Afganistàn
Coordinadas: 33°N 66°E / 33°N 66°E
Artìculu in LSC
S'Afganistàn (AFI: /afɡanis'tan/) , ufitzialmente Emiradu Islàmicu de s'Afganistàn, est un'istadu chentza de essida a su mare de 652.864 km² e de unos 33.332.025 bividores istimados in su 2016. Sa capitale est Kabul. Sas limbas ufitziales sunt su pashtu e su dari persiana.
![](http://upload.wikimedia.org/wikipedia/commons/thumb/6/62/Flag_of_Afghanistan_%281978%29.svg/244px-Flag_of_Afghanistan_%281978%29.svg.png)
![](http://upload.wikimedia.org/wikipedia/commons/thumb/1/19/Afghanistan_%28orthographic_projection%29.svg/245px-Afghanistan_%28orthographic_projection%29.svg.png)
Làcanat in s'ovest cun s'Iràn, in su sud e in s'estu cun su Pakistàn, in su norte cun su Turkmenistàn, s'Uzbekistàn e su Tagikistàn e cun sa Tzina in sa regione prus esta de sa natzione (passaditzu de su Vacan).
Sa situatzione geogràfica de s'Afganistàn nd'at fatu logu de atòbiu de impèrios e tzivilitades, gasi comente ispàtziu de càmbiapares e comunicatzione de importantes polos culturales e cummertziales, intre issos su prus nodidu est su caminu de sa seda.[1] Custu fatu, aici comente s'istrutura tribale sua, faghet difìtzile sa definitzione de s'Afganistàn che a Istadu in su cursu de s'istòria. S'istòria de su territòriu chi òcupat oe s'Afganistàn est manna, s'agatant inditos segundu chi custas terras fiant abitadas dae s'època de sa Preistòria. Dae s'edade antiga, passende pro su mesuevu, edade moderna e fintzas a s'edade cuntemporànea est istadu parte de impèrios e regnos medas.[2]
Riferimentos
modìfica- ↑ (ES) DOCUMENTO DE ANÁLISIS DEL IEEE 12/2011 ANÁLISIS GEOPOLÍTICO DE AFGANISTÁN (ABRIL 2011) (PDF), in ieee.es.
- ↑ (ES) Instituto del Tercer Mundo (Montevideo), Guía del mundo 2005-2006 : el mundo visto desde el sur..
Àteros progetos
modìficaWikimedia Commons tenet files chi ligant a: Afganistàn |