Claudia Aru
Articulu in campidanesu
Claudia Aru (Biddacidru, 15 maju 1981[1][2]) est una cantadora sarda. Cun sa scritura de cantzonis e mùsica e un'atividadi notàbbili de cuncertus tenit una carriera intensa chi at biu fintzas sa partecipatzioni a acuntessimentus in Osaka, Pechino e Shangai e sa collaboratzioni cun atrus artistas sardus de importu mannu[3].
| Claudia Aru | |
|---|---|
| Nàschidu su | 15 de maju de su 1981 Biddacidru |
| Orìgine | Biddacidru, Sardigna |
| Gènere musicale | World Music Jazz Swing Country |
| Etichetas | nootempo Matriota productions |
| Artistas assotziados | Bentesoi Arrogalla Rossella Faa Elena Ledda Joe Perrino Sa Razza Don Leone Varijashree venugopal |
Biografia
modìficaA pustis de si laureai in s'Universidadi de Bologna in stòria de s'Arti, at bìviu de su 2002 a su 2005 in Barcellona, innui at studiau mùsica in sa scola "Taller de Musics".[3][4] A pustis, at bìviu in New York e in Roma e est torrada in Sardìnnia in su 2008, innui at fundau su progetu Bentesoi, cun Arrogalla, chi at pubblicau duus Album, Tripland e Folk You. In su 2012 inghitzas sa carriera sua de solista pubblichendi s'album Aici cun s'eticheta Nootempo chi iat giai prodùsiu is album de is Bentesoi. S'album bessit a pustis de su sìngulu omònimu e in paris cun un'atru sìngulu, Burdu bu. Totus is testus de s'album funt scritus de issa etotu e sa mùsica est cumposta in collaboratzioni cun Marcello Pilleri chi sonat sa ghitarra e su banjo e cun Matteo Marongiu a su contrabbassu. In su 2013 bessit su segundu album, A giru a giru.[4]
In su 2015 bessit su sìngulu Su Tasinanta, sighiu de s'album Momoti, chi pigat su nòmini de sa criadura de fantasia de s'immaginàriu sardu e chi unas cantas pubblicatzionis ant definiu cummenti s'album de sa maduresa de s'artista[4][5]. In su mesi de ladàmini de su pròpiu annu, bincit su Prèmiu Andrea Parodi po sa mellus interpretatzioni[4][6].
In su 2016 at cantau cun su grupu suu in Osaka, Giaponi, in un'acuntessimentu organizau de s'Istituto Italiano di Cultura. S'ocasioni dd'at ispirau sa creatzioni de su vìdeu po sa cantzoni Oi mi scidu chitzi, bessiu in su 2017.[7] Sèmpiri in su 2016 est stètia candidada a sa Targa Tenco[8].
In su 2019 pubblicat s'album Aru, innui contat cun ironia e crìtica su mundu de provìntzia.[9]
In s'interis de sa Pandemia de COVID-19, cun s'impossibilidadi de fai cuncertus nous, abarrat ativa in lìnia publichendi su sìngulu Arrò du Covid e ghetendi s'idea de cumpartzi òperas de artistas sardus me is arretzas sotzialis cun s'hashtag #adottaunartistasardo comenti sinnu de solidariedadi in su momentu de dificultadi.[10][11]
Discografia
modìficaAlbum
modìfica- 2008 - Tripland, cun is Bentesoi
- 2010 - Folk you!, cun is Bentesoi
- 2012 - Aici
- 2013 - A giru a giru
- 2015 - Momoti
- 2019 - Aru
Sìngulus
modìfica- 2012 - Aici
- 2012 - Burdu Bu
- 2015 - Su Tasinanta
- 2016 - La canzone dell'estate
- 2017 - Oi mi scidu chitzi
- 2019 - BHGAI
- 2020 - Arrò du Covid
- 2021 - T'agatu
Riferimentus
modìfica- ↑ Claudia Aru, in Acadèmia de su Sardu. URL consultadu su 23 cabudanni 2023.
- ↑ (IT) Annùntziu de is 43 annus, in Facebook. URL consultadu su 23 cabudanni 2023.
- ↑ 3.0 3.1 (IT) BluesMarty, Claudia Aru Biografia, in Esprimere l'istinto dell'anima, 3 ghennàrgiu 2018. URL consultadu su 17 maju 2020.
- ↑ 4.0 4.1 4.2 4.3 (IT) Claudia Aru, in Brincamus. URL consultadu su 17 maju 2020.
- ↑ (IT) Momoti non mi fa paura: conosciamo Claudia Aru - Sardegna Creativa, in Sardegna Creativa, 10 freàrgiu 2016. URL consultadu su 17 maju 2020 (archiviadu dae s'url originale su 22 austu 2022).
- ↑ (IT) Fondazione Andrea Parodi, PREMIO ANDREA PARODI 2015 (PDF).
- ↑ (IT) #VideodellaSettimana! Oi Mi Scidu Chitzi, in Brincamus. URL consultadu su 17 maju 2020.
- ↑ (IT) Targhe Tenco 2016: in lizza anche Claudia Aru e Claudia Crabuzza, in Brincamus. URL consultadu su 17 maju 2020.
- ↑ (IT) ARU - Claudia Aru, Matriota Records 2019, in La musica in Sardegna, 16 santugaine 2019. URL consultadu su 17 maju 2020.
- ↑ (IT) La musica ai tempi del Covid secondo La Plonge e Claudia Aru, in L'Unione Sarda.it, 1º ghennàrgiu 2021. URL consultadu su 13 freàrgiu 2021.
- ↑ (IT) “Adotta un artista sardo”: Claudia Aru lancia l’iniziativa sui social, in La Gazzetta del Medio Campidano, 29 ghennàrgiu 2021. URL consultadu su 13 freàrgiu 2021.
Acàpius esternus
modìfica- Pàgina de Facebook ufitziali de Claudia Aru, in facebook.com.
| Controllu de autoridade | MusicBrainz 7e2d796b-fad5-4fa9-bf8e-f211bf8ced4b |
|---|