Brunei
Coordinadas: 4°24′N 114°34′E / 4.4°N 114.566667°E
Artìculu in LSC
Su Brunei est un'istadu asiàticu situadu in su norte de s'ìsula de Bòrneu. Sa capitale est Bandar Seri Begawan.
![](http://upload.wikimedia.org/wikipedia/commons/thumb/9/9c/Flag_of_Brunei.svg/244px-Flag_of_Brunei.svg.png)
![](http://upload.wikimedia.org/wikipedia/commons/thumb/9/9c/Brunei_%28orthographic_projection%29.svg/246px-Brunei_%28orthographic_projection%29.svg.png)
S'istadu tirat a 5.765,3 km² e contat unos 417.784 bividores. S'agatat inghiriadu dae su territòriu malesu de Sarawak franca sa parte setentrionale, chi tocat a su mare tzinesu Meridionale. Su paisu est partzidu in duas partes pro mèdiu de sa tzitade de Limbang, chi pertenet a sa Malaìsia.
Est istada protetoradu britànnicu dae 1888 fintzas a 1984, annu cando at otentu s'indipendèntzia prena. Sa forma de guvernu est su de su sultanadu. Su sultanu de Brunei, Hassanal Bolkiah, est cunsideradu unu de sos òmines prus ricos de su mundu. S'istadu faghet parte de su Commonwealth de sas Natziones e sa religione ufitziale est s'Islam.
Àteros progetos
modìficaWikimedia Commons tenet files chi ligant a: Category:Brunei |