ᱜᱩᱞᱟᱹᱯ ᱨᱮᱱᱟᱜ ᱯᱷᱮᱰᱟᱛ ᱧᱮᱞᱢᱮ

{{Underlinked|date=ᱮᱯᱨᱤᱞ ᱒᱐᱒᱒}}

[[File:Rosa rubiginosa 1.jpg|thumb|ᱯᱷᱩᱴᱟᱹᱣ ᱜᱩᱞᱟᱹᱯ ᱵᱟᱦᱟ]]
'''ᱜᱩᱞᱟᱹᱯ''' ᱫᱚ ᱡᱚᱛᱚ ᱠᱷᱚᱱ ᱥᱚᱨᱮᱥ ᱧᱮᱞᱚᱜ ᱵᱟᱦᱟ ᱠᱟᱱᱟ ᱾ ᱱᱚᱣᱟ ᱫᱚ ᱜᱚᱴᱟ ᱥᱮᱨᱢᱟ ᱡᱤᱣᱤᱫ ᱛᱟᱦᱚᱸ ᱫᱟᱲᱮᱭᱟᱜ ᱞᱮᱠᱟᱱ ᱫᱟᱨᱮ ᱠᱟᱱᱟ ᱾ ᱱᱚᱣᱟ ᱫᱚ ᱨᱚᱡᱟ ᱡᱟᱹᱛ ᱟᱨ ᱨᱚᱡᱟᱥᱤ ᱜᱷᱟᱨᱚᱡᱽ ᱨᱮᱱᱟᱜ ᱵᱟᱦᱟ ᱠᱟᱱᱟ ᱾ ᱑᱐᱐ ᱜᱚᱴᱟᱝ ᱢᱤᱫ ᱡᱟᱹᱛ ᱨᱮᱱᱟᱜ ᱜᱩᱞᱟᱹᱯ ᱢᱩᱸᱫᱽ ᱨᱮ ᱥᱩᱢᱩᱝ ᱨᱚᱝ ᱨᱮᱜᱮ ᱵᱷᱮᱯᱮᱫ ᱢᱮᱱᱟᱜ-ᱟ ᱾ ᱨᱚᱡᱽ ᱨᱮᱱᱟᱜ ᱧᱩᱛᱩᱢ ᱫᱚ [[ᱯᱷᱨᱮᱸᱪ ᱯᱟᱹᱨᱥᱤ]] ᱠᱷᱚᱱ ᱦᱮᱡ ᱟᱠᱟᱱᱟ, ᱡᱟᱦᱟᱸ ᱫᱚ ᱢᱩᱬ [[ᱞᱟᱴᱤᱱ ᱯᱟᱹᱨᱥᱤ]] ᱨᱚᱡᱟ ᱟᱹᱲᱟ ᱠᱷᱚᱱ ᱦᱮᱡ ᱟᱠᱟᱱᱟ ᱾ ᱨᱚᱡᱟ ᱟᱹᱲᱟᱹ ᱫᱚ ᱜᱨᱤᱠ ᱯᱟᱹᱨᱥᱤ ᱨᱮᱱᱟᱜ ᱨᱮᱰᱩᱭᱚᱢ ᱟᱹᱲᱟᱹ ᱠᱷᱚᱱ ᱦᱮᱡ ᱟᱠᱟᱱᱟ ᱢᱮᱱᱛᱮ ᱜᱚᱸ ᱵᱟᱰᱟᱭᱚᱜ-ᱟ ᱾ ᱜᱩᱞᱟᱹᱯ ᱵᱟᱦᱟ ᱨᱮᱱᱟᱜ ᱪᱚᱨᱚᱠ ᱟᱨ ᱪᱮᱨᱦᱟ ᱜᱚᱴᱟ ᱫᱤᱥᱚᱢ ᱮ ᱪᱟᱢᱯᱟᱴᱟᱣ ᱟᱠᱟᱫ-ᱟ ᱾ ᱡᱟᱹᱥᱛᱤ ᱠᱷᱚᱱ ᱡᱟᱹᱥᱛᱤ ᱜᱩᱞᱟᱹᱯ ᱵᱟᱦᱟ ᱨᱮᱱᱟᱜ ᱥᱤᱨᱡᱚᱢ ᱫᱚ [[ᱮᱥᱤᱭᱟ]] ᱠᱷᱚᱱ ᱦᱩᱭ ᱟᱠᱟᱱᱟ ᱾ <ref>http://www.britannica.com/EBchecked/topic/509710/rose</ref>
==ᱫᱟᱨᱮ ᱟᱨ ᱥᱟᱪᱟᱨᱦᱮ==
ᱜᱩᱞᱟᱹᱯ ᱵᱟᱦᱟ ᱫᱟᱨᱮ ᱨᱮᱱᱟᱜ ᱩᱥᱩᱞ ᱫᱚ ᱱᱟᱯ ᱟᱹᱰᱤ ᱢᱩᱥᱠᱤᱞ ᱜᱮᱭᱟ ᱾ ᱦᱩᱰᱤᱧ ᱠᱷᱚᱱ ᱮᱦᱚᱵ ᱠᱟᱛᱮ ᱮᱭᱟᱭ ᱯᱷᱩᱴ ᱩᱥᱩᱞ ᱦᱟᱹᱵᱤᱡ ᱫᱟᱨᱮ ᱢᱮᱱᱟᱜ-ᱟ ᱾ ᱫᱟᱨᱮᱱᱟᱹᱬᱤ ᱥᱟᱬᱮᱥ ᱨᱮ ᱜᱩᱞᱟᱹᱯ ᱫᱟᱨᱮ ᱨᱮᱱᱟᱜ ᱨᱩᱯ ᱮᱢᱟᱱ ᱠᱟᱛᱷᱟ ᱟᱭᱢᱟ ᱢᱮᱱᱟᱜ-ᱟ ᱾ ᱜᱩᱞᱟᱹᱯ ᱫᱟᱨᱮ ᱨᱮᱱᱟᱜ ᱥᱟᱠᱟᱢ ᱫᱚ ᱕ ᱠᱷᱚᱱ ᱑᱕ ᱥᱮᱢᱤ ᱜᱟᱱ ᱡᱤᱞᱤᱧ ᱦᱩᱭᱩᱜ-ᱟ ᱾ ᱜᱩᱞᱟᱹᱯ ᱵᱟᱦᱟ ᱜᱟᱨᱮ ᱨᱮᱢᱟᱜ ᱥᱟᱠᱟᱢ ᱫᱚ ᱴᱷᱟᱰᱜᱟᱜ ᱜᱮᱭᱟ ᱾ ᱡᱚᱛᱚ ᱜᱩᱞᱟᱹᱯ ᱵᱟᱦᱟ ᱨᱮᱱᱟᱜ ᱤᱞ (petal) ᱫᱚ ᱢᱚᱬᱮ ᱜᱚᱴᱟᱝ ᱜᱮ ᱛᱟᱦᱮᱸᱱᱟ, ᱢᱮᱱᱠᱷᱟᱱ 'ᱨᱚᱡᱟ ᱥᱮᱨᱤᱥᱤᱭᱟ' ᱡᱟᱹᱛ ᱨᱮᱱᱟᱜ ᱵᱟᱦᱟ ᱨᱮ ᱫᱚ ᱔ ᱜᱚᱴᱟᱝ ᱜᱮ ᱤᱞ ᱛᱟᱦᱮᱸᱱᱟ ᱾ ᱜᱩᱞᱟᱹᱯ ᱵᱟᱦᱟ ᱨᱮᱱᱟᱜ ᱡᱚ ᱫᱚ ᱫᱟᱨᱮᱱᱟᱹᱬᱤ ᱥᱟᱬᱮᱥ ᱞᱮᱠᱟᱛᱮ "ᱨᱚᱡᱽ ᱦᱤᱯ" ᱠᱚ ᱢᱮᱛᱟᱜ ᱠᱟᱱᱟ ᱾ ᱡᱚᱛᱚ ᱨᱚᱡᱽ ᱦᱤᱯ ᱨᱮᱱᱟᱜ ᱵᱷᱤᱛᱟᱹᱨ ᱯᱟᱦᱴᱟ ᱨᱮ ᱫᱟᱹᱨᱭᱟᱹ ᱡᱤᱞ ᱟᱴᱮᱫ ᱠᱚᱜ-ᱟ, ᱡᱟᱦᱟᱸ ᱫᱚ '''ᱦᱤᱯᱟᱛᱷᱤᱭᱚᱢ''' ᱠᱚ ᱢᱮᱛᱟᱜ ᱠᱟᱱᱟ ᱾ ᱜᱩᱞᱟᱹᱯ ᱫᱟᱨᱮ ᱫᱚ ᱡᱟᱹᱱᱩᱢ ᱡᱟᱹᱱᱩᱢ ᱜᱮᱭᱟ ᱟᱨ ᱚᱱᱟ ᱡᱟᱹᱱᱩᱢ ᱠᱚ ᱫᱚ ᱜᱚᱡᱟᱜ ᱟᱨ ᱡᱤᱞᱤᱧ ᱡᱤᱞᱤᱧ ᱜᱮᱭᱟ ᱾ ᱰᱟᱺᱜᱽᱨᱤ [[ᱢᱮᱨᱚᱢ]] ᱠᱷᱚᱱ ᱚᱱᱟᱛᱮ ᱱᱚᱣᱟ ᱫᱚ ᱵᱟᱧᱪᱟᱣ ᱨᱮ ᱛᱟᱦᱮᱸᱱᱟ ᱾

==ᱜᱩᱱ==
ᱜᱩᱞᱟᱹᱯ ᱵᱟᱦᱟ ᱫᱚ ᱵᱟᱦᱟ ᱡᱮᱜᱮᱛ ᱨᱮ ᱥᱚᱨᱮᱥ ᱵᱟᱦᱟ ᱨᱮᱱᱟᱜ ᱢᱟᱹᱱ ᱠᱚ ᱮᱢ ᱟᱠᱟᱫ-ᱮᱭᱟ ᱾ ᱟᱭᱢᱟ ᱞᱮᱠᱟᱱ ᱜᱩᱞᱟᱹᱯ ᱵᱟᱦᱟ ᱢᱮᱱᱟᱜ-ᱟ ᱾ ᱫᱩᱯᱞᱟᱹᱲᱤᱭᱟᱹ ᱠᱚᱣᱟᱜ ᱫᱩᱞᱟᱹᱲ ᱥᱚᱫᱚᱨ ᱞᱟᱹᱜᱤᱫ ᱱᱚᱣᱟ ᱵᱟᱦᱟ ᱴᱷᱟᱶ ᱮ ᱧᱟᱢ ᱟᱠᱟᱫᱟ ᱾ 
==ᱵᱮᱵᱷᱟᱨ==
===ᱡᱚᱢ ᱧᱩ===
ᱵᱤᱨ ᱜᱩᱞᱟᱹᱯ ᱵᱟᱦᱟ ᱨᱮ ᱟᱹᱰᱤᱜᱟᱱ ᱵᱷᱤᱴᱟᱢᱤᱱ 'ᱥᱤ' ᱢᱮᱱᱟᱜ-ᱟ, ᱚᱱᱟ ᱠᱷᱟᱹᱛᱤᱨ ᱱᱚᱣᱟ ᱫᱚ ᱡᱟᱢ, ᱡᱮᱞᱤ ᱟᱨ ᱪᱟ ᱠᱚᱨᱮ ᱠᱚ ᱢᱮᱥᱟᱭᱟ ᱾ ᱜᱩᱞᱟᱹᱯ ᱵᱟᱦᱟ ᱠᱷᱚᱱ ᱯᱷᱚᱨᱟᱥᱤ ᱦᱚᱲ ᱫᱚ 'ᱨᱚᱡᱽ ᱥᱤᱨᱟᱯ' ᱠᱚ ᱵᱮᱣᱟᱣ ᱛᱟᱦᱮᱸᱫ ᱾ ᱟᱢᱮᱨᱤᱠᱟ ᱨᱤᱱ ᱦᱚᱲ ᱫᱚ ᱚᱱᱟ ᱨᱚᱡᱽ ᱥᱤᱨᱚᱯ ᱠᱮᱠ ᱛᱮᱭᱟᱨ ᱡᱚᱠᱷᱟᱜ ᱠᱚ ᱢᱮᱥᱟᱭᱟ ᱾ 
[[File:Rose Amber Flush 20070601.jpg|thumb|ᱥᱟᱥᱟᱝ ᱜᱩᱞᱟᱹᱯ]]
<gallery>
File:Rainbow Rose (3366550029).jpg
File:Rosa fax07.jpg
File:Rose 2014 (3)..jpg
File:Rose2014..jpg
File:Mrs. Herbert Stevens May 2008.jpg
</gallery>

==ᱵᱟᱨᱦᱮ ᱡᱚᱱᱚᱲ==
*[http://www.worldrose.org/ World Federation of Rose Societies]
*https://en.wikipedia.org/wiki/Rose
==ᱥᱟᱹᱠᱷᱭᱟᱹᱛ==
{{ᱥᱟ.ᱠᱷᱭᱟ.ᱛ}}
[[ᱛᱷᱚᱠ:ᱵᱟᱦᱟ ᱫᱟᱨᱮ]]
[[ᱛᱷᱚᱠ:ᱫᱟᱨᱮ]]
[[ᱛᱷᱚᱠ:ᱵᱷᱟᱨᱚᱛ ᱫᱤᱥᱚᱢ ᱨᱮᱱᱟᱜ ᱫᱟᱨᱮ]]