante De Agostini 2017'', Novara, Istituto Geografico De Agostini, 2016, p. 230</ref>}}[[File:Romance 20c en.png|350px|thumb|Su sardu (num. 28) in sa carta de sas [[limbas romanzas]] ]]
Su '''sardu''' est una [[Limbas Romanzas|limba romanza]] chi su [[Populu sardu|populu]] de [[Sardigna]] faeddat in s'isula sua, e sa comunidade sarda chistionat in disterru.

== Datos generales ==
Su sardu est atesu meda dae su latinu e dae sas àteras limbas neolatinas, mescamente pro su chi pertocat sa gramàtica. Sa limba sarda si agatat in s'''ala otzidentale'' de sa latinidade, paris cun su [[Limba catalana|catalanu]], su [[Limba frantzesa|frantzesu]], s'[[Limba otzitana|otzitanu]], s'[[Limba ispagnola|ispagnolu]], su [[Limba portughesa|portughesu]] e àteras minores. Custu cheret nàrrere chi tenet comente caraterìstica su prurale in -s. 
In intro de sas limbas latinas, si sinnalat chi nde at leadu s'artìculu ("su"/"sa") dae su latinu ''ipse'', cando imbetzes totu sas àteras limbas l'ant leadu dae ''ille'' (francu su cadelanu in sas [[Ìsulas Baleares|Isulas Baleares]] chi at bogadu s'artìculu ''es''/''sa'' dae su latinu ''ipse''), in prus est s'unica chi fraighet su tempus benidore ponzende su verbu de agiudu "àere" in antis de su disfinidu (p.e.: ''apo a cantare'' dae "habeo ad cantare") e no a pustis (p.e.: it. ''canterò'', dae "cantare habeo").

== Istòria ==
=== Naschida de sa limba sarda ===
Su sardu comente limba chi benit dae su latinu comìntzat a naschere in su 238 a in antis de Cristu, cando sa Sardìgna fit provìntzia de [[Roma]]. Su latinu de sos soldados romanos, chi no fit su chi istudiaiant in sos lìberos ma fit diferente meda a intro de totu sas regiones chi nde beniant, at comintzadu a si amesturare luego cun sa lìmba chi sos sardos faeddaiant; a dolu mannu no ischimus meda de sa lìmba chi tando chistionaiamus in Sardìgna, ca no nos est abarradu documentu iscritu e duncas totu su chi ischimus est pro more de faeddos (prus chi totu relatamus a su sartu, bestiàmene, matas) chi no nde benint dae su latinu ma chi nde benint dae su “paleusardu”, comente a "làcana" o "mara". Sos Romanos peroe no ant agatadu solu su “paleusardu”, difatis tòcat a no s'immentigare de totu sas tzitades pùnigas in sas costeras, chi a fortza che ant intradu faeddos pùnicos a intro de sos sardos puru; in ue sos faeddos pùnicos chi ancoras imperamus fatu fatu sunt unos cantu, est a nàrrere "mitza", "tzìpiri", "chemu", "tzichiria", "tzingorra" (in italianu, ''sorgente'', ''rosmarino'', ''una manciata'', ''aneto'', ''piccola anguilla''). A contu fatu duncas su sardu est una lìmba romanza comente a su frantzesu, s'ispagnolu, su cadelanu, su portughesu, s’italianu, su ladinu; totu lìmbas chi sunt nàschidas dae su latinu de sos soldados romanos cun sa lìmba chi sa zente de su logu faeddaiant giai.

=== Derrota de Roma e Imperu Bizantinu ===
Incomintzende sos sèculos bator e chimbe a pustis de Cristu, in s’imperu romanu b'intrant sos "bàrbaros". Nemmancu sa Sardigna abbarrat a foras de custas intradas, e difatis intre su 450 e su 530 b'arribant sos Vàndalos, chi a su tempus a tempus aiant cunchistau giai s’[[Àfrica]] romana. Essende abarrados in Sardinna petzi pro 80 annos, no ant lassadu rastas in sa limba nostra. In su 534 sa Sardinna torrat a intrare in s'Imperu Romanu, ma como sa capitale non fit prus Roma ma [[Costantinòpoli]]. Medas sunt sas paràulas chi sunt nàschidas dae custu addòbiu cun sos bizantinos. Nos depimus ammentare chi sa cultura issoro est intrada in totu sas partes de sa vida de sos sardos de su tempus; sas paràulas bizantinas prus connotas sunt ''lepa'', ''condaxis'' / ''condaghes'' (regorta de atos giurìdicos), e nùmenes de pessone che a a ''Miali'', ''Aleni'', ''Giorgi'', ''Stèvini''.

=== Sos pisanos in Sardigna ===
[[File:Idioma sardo.png|250px|thumb|Mapa in ue si bidet sa cumpetentzia de su sardu]]
Bisàntziu si nde istèsiat dae sa Sardigna pro more de sos musulmanos, e duncas s'ìsula abarrat a sola finas a s'annu milli, cando sas repùbricas marinaras de Pisa e [[Gènova]] incomintzant a intrare mascamente in su Cabu de Susu e in su Judicadu de Casteddu, e ant lassadu sa tzitade de Tàtari a sos Genovesos. S'istòricu [[John Day]] at definidu s'interatzione de Pisa e Gènova cun sos logos ocupados comente "coloniale". Pro medas annos unos cantos linguistas ant portadu a in antis s'idea chi sos pisanos apant mudadu meda sa bariedade campidanesa, in sa pronùntzia e in s'evolutzione de sa limba, narande chi su campidanesu "lìngua", "silìcua", "anguidda", "ègua" o "cena", siant totu produtos dae sa colonisadura pisana e chi sas paràulas sardas beras siant "limba", "siliba", "ambidda", "eba", "chena", chi si podent galu intèndere in su Cabu de Susu. Sos ùrtimos istùdios<ref>{{Tzita web |url=http://www.comitau.org/Mangaras/bariedadis/luoghi_comuni_campidanesu.pdf |tìtulu=luoghi comuni nella lingua sarda-R. Bolognesi (Universidadi de Amsterdam e de Groninga)'' |atzessu=2020-08-04 |dataarchìviu=2011-07-25 |urlarchìviu=https://web.archive.org/web/20110725190144/http://www.comitau.org/Mangaras/bariedadis/luoghi_comuni_campidanesu.pdf |urlmortu=eja }}</ref> imbetzes ant ammustradu in manera crara chi, essende chi sos pisanos sunt abarrados petzi sessant'annos in su Cabu de Giossu, e essende chi no si sunt mai chèrfidos ammesturare a sos sardos, est craru chi no ant pòtziu mudare una bariedade chi cumintzat dae susu de Aristanis e chi pigat prus de una perra de Sardinna. E prus pagu galu in cussos annos, in ue galu no esistiat s'iscola comente a oe, non bi fiat sa ràdiu, sos zornales, sa televisione. Sas paràulas e sos fenòmenos chi a sos linguistas istranzos che a [[Max Leopold Wagner]] sunt pàrtzios istranos, simigiantes a su pisanu antigu e diferentes dae su sardu de Cabu de Susu, sunt nàschidos petzi ca est diferente s'istòria de comente su latinu est intradu e de comente est andau a in antis in Cabu de Susu e in Cabu de Giossu. Duncas, a contu fatu, siat "lìngua" siat "limba" (e totu sos àteras paràulas chi amos mentovadu) sunt sardas a su 100%, una peroe faghet parte de sas [[Sardu campidanesu|bariedades campidanesas]] e s’àtera de sa [[Sardu logudoresu|bariedades logudoresas]]. In cada manera, craru est chi unas cantas paràulas sunt intradas in su sardu dae su pisanu, sas prus connotas sunt "bèciu"-"(b)etzu", "brigùngia"-"(b)irgonza".

=== Su cadelanu e su castillianu in Sardigna ===
Su cadelanu divenit limba ufitziale de Sardigna in su 1479, chent'annos a pustis chi sos cadelanos fint intrados cun sos sordados in s’ìsula. Chentza duda peruna, su cadelanu est sa limba istranza chi prus est intrada in su sardu, e oe in die fintzas medas paràulas chi impreamus tenent raighinas cadelanas, est a nàrrere "ferreri", "pichepedreri", "sabateri", "mìgia", "buciaca", "cadira", "bratzolu" e gasi sighende. Custa limba fit gasi forte fintzas in sa sotziedade chi esistiat unu ditzu in Casteddu “no connoscit su cadelanu” chi lu impreant pro nàrrere de unu fulanu chi est ignorante meda. Su castillianu est intradu meda su matessi, peroe prus a tardu, a s'acabada de su 1500 candu giai nci fint istados 100 annos de influèntzia de su cadelanu. Medas notàrios l’ant impreadu finas a s’acabbu de su 1700, e in unos cantos logos pro fintzas in sos primos annos de su 1800, su sardu at retzidu una sienda de paràulas dae su castillianu; peroe bisongiat a nàrrere ca medas si sunt pèrdidas e pro cussu paret ca sas paràulas cadelanas prevalessant, in dies de oe. Bi sunt medas paràulas castillianas in su sardu campidanesu e prus puru in su logudoresu, in su primu podimus agatare: "aposentu", "brincai", "callentai", "dengosu", "fardetta", "gana", "intregai", "lei" (''legge'' in italianu), "menguai", "nascimentu", "obra", "prenda", "resfriai", "sintzillu", "tacca", "ventana". Tocat a nàrrere ca sos verbos in castillianu prevalessent in su sardu a cunfrontu de cussos de su cadelanu, mentras su cadelanu prevalesset in medas àteras cosas.

=== S’italianu in Sardigna ===
{{Quote|A sos tempos de sa pitzinnia, in bidda, totus chistionaiamus in limba sarda.
In domos nostras no si faeddaiat atera limba. E deo, in sa limba nadìa, comintzei a connoscher totu sas cosas de su mundu. A sos ses annos, intrei in prima elementare e su mastru de iscola proibeit, a mie e a sos fedales mios, de faeddare in s'unica limba chi connoschiamus: depiamus chistionare in limba italiana, "la lingua della Patria", nos nareit, seriuseriu, su mastru de iscola. Nois no connoschiamus sa limba italiana e, pro cussu, nos istaiamus mudos de fronte a su mastru ma, tra nois, sighemus a faeddare in sa limba de mama. Su mastru, cando nos intendiat alleghende in sardu, nos daiat ses atzotadas subra sas manos, tres pro donzi manu. E, tando, istaiamus mudos puru tra nois. Gai, totus sos pitzinnos de 'idda, intraian in iscola abbistos e allirgos e nde bessian tontos e cari-tristos.|[[Frantziscu Masala]], Sa limba est s'istoria de su mundu}}
In su 1718 sa Sardigna divenit parte de su chi diat a èssere istadu su Rennu de Itàlia. Finas a cussu annu perunu dominadore at tentu s’idea de iscantzellare sa limba sarda de su totu pro impònnere sa limba sua, ma sa polìtiga savojarda teniat sa tenta de fàghere bìnchere prus de totu sas àteras sa limba italiana. Essende su sardu forte meda comente limba, e cun sos mèdios de cussos tempos non faghiat a fàghere unu mudamentu linguìstigu in presse, s'àndala prus simpre pro italianitzare sa Sardinna fit a italianitzare su sardu in antis. Est prus simpre meda a colare dae unu sardu italizanitzadu a s’italianu chi non dae unu sardu beru a s’italianu. Pro fàghere custu, su primu passu fit a nche bogare dae sa conca de sos sardos sas paràulas chi fint atesu meda dae s’italianu e a las remplasare cun paràulas italianas “cun sa –u a s’acabu” ([[italianu procediu|sardu porcheddinu]]), pro fintzas sos vocabolàrios e sas gramàtigas de su tempus (s’Otighentos) teniant custa tenta, sa de imparare s’italianu a sos sardos colende dae unu sardu totu ammesturadu. S’italianu at peroe incomintzadu a s'ispartzinare a beru cun s'iscola pro totu su Noighentos, cun su serbìtziu de sordadu e cun sos zornales. S’allestrada manna de s’italianu in Sardinna l'amus tenta cun sa televisione, chi at batidu sa limba de s'Istadu a totu sas domos sardas. In sos ùrtimos chimbant'annos, su sardu at pèrdidu unu muntone de paràulas, remplasadas dae italianismos e custu est acadèssidu in totu s’ìsula, non bi sunt logos e biddas in ue custu fenòmenu no siat acadèssidu. Sa "enna" o "janna" est bessida "sa porta", su "ajaju" est bessidu su "nonnu", su "fradili" est bessidu su "cuginu", e gasi sighende.

=== Sa batalla po sa limba sarda ===
In s’acabu de sos annos Sessanta e in s'incomintzu de sos annos Setanta de su Millinoighentos, in totu s’Europa b'est istadu unu mudamentu curturale in totu sos logos in ue bi fit una limba de minoria. Pro nàrrere, in Ispagna, morendesiche Franco su ditadore, sas minorias linguìsticas bascas e cadalanas ant incomintzadu a traballare meda po torrare a fàghere nàschere sas limbas issoro, in su Galles in su [[Rennu Auniadu]] sos gallesos ant incomintzadu sa batalla issoro pro fàghere reconnòschere sa limba gallesa e su pròpiu ant incomintzadu a fàghere sos brètones, sos ladinos, sos furlanos e totu sas àteras minorias europeas.

Fintzas in Sardinna su movimentu pro sa limba sarda si fit fatu forte meda: in s’universidade, in s'iscola, in sa sotziedade a chistionare de limba sarda non fit prus un'ispantu. Sos istudiosos che a Antoni Lèpori su professore fint incomintzende a iscrìere ditzionàrios modernos, a istudiare sistemas ortogràfigos pro iscrìere su sardu de manera coerente. Totu custas batallas, atòbios e istùdios ant fatu nàschere, in su 1997, sa leze sarda nùmeru 26, chi est sa primu leze chi narat de manera crara chi su sardu est una limba chi faghet a l'impreare in cale si siat logu imparis a s’italianu. Narat puru ca essende una sienda, un'ascusorju mannu pro sa terra e su pòpulu sardu, tòcat a l'amparare comente si tocat, in s'iscola, in sa sotziedade e in sa vida de cada die.

A pustis de duos annos est essida sa leze 482 de s'istadu, chi a pustis de sessanta annos de democratzia cumprit s’artìgulu ses de sa Carta de s'Istadu. Cun custa leze, s'istadu reconnoschet dòighi linguìstigas a intro de sas làcanas italianas, est a nàrrere sa sarda, chi est sa minoria prus manna, sa furlana, sa tedesca, s'islovena, s'arbanesa, sa grecània, sa frantzesa, sa ladina, sa croata, sa franco-proventzale, sa cadelana e s’otzitana. Sas partes prus de importu de custa leze sunt chi totu custas limbas de minorias faghet a nche las fàghere intrare in s'iscola (dae sas elementares finas a sas mèdias). Nono comente a unu tantu de oras a sa chida, comente a una limba istranza, ma chi faghet a las impreare pro imparare sas matèrias che sa matemàtica, s'istòria, sa geografia e gai sighende. Custu est unu mudamentu a beru ca sa limba de minoria bessit a limba mesu de imparu. Àtera parte de importu mannu de custa leze est su fatu chi reconnoschet s’importàntzia de sa limba de minoria in s’amministratzione pùbrica, e duncas permitit de l'imparare in paris cun s’italianu, mancari petzi s’italianu tenzat efetos de leze.

== Difusione, situatzione a die de oe e perigulu de estintzione ==
Si carculat chi la diant a faeddare o cumprendere, nessi pro carchi fràsia, unas 1.200.000 personas de [[Sardigna]] e in prus sos disterrados chi no bi istant. Sos chi la cumprendent e la impreant de mèzus manera sunt meda prus pagos, ma no bi at carchi cherta ispetzialìstiga chi nde tratet; paret peroe, comente pro totu sas limbas de minoria, chi a la faeddare mèzus siant sos betzos, mancari bi sient giòvanos chi la istùdient e impreent bene.

Segundu a un'istùdiu de sa regione, su sardu lu diant a connòschere unas 1.495.000 personas e faeddare unas 1.000.000, a fronte de unu tres % ebbia chi naraiat de no lu connòschere, de no lu cumprendere e de no lu cherrere imparare. Ant peroe sinnaladu chi bi at s'arriscu chi su sardu diat a poder andare intra pagu tempus in estintzione, si no si ponet remèdiu, ca su bilinguismu est galu a bìdere; in prus, sighit a zirare unu ''stigma'' assotziadu a sa limba, e in sos ufìtzios pùblicos no si impreat a favore, oe, de s'italianu ebbia.

Custa situatzione si depet a s'istadu de diglossia, a livellu sotziològicu, chi at tentu e galu tenet su sardu dae s'època moderna in susu, ca sos invasores semper ant impostu che ufitziale sa limba issoro; si depet tènnere in contu chi sos ibericos teniant sas limbas insoro affaca a su sardu, mentras chi in s'ùrtimu perìodu de dominatzione, sa piemontesa, sos de Savoia cheriant aunire su dominiu issoro fintzas linguisticamente e nche ant bogadu ispagnolu e sardu puru. Sa cosa si che est galu prus imbrutada in sos annos '50 e '60 de su sèculu coladu, cando sos mèdios de comunicatzione e s'istrutzione ufitziale ant fatu a manera chi sos sardos aiant intesu s'italianu che "limba de cultura e de zente ischida", seberande de non imparare prus su sardu a sos fizos. In custu tempus, benit puru a pitzu su dualismu tra tzitade e bidda, in ue sa limba mama no est ancora totu isperdida. Pustis de una pelea longa incumintzada dae sos annos '70, si podet nàrrere chi carchi cosa siat cambiada ma solu in su [[1997]], pro more de una lege regionale chi at postu su sardu che limba ufitziale de sa Sardigna umpare a s'italianu.

Como bi at duas iscolas de pensu: a una banda, chie pensat chi s'irraighinamentu de su sardu dae sa sotziedade sarda siat arribadu a unu puntu chi su sardu si creet oramai belle iscumpartu e duncas estintu, a un'àtera chie imbetze cheret torrare sa limba a sos sardos chircande de sighire s'esèmpiu de àteras limbas de minoria, comente su catalanu. Bi at una tzerta atividade pro unificare su sardu, partzidu ind una cantidade manna de dialetos (unos 350) chi intra issos si podent cumprèndere, ma pro como est in suta a crìtica o polèmica (comente at sutzessu pro sa [[Limba Sarda Unificada]] e sa [[Limba Sarda Comuna]]).
[[File:Sardinia Language Map.png|thumb|250px|right|[[Limbas de sa Sardigna|Limbas e dialetos de sa Sardigna]]]]

== Sas bariedades ==
[[File:Sardignwès rifondaedje mot påye2.jpg|thumb|250px|right|Dae su latinu ''pacem'' a sos faeddos in sardu pro cussa peraula.]]
Sos limbistas partzint su sardu in medas bariedades, cun duas ortografias fundamentales a las intregare: su [[Sardu campidanesu|campidanesu]] e su [[Sardu logudoresu|logudoresu]]-[[nugoresu]]. Su [[Gaddhuresu|gadduresu]] ([[Limba corsicana|cossu]]), s'[[Dialetu aligheresu|aligheresu]] ([[Limba catalana|catalanu]]) e su [[tabarchinu]] (ligurinu) no sunt dialetos sardos. Pro su [[tàtaresu]] (o turritanu) sa chistione est prus difitzile ca mancari siet de gramàtiga corsicana, tenet meda de su lessicu logudoresu (80% a parrer de medas).

Sos limbazos sardos '''campidanesos''' sunt sa bariedade prus ispainada, cun unas 700.000 personas chi los faeddant. Si podet nàrrere chi, bogados sos Tabarchinos (Calasedda e Carloforte), totu sa Sardigna suta de unu raju ideale chi comintzat dae Cabras e lompet a Lotzorai chistionat campidanesu, mancari in formas diferentes de bidda a bidda.

Sos limbazos sardos '''logudoresos''' los chistionant dae su Màrghine e dae su Montiferru in susu, fintzas a su monte Limbara. No est presente in Gaddura (francu pro sas biddas de [[Terranoa]] e [[Luras]]), ma medas lu faeddant finas in [[Tàthari|Tàttari]] e [[S'Alighèra]], mancari custas cussòrgias tènzant dialetos issoro, e est istada sa limba de referèntzia pro sèculos pro sos poetas sardos e de sa [[litteradura sarda]]. Su '''nugoresu''', chi est postu a pare cun su logudoresu, si no pro sa mancàntzia de sa [[lenitzione]], si chistionat in sa provìntzia de [[Nùgoro]], bogandeche a parte su tretu asuta de Sòrgono (limba de Mesanìa) e de su Màrghine (logudoresu). Si creet chi siat custu su faeddu prus biu, e chi peri sos pitzinnos lu chistionent dae minores.

== Sas grafias ==

Finas a oe, mancari bi siant istados medas traballos e bideas, pro sa limba sarda no si agatat ancora unu "standard" ebbia de iscritura. S'ùnicu puntu chi acomunat sos istudiosos est sa modalidade de atzentadura: s'atzentu cheret postu in sa sìllaba de tres (partende dae sa fine de sa paràula) o in s'ùrtima. Lassande a banda sas grafias no issientìficas, chi sos iscritores e sos poetas ant sighidu peri tantos sèculos, oe bi sunt bàtor propostas printzipales pro iscrìere su sardu:

* '''LSC''': [[Limba Sarda Comuna]], ufitziale pro sos àtos de sa Regione.
* '''LSU''': [[Limba Sarda Unificada]].
* '''LdM''': [[Limba de Mesania]].
* '''GSA''': [[Grafia sarda autònoma]].

* ISO 639-1: sc 
* ISO 639-2: srd 
* ISO 639-3: variously:
** srd — Sardinian (generic)
** sro — Campidanese
** sdn — Gallurese
** src — Logudorese
** sdc — Sassarese

== Documentos in sardu anticu ==
[[File:Statuti Sassaresi XIV century 1a.png|thumb|260px|left|Istatudos tataresos]]Su sardu est istadu sa limba ufitziale de sos [[Giuigados sardos|zudicados]] in s'[[Edade de Mesu]]. Sa limba iscritta presentaiat meda latinismos chi como no s'intendent prus e una grafia chi sufferiat s'influentzia de sos assentadores (toscanos, genovesos o catalanos a s'ispissu). [[Dante Alighieri]] allegat de su sardu in ''De vulgari eloquentia'' e nche bogat sos sardos dae s'orbita italica, pro chi a parrere suo no teniant unu volgare chi si depiat tenner a contu e sighiant a imitare su latinu ("domus nova" e "dominus meus" narant infatis):
{{quote|Sardos etiam, qui non Latii sunt sed Latiis associandi videntur, eiciamus, quoniam soli sine proprio vulgari esse videntur, gramaticam tanquam simie homines imitantes: nam domus nova et dominus meus locuntur}}
Si podet bider carchi elementu de su sardu ja in su 1063, ma si depet aisetare una bintina de annos a pustis pro bider sos primos documentos in sardu anticu, comente sa ''Carta Volgare'' (in campidanesu) e su chi si narat ''Privilegio logudorese'', oje cunservadu in Pisa:
{{quote|In nomine Domini amen. Ego iudice Mariano de Lacon fazo ista carta ad onore de omnes homines de Pisas pro xu toloneu ci mi pecterunt: e ego donolislu pro ca lis so ego amicu caru e itsos a mimi; ci nullu imperatore ci lu aet potestare istu locu de non (n)apat comiatu de leuarelis toloneu in placitu: de non occidere pisanu ingratis: e ccausa ipsoro ci lis aem leuare ingratis, de facerlis iustitia inperatore ci nce aet exere intu locu...}}
''Donatzione de Torchitoriu'' (1089 o 1103, campidanesu):
{{quote|E inper(a)tor(e) ki l ati kastikari ista delegantzia e fagere kantu narat ista carta siat benedittu...}}
''Attu'' tra Bernardu, su piscamu de Civita (oje narada [[Terranoa]]), e Beneittu, aministradore de s'Opera 'e sa Sea in Pisa (1173, logudoresu):
{{quote|Ego Benedictus operaius de Santa Maria de Pisas Ki la fatho custa carta cum voluntate di Domino e de Santa Maria e de Santa Simplichi e de indice Barusone de Gallul e de sa muliere donna Elene de Laccu Reina appit kertu piscupu Bernardu de Kivita, cum Iovanne operariu e mecum e cum Previtero Monte Magno Kercate nocus pro Santa Maria de vignolas... et pro sa doma de VillaAlba e de Gisalle cum omnia pertinentia is soro.... essende facta custa campania cun sii Piscupu a boluntate de pare torraremus su Piscupu sa domo de Gisalle pro omnia sua e de sos clericos suos, e issa domo de Villa Alba, pro precu Kindoli mandarun sos consolos, e nois demus illi duas ankillas, ki farmi cojuvatas, suna cun servo suo in loco de rnola, e sattera in templo cun servii de malu sennu: a suna naran Maria Trivillo, a sattera  jorgia Furchille, suna fuit de sa domo de Villa Alba, e sattera fuit de Santu Petru de Surake ....... Testes Judike Barusone, Episcopu Jovanni de Galtellì, e Prite Petru I upu e Gosantine Troppis e prite Marchu e prite Natale e prite Gosantino Gulpio e prite Gomita Gatta e prite Comita Prias e Gerardu de Conettu ........ e atteros rneta testes. Anno dom.milles.centes.septuag.tertio}}
Sa segunda ''Carta'' in campidanesu, cunservada in Frantza, chi risalit a su 1190-1206:
{{quote|In nomine de Pater et Filiu et Sanctu Ispiritu. Ego iudigi Salusi de Lacunu cun muiere mea donna (Ad)elasia, uoluntate de Donnu Deu potestando parte de KKaralis, assolbu llu Arresmundu, priori de sanctu Saturru, a fagiri si carta in co bolit. Et ego Arresmundu, l(eba)nd(u) ass(o)ltura daba (su) donnu miu iudegi Salusi de Lacunu, ki mi illu castigit Donnu Deu balaus (a)nnus rt bonus et a issi et a (muiere) sua, fazzu mi carta pro kertu ki fegi cun isus de Maara pro su saltu ubi si (.... ....)ari zizimi (..) Maara, ki est de sanctu Saturru. Intrei in kertu cun isus de Maara ca mi machelaa(nt) in issu saltu miu (et canpa)niarunt si megu, c'auea cun istimonius bonus ki furunt armadus a iurari, pro cantu kertàà cun, ca fuit totu de sanctu Sat(ur)ru su saltu. Et derunt mi in issu canpaniu daa petra de mama et filia derectu a ssu runcu terra de Gosantini de Baniu et derectu a bruncu d'argillas e derectu a piskina d'arenas e leuat cabizali derectu a sa bia de carru de su mudeglu et clonpit a su cabizali de uentu dextru de ssa doméstia de donnigellu Cumitayet leuet tuduy su cabizali et essit a ssas zinnigas de moori de silba, lassandu a manca serriu et clonpit deretu a ssu pizariu de sellas, ubi posirus sa dìì su tremini et leuat sa bia maiori de genna (de sa) terra al(ba et) lebat su moori (...) a sa terra de sanctu Saturru, lassandu lla issa a manca et lebat su moori lassandu a (manca) sas cortis d'oriinas de(....)si. Et apirus cummentu in su campaniu, ki fegir(us), d'arari issus sas terras ipsoru ki sunt in su saltu miu et (ll)u castiari s(u) saltu et issus hominis mius de Sinnay arari sas terras mias et issas terras issoru ki sunt in saltu de ssus et issus castiari su saltu(u i)ssoru. Custu fegirus plagendu mi a mimi et a issus homi(nis) mius de Sinnay et de totu billa de Maara. Istimonius ki furunt a ssegari su saltu de pari (et) a poniri sus treminis, donnu Cumita de Lacun, ki fut curatori de Canpitanu, Cumita d'Orrù (.......)du, A. Sufreri et Iohanni de Serra, filiu de su curatori, Petru Soriga et Gosantini Toccu Mullina, M(........)gi Calcaniu de Pirri, C. de Solanas, C. Pullu de Dergei, Iorgi Cabra de Kerarius, Iorgi Sartoris, Laurenz(.....)ius, G. Toccu de Kerarius et P. Marzu de Quartu iossu et prebiteru Albuki de Kibullas et P. de zZippari et M. Gregu, M. de Sogus de Palma et G. Corsu de sancta Ilia et A. Carena, G. Artea de Palma et Oliueri de Kkarda (....) pisanu et issu gonpanioni. Et sunt istimonius de logu Arzzoccu de Maroniu et Gonnari de Laco(n) mancosu et Trogotori Dezzori de Dolia. Et est facta custa carta abendu si lla iudegi a manu sua sa curatoria de Canpitanu pro logu salbadori (et) ki ll'(aet) deuertere, apat anathema (daba) Pater et Filiu et Sanctu Ispiritu, daba XII Appostolos et IIII Euangelistas, XVI Prophetas, XXIV Seniores, CCC(XVIII) Sanctus Patris et sorti apat cun Iuda in ifernum inferiori. Siat et F. I. A. T.}}
''Istatudos tataresos'', iscrittos in logudoresu (1316)
{{quote|Vois messer N. electu potestate assu regimentu dessa terra de Sassari daue su altu Cumone de Janna azes jurare a sancta dei evangelia, qui fina assu termen a bois ordinatu bene et lejalmente azes facher su offitiu potestaria in sa dicta terra de Sassari...}}
Sa fentomada ''[[Carta de Logu]]'' de su [[Giuigadu de Arborea|Zudicadu de Arborea]] (1355-1376):
{{quote|XXI CAPIDULU

De chi levarit per forza mygeri coyada.

Volemus ed ordinamus chi si alcun homini levarit per forza mugeri coyada, over alcun'attera femina, chi esserit jurada, o isponxellarit alcuna virgini per forza, e dessas dittas causas esserit legittimamenti binchidu, siat iuygadu chi paghit pro sa coyada liras chimbicentas; e si non pagat infra dies bindighi, de chi hat a esser juygadu, siat illi segad'uno pee pro moda ch'illu perdat. E pro sa bagadìa siat juygadu chi paghit liras ducentas, e siat ancu tenudu pro levarilla pro mugeri, si est senza maridu, e placchiat assa femina; e si nolla levat pro mugeri, siat ancu tentu pro coyarilla secundu sa condicioni dessa femina, ed issa qualidadi dess'homini. E si cussas caussas issu non podit fagheri a dies bindighi de chi hat a esser juygadu, seghintilli unu pee per modu ch'illu perdat. E pro sa virgini paghit sa simili pena; e si non hadi dae hui pagari, seghintilli unu pee, ut supra.}}

In su chimbichentos e seschentos, su sardu diat aer appidu faeddos medas chi beniant dae su catalanu e ispagnolu, pro more de sa dominadura. Gai puru est capitadu in cussa piemontesa pro sos faeddos italianos, e ancora in su periodu addurande a oe.

== Vocabolarieddu ==
Inoghe si podet ghettare un'ograda a carchi vocabolu a manera de lu ponner a cunfrontu in sas [[limbas romanzas]].

{| {{prettytable}}
|----- bgcolor="#EFEFEF"
||''[[Limba latina|Latinu]]''|| '''''Sardu''''' || ''[[Limba frantzesa|Frantzesu]]'' || ''[[Limba ispagnola|Ispagnolu]]''|| ''[[Limba otzitana|Otzitanu]]''|| ''[[Limba catalana|Catalanu]]''|| ''[[Limba aragonesa|Aragonesu]]''|| ''[[Limba portughesa|Portughesu]]''|| ''[[Limba romuna|Romunu]]''|| ''[[Limba italiana|Italianu]]'' || ''[[Limba corsicana|Cossu]]''|| ''[[Limba friulana|Friulanu]]''
|----- 
||'''clave(m)''' 
||'''crae/i/jae (log.), crai (camp.)'''
||''clef'' 
||''llave'' 
||''clau'' 
||''clau''
||''clau''
||''chave'' 
||''cheie'' 
||''chiave''
||''chjave/chjavi'' 
||''clâf'' 
|-----
||'''nocte(m)''' 
||'''note/noti (camp.)'''
||''nuit''
||''noche'' 
||''nuèit/nuèch''
||''nit''
||''nueit''
||''noite'' 
||''noapte''
||''notte''
||''notte/notti'' 
||''gnot'' 
|----- 
||'''cantare''' 
||'''cantare/cantai (camp.)'''
||''chanter''
||''cantar'' 
||''cantar'' 
||''cantar''
||''cantar''
||''cantar'' 
||''cântare''
||''cantare''
||''cantà'' 
||''cjantâ'' 
|----- 
||'''capra(m)''' 
||'''cabra/craba/crapa'''
||''chèvre''
||''cabra'' 
||''cabra'' 
||''cabra''
||''craba''
||''cabra'' 
||''capra''
||''capra''
||''capra'' 
||''cjavre'' 
|----- 
||'''lingua(m)''' 
||'''limba (log.)/lìngua (camp.)'''
||''langue''
||''lengua'' 
||''lenga'' 
||''llengua''
||''luenga''
||''língua'' 
||''limba''
||''lingua''
||limba

||''lenghe'' 
|----- 
||'''platea(m)''' 
||'''pratha/pratza (camp.)'''
||''place''
||''plaza'' 
||''plaça'' 
||''plaça''
||''plaza''
||''praça'' 
||''piaţa''
||''piazza''
||''piazza'' 
||''place'' 
|----- 
||'''ponte(m)''' 
||'''ponte/ponti (camp.)''' 
||''pont''
||''puente'' 
||''pònt'' 
||''pont''
||''puent''
||''ponte'' 
||''pod/punte''
||''ponte''
||''ponte/ponti'' 
||''puint'' 
|----- 
||'''ecclesia(m)/basilica''' 
||'''cheia/creia/crèsia (camp.)''' 
||''église''
||''iglesia'' 
||''glèisa'' 
||''església''
||''ilesia''
||''igreja'' 
||''biserica''
||''chiesa''
||''ghjesgia'' 
||''glesie'' 
|----- 
||'''hospitale(m)''' 
||'''ispidale/spidali (camp.)''' 
||''hôpital''
||''hospital'' 
||''espital'' 
||''hospital''
||''hespital''
||''hospital'' 
||''spital''
||''ospedale''
||''spedale/uspidali'' 
||''ospedâl'' 
|----- 
||'''caseu(m)''' <br /> <small>[[lat.volg.]]''formaticu(m)''</small>
||'''casu''' 
||''fromage''
||''queso'' 
||''formatge'' 
||''formatge''
||''formache/queso''
||''queijo'' 
||''brânză/caş''
||''formaggio/cacio''
||''casgiu'' 
||''formadi'' 
|}

== Paraulas in italianu e in sos limbazos sardos ==
{| class="wikitable"
! [[Limba italiana|Italianu]]  || [[Sardu logudoresu|Logudoresu]]  || [[Sardu campidanesu|Campidanesu]]  || [[Galluresu]]  || [[Tàtaresu]]  || [[Dialetu aligheresu|S'Aligheresu]]  || [[Tabarchinu]]
|--
|la terra   ||sa terra   ||sa terra   ||la tarra   ||la terra   ||la terra/tierra   ||a têra
|--
|il cielo   ||su chelu   ||su celu ||lu celu ||lu zelu   ||lo cel   ||u sé
|--
|l'acqua   ||s'abba   ||s'àcua ||l'ea ||l'eba   ||l'algua   ||l'aegua
|--
|il fuoco   ||su fogu   ||su fogu ||lu focu ||lu fogu   ||lo foc   ||u fogu
|--
|l'uomo   ||s'omine   ||s'òmini   ||l'omu   ||l'ommu   ||l'home   ||l'omu
|--
|la donna   ||sa fémina   ||sa fémina   ||la fèmina   ||la fémmina   ||la dona   ||a dona
|--
|mangiare   ||mandigare/papare ||papai || magnà |manghjà ||magnà   ||menjar   ||mangiâ
|--
|bere   ||buffare   ||bufai ||bì ||bì   ||beure   ||beive
|--
|grande  ||mannu   ||mannu   ||mannu/grendi/grandi   ||mannu   ||gran   ||grande
|--
|piccolo   ||minore   ||cinu/piticu   ||minori/picculu   ||minori   ||petit   ||piccin
|--
|il burro   ||su butidu   ||su butirru   ||butirru/buttirru   ||butiu   ||mantega   ||buru
|--
|il mare   ||su mare   ||su mari   ||lu mari   ||lu mari   ||la mar   ||u mô
|--
|il giorno   ||sa die   ||sa dii ||la dì ||la dì   ||lo dia   ||u giurnu
|--
|la notte   ||sa note ||sa noti ||la notti   ||la notti   ||la nit   ||a néùtte
|--
|la scimmia   ||sa ìssimmia/muninca   ||sa martinica/mantenica ||la municca ||la muninca   ||la muninca   ||a scimia
|--
|il cavallo   ||su caddu   ||su cuaddu   ||lu cabaddu   ||lu cabaddu   ||lo cavall   ||u cavallu
|--
|la pecora   ||sa berbeche/s'arveghe   ||su brebei   ||la pècura   ||la pégura   ||l'ovella   ||a pëgua
|--
|il fiore   ||su fiore/frore   ||su frori   ||lu fiori   ||lu fiori   ||la flor   ||a sciùa
|--
|la macchia   ||sa macula/mantza   ||sa maguglia/mancia   ||la tacca   ||la maccia   ||la taca   ||a maccia
|--
|la testa   ||sa conca   ||sa conca   ||lu capu   ||lu cabbu   ||lo cap   ||a tésta
|--
|la finestra   ||sa bentana   ||sa ventana   ||lu balconi   ||lu balchoni   ||la finestra   ||u barcùn
|--
|la porta   ||sa yanna/gianna ||sa genna/ghenna ||la ghjanna/gianna   ||la janna   ||la porta   ||a porta
|--
|il tavolo   ||sa mesa   ||sa mesa   ||la banca   ||la banca/mesa   ||la taula   ||a tòa
|--
|il piatto   ||su piatu ||su pratu ||lu piattu ||lu piattu   ||lo plat   ||u tundu
|--
|lo stagno   ||s'istaniu   ||su stangiu/staini   ||lu stagnu   ||l'isthagnu   ||l'estany   ||u stagnu
|--
|il lago   ||su lagu   ||su lagu   ||lu lagu   ||lu lagu   ||lo llac   ||u lagu/lògu
|--
|un arancio   ||un'aranzu   ||un'aràngiu   ||un aranciu   ||un arantzu   ||una taronja   ||un çetrùn
|--
|la scarpa   ||s'iscarpa   ||sa crapita/sabàta/su sapàtu/ su butineddu ||la botta ||la botta   ||la bota   ||a scarpa/scòrpa
|--
|la zanzara   ||sa tintula   ||sa zintzula/zanzula/sintzula   ||la zinzula   ||la zinzura   ||la tìntula   ||a sinsòa
|--
|la mosca   ||sa musca   ||sa musca   ||la musca   ||la mòscha   ||la mosca   ||a musca
|--
|la luce   ||sa lughe/luche   ||sa luxi/lughi   ||la luci   ||la luzi   ||la llumera/llum   ||a lüxe
|--
|il buio   ||su bugiu   ||su buju/iscuru/iscuriu   ||lu bughju   ||lu buggiu   ||l'obscuritat   ||scuur
|--
|un'unghia   ||un'ùngia   ||un'unga   ||un'ugna   ||un'ugna   ||una ungla   ||un'ùngia
|--
|la lepre   ||sa lèpere ||su lèpiri/lèpuri/lèpori ||lu lèparu   ||lu lèpparu   ||la llebre   ||a léve
|--
|la volpe   ||su matzone/gròdhe   ||su margiani/mariane   ||lu maccioni   ||lu matzoni   ||lo guineot/matxoni   ||a vurpe
|--
|il ghiaccio   ||su ghiatzu/astragu/itìa ||su ghiàciu ||lu ghjacciu   ||lu ghiacciu   ||lo guiatxo   ||u ghiacciu
|--
|il cioccolato   ||su ciocolatu/ciculata ||su ciocolatu/ciuculati ||lu cioccolatu   ||lu ciocculatu   ||la xocolata   ||a ciculata
|--
|la valle   ||sa 'adde   ||sa baddi/bacu   ||la vaddi   ||la baddi   ||la vall   ||a valle
|--
|il monte   ||su monte   ||su monti   ||lu monti   ||lu monti   ||lo mont   ||u munte
|--
|il fiume   ||su riu/frumene   ||su frumini/riu   ||lu riu   ||lu riu   ||lo riu   ||u riu
|--
|il bambino/ragazzo   ||su pitzinnu/piseddu   ||su pipiu/piciocu   ||lu steddu   ||lu pitzinnu   ||lo minyò   ||u figgeu
|--
|il neonato   ||sa criadura   ||su nennu/ddeddu   ||la criatura/stiducciu   ||la criaddura   ||la criatura   ||u piccin
|--
|il sindaco   ||su mere/su sindigu   ||su meri/su sindigu   ||lu sindacu   ||lu sindagu   ||l'alcalde/sìndic   ||u scindegu
|--
|l'auto  ||sa màchina ||sa màchina/s'àuto (su carru) ||la vittura/la macchina ||la macchina   ||la màquina/l'automobìl   ||a vétüa/a machina
|}

== Boghes curreladas ==
* [[Limbas de sa Sardigna]]
* [[Italianu procediu|Italianu porcheddinu]]
* [[Limba polinomica]]
* [[Limba sarda|Limba sarda (LSC)]]
* [[Limba sarda/campidanesu|Limba sarda (campidanesu)]]

== Notas ==
<references/>

== Bibliografia ==

* {{Limbas|it}}Porru, Vissentu, ''Dizionariu universali sardu-italianu'', Cagliari, Casteddu, 1832.
* {{Limbas|it}}[[Giovanni Spano|Spano, Giovanni]], ''Ortografia sarda nazionale'', Casteddu, Reale Stamperia, 1840.
* {{Limbas|it}}[[Giovanni Spano|Spano, Giovanni]], ''Vocabolario sardo-italiano e italiano-sardo'', 2 voll., Casteddu, 1851-1852 (torradu a imprentare dae Bologna, Arnaldo Forni, 1966).
* {{Limbas|it}}[[Max Leopold Wagner|Wagner, Max Leopold]], ''Fonetica storica del sardo'', bortadu dae Giulio Paulis, Casteddu, Trois, 1984. (bortadura de: ''Historische Lautlehre des Sardinischen'', 1941).
* {{Limbas|it}}[[Max Leopold Wagner|Wagner, Max Leopold]], ''La lingua sarda. Storia, spirito e forma'', Berna, Francke, 1951; como a incuru de Giulio Paulis, Nùgoro, 1997.
* {{Limbas|it}}[[Max Leopold Wagner|Wagner, Max Leopold]], ''Dizionario etimologico sardo (DES)'', Heidelberg, Carl Winter, 1962 (torradu a imprentare dae Casteddu, Trois, 1989).
* {{Limbas|it}}[[Giulio Angioni|Angioni, Giulio]], ''Pane e formaggio e altre cose di Sardegna'', Zonza, Casteddu, 2002.
* {{Limbas|it}}[[Giulio Angioni|Angioni, Giulio]], ''Tutti dicono Sardegna'', EDeS, Casteddu, 1990.
* {{Limbas|it}}[[Francesco Alziator]], ''Storia della letteratura di Sardegna'', Casteddu, 3T, 1982
* {{Limbas|it}}Bruno Anatra, ''Editoria e pubblico in Sardegna fra Cinque e Seicento'', Roma, Bulzoni, 1982
* {{Limbas|it}}Maxia, Mauro, ''Lingua Limba Linga. Indagine sull'uso dei codici linguistici in tre comuni della Sardegna settentrionale'', Casteddu, Condaghes 2006
* {{Limbas|it}}Maxia, Mauro, ''La situazione sociolinguistica della Sardegna settentrionale'', in ''Sa Diversidade de sas Limbas in Europa, Itàlia e Sardigna'', Regione Autònoma de Sardigna, Bilartzi 2010
* {{Limbas|it}}Areddu, Alberto G., ''Le origini "albanesi" della civiltà in Sardegna'', Nàpoli, 2007.
* {{Limbas|de|it}}B. S. Kamps e Antonio Lepori, [http://casteddu.com/cstd/sardo.htm Sardisch fur Mollis & Muslis], Steinhauser, Wuppertal, 1985.
* {{Limbas|it}}Blasco Ferrer, Eduardo, ''Linguistica sarda. Storia, metodi, problemi'', Condaghes, Casteddu, 2003.
* {{Limbas|it}}Blasco Ferrer, Eduardo ''Paleosardo. Le radici linguistiche della Sardegna neolitica'', Berlinu/New York (2010)
* {{Limbas|it}}Bolognesi, Roberto e Wilbert Heeringa, ''Sardegna tra tante lingue: il contatto linguistico in Sardegna dal Medioevo a oggi'', Condaghes, Casteddu, 2005.
* {{Limbas|it}}Bolognesi, Roberto, ''Le identità linguistiche dei sardi'', Condaghes
* {{Limbas|en}}Bolognesi, Roberto ''The phonology of Campidanian Sardinian : a unitary account of a self-organizing structure'', The Hague: Holland Academic Graphics
* Cardia, Amos, ''S'italianu in Sardìnnia'', Iskra, 2006.
* Cardia, Amos, ''Apedala dimòniu'', I sardi, Casteddu, 2002.
* {{Limbas|it}}Casula, Francesco, ''La Lingua sarda e l'insegnamento a scuola'', Alfa, Cuartu Sant'Aleni, 2010.
* {{Limbas|it}}Casula, Francesco, ''Breve storia della scrittura in Sardegna'', EDES, Casteddu, 1978.
* {{Cita libro|nùmene=Francesco|sambenadu=Casula|tìtulu=Letteratura e civiltà della Sardegna. Volume I|editzione=1|data=2011|editore=Grafica del Parteolla|tzitade=Patiolla|limba=it|ISBN=978-88-96778-61-6}}
* {{Cita libro|nùmene=Francesco|sambenadu=Casula|tìtulu=Letteratura e civiltà della Sardegna. Volume II|editzione=1|data=2013|editore=Grafica del Parteolla|tzitade=Patiolla|limba=it|ISBN=978-88-6791-018-2}}
* {{Cita libro|nùmene=Francesco Cesare|sambenadu=Casula|tìtulu=La Storia di Sardegna|annu=1994|editore=Carlo Delfino Editore|tzitade=Tàtari|limba=it|cid=harv|isbn=978-88-7138-084-1}}
* Sugeta, Shigeaki, ''Su bocabolariu sinotticu nugoresu - giapponesu - italianu: sas 1500 paragulas fundamentales de sa limba sarda'', Della Torre, Casteddu, 2000.
* {{Limbas|it}}Sugeta, Shigeaki, ''Cento tratti distintivi del sardo tra le lingue romanze: una proposta'', 2010.
* Colomo, Salvatore (a cura di), ''Vocabularieddu Sardu-Italianu / Italianu-Sardu''.
* {{Cita libro|nùmene=Giuseppe|sambenadu=Corongiu|tìtulu=Il sardo. Una lingua «normale». Manuale per chi non ne sa nulla, non conosce la linguistica e vuole saperne di più o cambiare idea|url=https://www.worldcat.org/oclc/856863696|atzessu=2019-12-04|data=2013|editore=Condaghes|tzitade=Casteddu|limba=it|OCLC=856863696|ISBN=88-7356-214-0}}
* Farina, Luigi, ''Vocabolario Nuorese-Italiano e Bocabolariu Sardu Nugoresu-Italianu''.
* Jones, Michael Allan, ''Sintassi della lingua sarda (Sardinian Syntax)'', Condaghes, Casteddu, 2003.
* Lepori, Antonio, ''Vocabolario moderno sardo-italiano: 8400 vocaboli'', CUEC, Casteddu, 1980.
* {{Limbas|it}}Lepori, Antonio, ''Zibaldone campidanese'', Castello, Casteddu, 1983.
* Lepori, Antonio, ''Fueddàriu campidanesu de sinònimus e contràrius'', Castello, Casteddu, 1987.
* Lepori, Antonio, ''Dizionario Italiano-Sardo Campidanese'', Castello, Casteddu, 1988.
* Lepori, Antonio, ''Gramàtiga sarda po is campidanesus'', C.R., Cuartu San'Aleni, 2001.
* Lepori, Antonio, ''Stòria lestra de sa literadura sarda. De su Nascimentu a su segundu Otuxentus'', C.R., Cuartu San'Aleni, 2005.
* {{Limbas|it}}Mameli, Francesco, ''Il logudorese e il gallurese'', Soter, [[Villanova Monteleone]], 1998.
* {{Limbas|de}}Mensching, Guido, ''Einführung in die sardische Sprache'', Romanistischer Verlag, Bonn, 1992.
* {{Limbas|it}}[[Giuseppe Mercurio|Mercurio,Giuseppe]], ''S'allega baroniesa. La parlata del sardo-baroniese – fonetica, morfologia, sintassi'', Ghedini, Milanu, 1997.
* {{Limbas|it}}Pili, Marcello, ''Novelle lanuseine: poesie, storia, lingua, economia della Sardegna'', La sfinge, Ariccia, 2004.
* {{Limbas|it}}[[Michelangelo Pira|Pira, Michelangelo]], ''Sardegna tra due lingue'', Della Torre, Casteddu, 1984.
* {{Limbas|it}}Pittau, Massimo, ''Grammatica del sardo-nuorese'', Patron, Bologna, 1972.
* {{Limbas|it}}Pittau, Massimo, ''Grammatica della lingua sarda'', Delfino, Tàtari, 1991.
* Pittau, Massimo, ''Dizionario della lingua sarda: fraseologico ed etimologico'', Gasperini, Casteddu, 2000/2003.
* {{Limbas|it}}Putzu, Ignazio, «La posizione linguistica del sardo nel contesto mediterraneo», in ''Neues aus der Bremer Linguistikwerkstatt. aktuelle Themen und Projekte'', a cura di Cornelia Stroh, Universitätsverlag Dr. N. Brockmeyer, Bochum, 2012, pp.&nbsp;175–206.
* Rubattu, Antonino, ''Dizionario universale della lingua di Sardegna'', Edes, Tàtari, 2003.
* {{Limbas|it}}Rubattu, Antonino, ''Sardo, italiano, sassarese, gallurese'', Edes, Tàtari, 2003.
* {{Limbas|it}}Grimaldi, Lucia, ''Code switching nel sardo – un segno di disintegrazione o di ristrutturazione socio-linguistica?'', 2010.
* {{Cita libro|nùmene=Salvatore|sambenadu=Tola|tìtulu=La Letteratura in Lingua Sarda. Testi, autori, vicende|url=http://www.sardegnadigitallibrary.it/mmt/fullsize/2010011412221400006.pdf|atzessu=2019-12-04|editzione=1|data=2006|editore=CUEC|tzitade=Casteddu|limba=it|OCLC=77556665|ISBN=88-8467-340-2|dataarchìviu=2016-04-14|urlarchìviu=https://web.archive.org/web/20160414192419/http://www.sardegnadigitallibrary.it/mmt/fullsize/2010011412221400006.pdf|urlmortu=eja}}
* {{Cita libro|nùmene=Salvatore|sambenadu=Tola|tìtulu=50 anni di premi letterari in lingua sarda|url=https://www.worldcat.org/oclc/77504100|atzessu=2019-12-04|editzione=1|data=2006|editore=Domus de Janas|tzitade=Sestu|limba=it|OCLC=77504100|ISBN=88-88569-61-8}}
* {{Limbas|it}}Toso, Fiorenzo, La Sardegna che non parla sardo, Cuec, 2012
* {{Limbas|it}}Wolf, Heinz Jürgen, ''Toponomastica barbaricina'', Nùgoro, 1998.
* Poscheddu, Peppe (1990); a cura di Giuseppe Petazzi. ''Vocabolario medico : italiano-sardo sardo-italiano'', 2D Editrice Mediterranea, Casteddu

== Cullegamentos de fora ==
* [https://ditzionariu.nor-web.eu/ Ditzionàriu in línia de sa limba e de sa cultura sarda] - Regione Autònoma de Sardigna
* [http://sassari.tv/cat_video.php?cat=6 A iscola de sardu (Maria Barca) - Sassari.TV] {{Webarchive|url=https://web.archive.org/web/20190630002923/http://www.sassari.tv/cat_video.php?cat=6 |date=2019-06-30 }}
* [http://www.limbasarda.it/gram/gram_iniz.html Sa Limba Sarda]
* [http://www.comitau.org/Mangaras/gramatiga/gramatiga_sarda.pdf Grammatica de su sardu campidanesu] {{Webarchive|url=https://web.archive.org/web/20120111065657/http://www.comitau.org/Mangaras/gramatiga/gramatiga_sarda.pdf |date=2012-01-11 }}
* [[Grammatica de su sardu|Grammatica de su sardu nugoresu (in sardu)]]
* [http://it.wikibooks.org/wiki/Sardo Grammatica de su sardu nugoresu (in italianu)]
*Dizionario universale della lingua di Sardegna - Antoninu Rubattu (N.B.: si cherìes cussurtàre su ditzionariu foras de sa retza, podìes comuncàs iscarricàre sos libros chi sìchin: s'unu pro sa [http://www.sardegnacultura.it/documenti/7_81_20080107092727.pdf prima parte A-L] {{Webarchive|url=https://web.archive.org/web/20170630081550/http://www.sardegnacultura.it/documenti/7_81_20080107092727.pdf |date=2017-06-30 }} e s'atteru puru pro sa [http://www.sardegnacultura.it/documenti/7_81_20080107093437.pdf secunda parte M-Z] {{Webarchive|url=https://web.archive.org/web/20121116095945/http://www.sardegnacultura.it/documenti/7_81_20080107093437.pdf |date=2012-11-16 }}). 
** [http://www.antoninurubattu.it/rubattu/italiano-sardo/Dulsi-9/ Italiano - Sardu] {{Webarchive|url=https://web.archive.org/web/20140322165409/http://www.antoninurubattu.it/rubattu/italiano-sardo/Dulsi-9/ |date=2014-03-22 }}
** [http://www.antoninurubattu.it/rubattu/logudorese/Logudorese-2/ Logudoresu] {{Webarchive|url=https://web.archive.org/web/20140322165544/http://www.antoninurubattu.it/rubattu/logudorese/Logudorese-2/ |date=2014-03-22 }} / [http://www.antoninurubattu.it/rubattu/campidanese/Campidanese-13/ Campidanesu] {{Webarchive|url=https://web.archive.org/web/20140322165723/http://www.antoninurubattu.it/rubattu/campidanese/Campidanese-13/ |date=2014-03-22 }} / [http://www.antoninurubattu.it/rubattu/nuorese/Nuorese-12/ Nugoresu] {{Webarchive|url=https://web.archive.org/web/20140322165816/http://www.antoninurubattu.it/rubattu/nuorese/Nuorese-12/ |date=2014-03-22 }} - Italiano
** In supra de sa botanica (pràntas e àrbures)
***[http://www.antoninurubattu.it/rubattu/dizionario-degli-esseri-viventi-a/13-opere/186-esseri-1.html A-P] {{Webarchive|url=https://web.archive.org/web/20140322200138/http://www.antoninurubattu.it/rubattu/dizionario-degli-esseri-viventi-a/13-opere/186-esseri-1.html |date=2014-03-22 }}
***[http://www.antoninurubattu.it/rubattu/dizionario-degli-esseri-viventi-a/13-opere/187-esseri2.html P-Z] {{Webarchive|url=https://web.archive.org/web/20140322200140/http://www.antoninurubattu.it/rubattu/dizionario-degli-esseri-viventi-a/13-opere/187-esseri2.html |date=2014-03-22 }}
** [http://www.antoninurubattu.it/rubattu/dizionario-degli-esseri-viventi-a/13-opere/188-esseri3.html In supra de s'ittiologia (pìsches)] {{Webarchive|url=https://web.archive.org/web/20140322165131/http://www.antoninurubattu.it/rubattu/dizionario-degli-esseri-viventi-a/13-opere/188-esseri3.html |date=2014-03-22 }}
** [http://www.antoninurubattu.it/rubattu/dizionario-degli-esseri-viventi-a/13-opere/189-esseri4.html In supra de s'ornitologia (puzònes)] {{Webarchive|url=https://web.archive.org/web/20140322165413/http://www.antoninurubattu.it/rubattu/dizionario-degli-esseri-viventi-a/13-opere/189-esseri4.html |date=2014-03-22 }}
** [http://www.antoninurubattu.it/rubattu/dizionario-degli-esseri-viventi-a/13-opere/190-esseri5.html In supra de sa Zoologia (varios animales)] {{Webarchive|url=https://web.archive.org/web/20140322165046/http://www.antoninurubattu.it/rubattu/dizionario-degli-esseri-viventi-a/13-opere/190-esseri5.html |date=2014-03-22 }}
* [http://www.midesa.it/cgi-bin/show?art=Tonzanu.htm Sa limba sarda] {{Webarchive|url=https://web.archive.org/web/20170227114118/http://www.midesa.it/cgi-bin/show?art=Tonzanu.htm |date=2017-02-27 }}
* [http://www.sardegnacultura.it/documenti/7_108_20090205122945.pdf Glossàriu isperimentale cunforma a sas normas de referèntzia a caràtere isperimentale pro sa limba sarda iscrita] {{Webarchive|url=https://web.archive.org/web/20110722052859/http://www.sardegnacultura.it/documenti/7_108_20090205122945.pdf |date=2011-07-22 }}
* [http://www.sardegnadigitallibrary.it/index.php?xsl=648&s=17&v=9&c=4460&na=1&n=24&nodesc=1&c1=Memorie+in+lingua+sarda&idtipo=2&xctl=1&mtd=67 Memorie in lingua sarda - Sardegna Digital Library]

[[Categoria:Limbas|Sardu]]
[[Categoria:Limba sarda| ]]