ᱡᱟᱹᱛᱤ ᱜᱟᱫᱮᱞ
ᱡᱟᱹᱛᱤ ᱰᱮᱨᱟ ᱥᱮ (en:United Nations) ᱟᱵᱚ ᱵᱚᱱ ᱵᱟᱰᱟᱭᱟ ᱱᱚᱣ ᱫᱷᱟᱹᱨᱛᱤ ᱨᱮ ᱵᱟᱨᱭᱟ ᱢᱟᱨᱟᱝ ᱞᱟᱹᱲᱦᱟᱹᱭ ᱦᱩᱭ ᱟᱠᱟᱱᱟ᱾ ᱢᱤᱫ ᱞᱟᱹᱲᱦᱟᱹᱭ ᱫᱚ ᱦᱩᱭᱞᱮᱱᱟ ᱑᱙᱑᱔ ᱥᱮᱨᱢᱟ ᱨᱮ᱾ ᱟᱨ ᱢᱤᱫ ᱞᱟᱹᱲᱦᱟᱹᱭ ᱚᱠᱟ ᱫᱚ ᱫᱚᱥᱟᱨ ᱢᱟᱨᱟᱝ ᱞᱟᱹᱲᱦᱟᱹᱭ ᱵᱚ ᱢᱮᱛᱟᱜ ᱠᱟᱱᱟ ᱚᱱᱟ ᱦᱩᱭᱞᱮᱱᱟ ᱑᱙᱔᱕ ᱥᱮᱨᱢᱟ ᱨᱮ᱾ ᱫᱷᱟᱹᱨᱛᱤ ᱨᱮᱱᱟᱜ ᱟᱭᱢᱟ ᱫᱤᱥᱟᱹᱢ ᱜᱮ ᱱᱤᱭᱟᱹ ᱞᱟᱹᱲᱦᱟᱹᱭ ᱨᱮ ᱠᱚ ᱡᱚᱯᱲᱟᱣ ᱞᱮᱱᱟ᱾ ᱱᱤᱭᱟᱹ ᱵᱟᱨᱮᱭᱟ ᱞᱟᱹᱲᱦᱟᱹᱭ ᱫᱷᱟᱹᱨᱛᱤᱨᱮᱱ ᱢᱟᱱᱣᱟ ᱠᱚ ᱞᱟᱹᱜᱤᱫ ᱫᱚ ᱟᱹᱰᱤ ᱜᱮ ᱵᱚᱛᱚᱨᱟᱱ ᱛᱟᱦᱮ ᱠᱟᱱᱟ᱾ ᱚᱱᱟ ᱛᱮ ᱞᱟᱹᱦᱟᱹᱭ ᱛᱟᱭᱚᱢ ᱫᱷᱟᱹᱨᱛᱤ ᱨᱮ ᱥᱩᱠᱷ ᱟᱨ ᱥᱟᱹᱱᱛᱤ ᱛᱤᱸᱜᱩ ᱠᱮᱴᱮᱡ ᱨᱮᱱᱟᱜ ᱠᱩᱨᱩᱢᱩᱴᱩ ᱮᱦᱚᱵ ᱮᱱᱟ᱾ᱟᱨ ᱚᱱᱟᱛᱮ ᱯᱟᱹᱦᱤᱞ ᱞᱟᱹᱲᱦᱟᱹᱭ ᱛᱟᱭᱚᱢ ᱫᱷᱟᱹᱨᱛᱤᱨᱮ ᱥᱟᱹᱱᱛᱤ ᱛᱤᱸᱜᱩ ᱠᱮᱴᱮᱡ ᱞᱟᱹᱜᱤᱫ ᱑᱙᱒᱐ ᱥᱮᱨᱢᱟ ᱨᱮ ᱠᱚ ᱛᱤᱸᱜᱩ ᱠᱮᱫᱟ League of Nation ᱧᱤᱛᱩᱢᱟᱱ ᱥᱚᱝᱜᱚᱴᱷᱚᱱ᱾ ᱮᱱ ᱨᱮᱦᱚᱸ ᱟᱭᱢᱟ ᱫᱤᱥᱟᱹᱢ ᱠᱷᱚᱱ ᱦᱤᱥᱠᱟ ᱫᱚ ᱵᱟᱝ ᱪᱟᱵᱟ ᱞᱮᱱ ᱛᱮ League of Nation ᱦᱚᱸ ᱟᱭᱢᱟ ᱫᱤᱱ ᱫᱚ ᱵᱟᱝ ᱛᱟᱸᱦᱮᱞᱮᱱᱟ᱾ ᱚᱱᱟ ᱛᱮ ᱑᱙᱓᱙ ᱥᱮᱨᱢᱟ ᱨᱮ ᱫᱷᱟᱹᱨᱛᱤ ᱨᱮ ᱫᱚᱥᱟᱨ ᱢᱟᱨᱟᱝ ᱞᱟᱹᱲᱦᱟᱹᱭ ᱮᱦᱚᱵ ᱮᱱᱟ᱾ ᱱᱚᱣᱟ ᱞᱟᱹᱲᱦᱟᱹᱭ ᱛᱮ ᱟᱭᱢᱟ ᱫᱤᱥᱟᱹᱢ ᱨᱮᱱᱟᱜ ᱜᱮ ᱟᱭᱢᱟ ᱠᱷᱚᱛᱤᱭᱮᱱᱟ᱾ ᱟᱱᱚᱵᱤᱠ ᱵᱚᱢᱟ ᱛᱮ ᱡᱟᱯᱟᱱ ᱨᱮᱱᱟᱜ ᱵᱟᱨᱭᱟ ᱥᱚᱦᱚᱨ(ᱦᱤᱨᱚᱥᱤᱢᱟ ᱟᱨ ᱱᱟᱜᱟᱥᱟᱠᱤ) ᱜᱚᱴᱟᱛᱮ ᱫᱟᱢᱫᱷᱟᱥᱮᱨᱮᱱᱟ᱾
![](http://upload.wikimedia.org/wikipedia/commons/thumb/2/2f/Flag_of_the_United_Nations.svg/220px-Flag_of_the_United_Nations.svg.png)
![](http://upload.wikimedia.org/wikipedia/commons/thumb/1/15/United_Nations_%28Member_States_and_Territories%29.svg/220px-United_Nations_%28Member_States_and_Territories%29.svg.png)
![](http://upload.wikimedia.org/wikipedia/commons/thumb/c/c1/United_Nations_Office_at_Geneva-_The_All%C3%A9e_des_Nations-_Flags_of_the_member_nations-_Geneva-_Switzerland-20150915.jpg/220px-United_Nations_Office_at_Geneva-_The_All%C3%A9e_des_Nations-_Flags_of_the_member_nations-_Geneva-_Switzerland-20150915.jpg)
ᱫᱚᱥᱟᱨ ᱢᱟᱨᱟᱝ ᱞᱟᱹᱲᱦᱟᱹᱭ ᱨᱮᱱᱟᱜ ᱫᱷᱚᱝᱥᱚ ᱧᱮᱞ ᱠᱟᱛᱮᱜ ᱫᱷᱟᱹᱨᱛᱤ ᱨᱮᱱ ᱦᱚᱲ ᱟᱰᱤ ᱠᱚ ᱵᱚᱛᱚᱨᱮᱱᱟ᱾ ᱡᱚᱛᱚ ᱫᱤᱥᱟᱹᱢ ᱨᱮ ᱥᱟᱹᱱᱛᱤ ᱟᱵᱟᱨ ᱟᱹᱜᱩᱭ ᱴᱮ ᱠᱩᱨᱩᱢᱩᱴᱩ ᱠᱚ ᱮᱦᱚᱵ ᱠᱮᱫᱟ᱾ ᱵᱩᱡᱷᱟᱹᱣ ᱠᱮᱫᱟᱠᱚ ᱢᱟᱱᱣᱟ ᱵᱷᱟᱜᱮ ᱞᱟᱹᱜᱤᱛ ᱛᱮ ᱞᱟᱹᱲᱦᱟᱹᱭ ᱵᱟᱹᱜᱤ ᱡᱟᱨᱩᱲ᱾ ᱚᱱᱟᱛᱮ ᱡᱚᱛᱚ ᱫᱤᱥᱟᱹᱢ ᱨᱮᱱᱟᱜ ᱜᱚᱬᱚ ᱜᱚᱯᱚᱬᱚ ᱛᱮ ᱫᱤᱥᱟᱹᱢ ᱨᱮᱱ ᱢᱩᱠᱷᱤᱭᱟᱹ ᱠᱚ ᱑᱙᱔᱑ ᱥᱮᱨᱢᱟ ᱨᱮ ᱡᱟᱹᱛᱤ ᱜᱟᱫᱮᱞ ᱛᱤᱸᱜᱩ ᱨᱮᱱᱟᱜ ᱠᱚ ᱠᱩᱨᱩᱢᱩᱴᱩ ᱠᱮᱫᱟᱹ ᱤᱱ ᱚᱠᱛᱮ ᱨᱮᱱ ᱵᱨᱤᱴᱤᱥ ᱯᱨᱚᱫᱷᱟᱱᱢᱚᱱᱛᱨᱤ ᱩᱭᱤᱱᱥᱴᱚᱱ ᱪᱟᱨᱪᱤᱞ ᱟᱨ ᱟᱢᱮᱨᱤᱠᱟᱨᱮᱱ ᱯᱨᱮᱥᱤᱰᱮᱱᱴ ᱛᱷᱤᱭᱚᱰᱚᱨ ᱨᱩᱡᱽᱵᱷᱮᱞᱴ ᱛᱟᱠᱤᱱᱟᱜ ᱠᱩᱨᱩᱢᱩᱴᱩ ᱛᱮ ᱟᱨᱦᱚᱸ ᱮᱴᱟᱜ ᱫᱤᱥᱟᱹᱢ ᱨᱮᱱ ᱢᱩᱠᱷᱤᱭᱟᱹ ᱠᱚ ᱥᱟᱶ ᱟᱹᱰᱤ ᱜᱟᱞᱢᱟᱨᱟᱣ ᱠᱟᱛᱮᱜ ᱑᱙᱔᱕ ᱥᱮᱨᱢᱟ ᱨᱮᱱᱟᱜ ᱒᱔ ᱚᱠᱴᱚᱵᱚᱨ ᱟᱢᱮᱨᱤᱠᱟ ᱨᱮᱱᱟ ᱥᱟᱱᱯᱷᱨᱟᱱᱥᱤᱥᱠᱚ ᱥᱚᱦᱚᱨ ᱨᱮ ᱡᱟᱹᱛᱤ ᱜᱟᱫᱮᱞ ᱵᱮᱱᱟᱣ ᱨᱟᱠᱟᱵ ᱮᱱᱟ᱾ ᱱᱚᱠᱟᱛᱮᱜᱮ ᱫᱚᱥᱟᱨ ᱞᱟᱹᱲᱦᱟᱹᱭ ᱛᱟᱭᱚᱢ ᱫᱷᱟᱹᱨᱛᱤ ᱨᱮ ᱥᱩᱞᱩᱠ ᱟᱨ ᱥᱟᱹᱱᱛᱤ ᱟᱹᱜᱩᱭ ᱞᱟᱹᱜᱤᱫ ᱛᱮ ᱡᱟᱹᱛᱤ ᱜᱟᱫᱮᱞ ᱥᱮ United Nation Organization ᱵᱮᱱᱟᱣ ᱨᱟᱠᱟᱵ ᱦᱩᱭ ᱮᱱᱟ᱾
ᱮᱛᱚᱦᱚᱵ ᱨᱮ ᱫᱚ ᱡᱟᱹᱛᱤ ᱜᱟᱫᱮᱞ ᱨᱮ ᱕᱐ ᱜᱚᱴᱟᱝ ᱥᱚᱫᱚᱥᱥᱚ ᱠᱚ ᱛᱟᱸᱦᱮ ᱠᱟᱱᱟ᱾ ᱟᱢᱮᱨᱤᱠᱟ ᱡᱩᱠᱛᱚᱨᱟᱥᱴᱨᱚ ᱨᱮᱱᱟᱜ ᱱᱤᱭᱚᱨᱠ ᱨᱮ ᱱᱤᱭᱟᱹ ᱨᱮᱱᱟᱜ ᱦᱮᱴᱠᱚᱣᱟᱨᱴᱟᱨ ᱫᱚ᱾ ᱡᱟᱹᱛᱤ ᱜᱟᱫᱮᱞ ᱨᱮᱱ ᱟᱹᱭᱩᱨᱤᱡ ᱫᱚ ᱠᱚ ᱢᱮᱛᱟᱭ ᱠᱟᱱᱟ ᱥᱮᱠᱨᱮᱴᱟᱨᱤ᱾ ᱯᱟᱹᱦᱤᱞ ᱥᱮᱠᱨᱮᱴᱟᱨᱤ ᱫᱚᱭ ᱦᱩᱭᱩᱜ ᱠᱟᱱᱟ ᱢᱟᱭᱟᱱᱢᱟᱨ ᱫᱤᱥᱟᱹᱢ ᱨᱮᱱ ᱴᱨᱤᱜᱽᱵᱷᱮᱞᱤ᱾ ᱡᱟᱹᱛᱤ ᱜᱟᱫᱮᱞ ᱨᱮᱱᱟᱜ ᱡᱷᱟᱸᱰᱤ ᱫᱚ ᱮᱛᱟᱝ ᱞᱤᱞ ᱨᱚᱝ ᱨᱮᱱᱟᱜ ᱠᱟᱱᱟ᱾ᱛᱟᱞᱟᱨᱮ ᱯᱩᱸᱰ ᱪᱮᱛᱟᱱ ᱫᱷᱟᱹᱨᱛᱤ ᱨᱮᱱᱟᱜ ᱜᱩᱰᱢᱟᱹᱞ ᱢᱮᱯ ᱢᱮᱱᱟᱜᱼᱟ᱾ ᱚᱱᱟ ᱵᱟᱱᱟᱨ ᱟᱲᱮᱨᱮ ᱡᱚᱞᱯᱟᱭ ᱥᱟᱠᱟᱢ ᱛᱮ ᱮᱥᱮᱫ ᱢᱮᱱᱟᱜᱼᱟ᱾
ᱵᱟᱨᱦᱮ ᱡᱚᱱᱚᱲ
ᱥᱟᱯᱲᱟᱣ- The United Nations Regional Information Centre (UNRIC)
- United Nations Volunteers
- United Nations Documentation Research Guide
ᱚᱴᱟᱜᱟᱜ ᱠᱚ
- Searchable archive of UN discussions and votes
- United Nations Association of the UK – independent policy authority on the UN
- Website of the Global Policy Forum, an independent think tank on the UN
- UN Watch – NGO monitoring UN activities