Владимир Маяковскый
Владимир Маяковскый | |
---|---|
Владимир Маяковский | |
Majakovszkij.jpg | |
![]() | |
Уроджѣня | юла 19., 1893 Багдати, Российска империя |
Умертя | апріля 14., 1930 (36 р.) Москва, СССР •вогнепальна рана |
Погреб | Новодівичий цвинтар |
Занятя | художник-плакатист, поет, актор, драматик, писатель, художник, новинарь, актор театра, кіноактор, режисер, театральний режисер, художник-гравер, кінорежисер, унаочнювач, сценариста |
Язык творох | російскый |
Горожанство | Російска імперія, СССР |
Участь | Documenta 8 |
Час творбы | 1912—1930 |
Жанры | верш, оповідна поезія, агітпроп, п'єса |
Тренд | Русский футуризм, Футуризм |
Супруг(а) | none |
Дѣти | Патрісія Томпсон |
![]() | |
VIAF:24611716; GND:118640801; LCCN:n79021383; FAST:31688; BNF:12006687f; NLKR/NLC:jn19990210398; OL:OL268117A; ЕСУ:67311;ЕІУ:Mayakovsky_V_V;
|
Владимир Маяковскый, русс. Влади́мир Влади́мирович Маяко́вский, *19. юл 1893, Багдати, Российска империя — †14. апрѣль 1930, Москва, СССР — ведучый русскый поет револуции 1917 и первого пореволучного периода, футуриста.[1]
Биография
[едітовати | едітовати жрідло]Походжѣня
[едітовати | едітовати жрідло]Отець — Владимир Константинович Маяковскый (1857—1906), фоштер, немешского рода, из запорожского козацтва.[2] Мати — Александра Алексеевна Павленко (1867—1954), родом из кубанского козацтва, подля слов поета, Украинка.[3]
„ |
Три разных истока во мне речевых: Я – не из кацапов-разинь. Я – дедом казак, другим – сечевик, а по рожденью грузин |
” |
В. Маяковскый, Нашему юношеству, 1927 |
Хроника живота
[едітовати | едітовати жрідло]- 7 (19) июля 1893 — родив ся в селѣ Багдати близ Кутаиси, Грузия, в родинѣ фоштера.
- 1902–1906 — штудии в Кутаисской гимназии, участь в револучных подѣях року 1905.
- 1906 — смерть отця, родина ся перенесла до Москвы, вступив до 4. класы гимназии.
- 1908–1910 — выказаный з гимназии за неплачѣня школного, вступив до РСДРП, сповняв партийны улогы, быв арештованый и три раз сидѣв, наконец выпущеный як малолѣтный.
- 1911 — зачав ся учити в московском Училищу малярства, рѣзбарства и архитектуры.
- 1912 — выступив в алманаху литературной групы футуристох Фацка сполоченскому вкусу ("Пощечина общественному вкусу").
- 1914 — выказаный з училища за политичну активность.
- 1915 — Хмарка в ногавицях ("Облако в штанах").
- 1915–1916 — поема Война и мир.
- 1916–1917 — поема Чоловѣк ("Человек").
- 1918–1919 — прославлѣня револуции: Ода револуции; Лѣвый марш.
- 1919–1922 — активна робота в Российской телеграфной агенции (РОСТА), выпуск агитплакатох (над 3000); поема "150.000.000", котру негативно оцѣнив Ленин.
- 1922 — Фурт засѣдаючы ("Прозаседавшиеся") и добродячне оцѣнѣня од Ленина; побыт в Америцѣ, цикл верши о Америцѣ.
- 1924 — поема "Владимир Ильич Ленин"; каждоденна робота в новинках "Известия", "Комсомольская правда".
- 1927 — поема Файно! ("Хорошо!").
- 1929—1930 — сатиричны гры Блощиця (" Клоп "), Парня ("Баня").
- 14 апрѣля 1930 — самогубство в Москвѣ.
Творба
[едітовати | едітовати жрідло]Вершы зачав писати в арештантской самотцѣ в року 1909. Тото сам поважовав зачатком своей творбы, хоть были они слабы и конфишкованы при выслободжѣню. Перва публикация была в року 1912 в манифестѣ групы футуристох, де неодовго став ся ей ведучым представительом. Одтогды поезия Маяковского ставать ся спозначно самоувѣрена и дерзка. Его поетична монодрама Владимир Маяковский достала сцену в Санкт-Петербургу уже в року 1913.[1][5]
Маяковскый реформовав поезию, придавши там язык улиць и всякы смѣлы техничны новоты. Его вершы, передо вшыткым, были написаны про декламацию, про сцену и масового позирача. Коли ся стала российска револуции (1917), активно подтримовав болшевикох пропагандныма вершами, дидактичныма брожурами, выступами на сценах и рисованыма плакатами и карикатурами, удачно комбинованыма зоз стишками. На смерть Ленина (1924) одозвав ся поемов. Зачинать активно путовати по Европѣ и Америцѣ и свои доймы выливати в поезии и подорожных начерках (1924–1928).[1]
В послѣдны два рокы живота в творбѣ Маяковского найвекшой силы достають критика негативных сторон совѣтского каждоденного живота и урядникох, котры «збуржоазнѣли». Вершинов такой «револучной» сатиры были гры Блощиця (" Клоп "), Парня ("Баня"), але тоты были официалныма органами окреслены як «идеологично хыбны», а в них нашли, же «не мають партийности, а заблудили з револучной дорогы». В року 1928 в Парижу ся спознав з емигрантков Татянов Яковлевов, котру нагваряв, жебы ся побрали, але неуспѣв. Хотѣв за нев прийти ещи раз в року 1929, але уже не дали му заграничну визу. Наросли тыж роздѣлы в поглядах з колегами в творчых групах. Цѣлый фебруар 1930 держала выставка 20 рокы роботы В. Маяковского, але тоту проигноровали и высокы партийны урядникы и вплывовы литераторы.[6]
Сума тых обстоянь в даякой мѣрѣ объяснять самогубство поета 14 апрѣля 1930. В предсмертной записцѣ (12 апрѣля) Маяковскый написав, же не мать иншого выйтя, и объяснив свой одход з живота приватными мотивами.[5] По смерти Маяковского ширили ся сомнѣвы, же то было самогубство, але найновшы розслѣдованя потвердили автентичность предсмертной запискы и факт самогубства.[7]
Наслѣдство и вызнам
[едітовати | едітовати жрідло]Вшиток архив Маяковского по его смерти — рукописы, концепты, нотесы — зостали у Лилы Брик,[8] на што юридично была оправнена предсмертнов записков. Она ладила до выданя и редаговала его книгы. В новембрѣ 1935 Лила Брик написала писмо Сталину, в котром ся поскаржила на черезмѣрны загамованя и перепоны при выданю книг Маяковского и увѣчнѣню его памяти. Сталин на ей писмѣ поклав резолуцию: «...Маяковскый быв и зоставать найлѣшым и найталантованшым поетом нашой совѣтской епохы. Неинтерес ку его памяти и его творбѣ — злочин. Лила Брик, подля мене, мать правду...»[9]
Наклад книг Маяковского в СССР ку року 1966 перевысив 52 млн. екз., а были перекладены на 58 языкы народох СССР и на 39 чужоземны.[5]
Творчость Маяковского и донынѣ зоставать великым умѣлецкым успѣхом русской поезии XX. ст. Идеологична кривость и пропагандна реторики не можуть перекреслити объективный вызнам и мѣру таланта поета, реформаторство якого означало поетичну револуцию. Не лем в русской, но ай во свѣтовой поезии тяжко найти ещи едного поета, чие новаторство мож бы было поровнати з тым, што зробив Маяковскый. Про его штил призначны выразна експресивность, звышена метафоричность. Вершы Маяковского часто суть як една велика росширена метафора. В такой функции хоснуе ай гиперболы, якы фантастично звекшують властности зображованого и так звышують емотивный доим од него. Маяковскый приносить «зламаный» синтакс намѣсто логично привычного порядка слов у речѣню. Его найлюбшый способ порвати традичный синтакс — се вшелиякы, даколи барз компликованы, формы инверзии, нарушѣня форм граматичной подрядности слов, тзв. «телеграфный» синтакс, што наподобнять штил телеграфных фраз. Маяковскый принес до русской поезии безпрецедентно велике множество неологизмох, демократизовав поетичный язык як в лексичном аспектѣ (прозаизмы, вулгаризмы, професионализмы итд.), але и в интонацийном, придавши поетичному слову выразны интонации прозаичной бесѣды.[6]
Интересны факты
[едітовати | едітовати жрідло]- На честь поета названа планетка (2931) Mayakovsky (1969 UC).[10]
- Мати поета Александра Алексеевна (1867–1954) и старша сестра Людмила (1884–1972) пережили го вецей як на пов-стороча и написали мемоары — А. А. Маяковская: Детство и юность Маяковского: Из воспоминаний матери (1957); Л. Маяковская: Пережитое. Из воспоминаний о Владимире Маяковском (Тбилиси, Заря Востока, 1957); Л. Маяковская: О Владимире Маяковском: из воспоминаний сестры (Москва, Детская литература, 1965).
Жерела и одказы
[едітовати | едітовати жрідло]- Vladimir Mayakovsky. Encyclopedia Britannica. 20 Dec. 2021. https://www.britannica.com/biography/Vladimir-Vladimirovich-Mayakovsky. [перевірено 2021-12-20].англ.
- Schmadel, Lutz D. (2003). (2931) Mayakovsky. Dictionary of Minor Planet Names (Fifth Revised and Enlarged Edition ed.). Berlin Heidelberg New York: Springer. p. 241. ISBN 3-540-00238-3.англ.
- Лесневский С. С. (1967). Маяковский. in Гл. ред. А. А. Сурков. Краткая литературная энциклопедия. Том 4: Лакшин — Мураново. Москва: Сов. энцикл.. Сс. 710–721. http://feb-web.ru/feb/kle/kle-abc/ke4/ke4-7102.htm.русс.
- В. Назарець (2006). Маяковський Володимир Володимирович. in Редакція Н. Михальської та Б. Шавурського. Зарубіжні письменники. Енциклопедичний довідник в двох томах. Том 2: Л — Я. Тернопіль: Навчальна книга – Богдан. Сс. 143–146. ISBN 966-692-744-6.укр.
![]() |
Викитека: В. Маяковскый |
Референции
[едітовати | едітовати жрідло]- ↑ 1,0 1,1 1,2 Encyclopedia Britannica
- ↑ Владимир Владимирович Маяковский. Семья. http://mayakovsky.velchel.ru/?cnt=4&port=1. [перевірено 2021-12-20].русс.
- ↑ Маяковскый. интервю про «Прагер пресс» — 1927. ФЭБ: feb-web.ru. http://feb-web.ru/feb/mayakovsky/texts/ms0/msd/msd-232-.htm?cmd=p. [перевірено 2021-12-20].русс.
- ↑ Краткая хроника жизни. ХРОНОС. http://hrono.info/biograf/bio_m/majakovski_hrono.php. [перевірено 2021-12-20].русс.
- ↑ 5,0 5,1 5,2 5,3 Лесневский С. С.
- ↑ 6,0 6,1 В. Назарець
- ↑ А. В. Кулінич, Г. П. Герасимова (2018). Маяковський Володимир Володимирович. Енциклопедія Сучасної України: електронна версія [онлайн]. https://esu.com.ua/search_articles.php?id=67311. [перевірено 2021-12-22].
- ↑ Лила Брик (Каган) (1891-1978) — литераторка, перекладателька, артистка, сценаристка, выдавателька, скулпторка. Близка приятелька Маяковского. Родна сестра французской писателькы Елзы Триоле. Жона Осипа Брика (1888–1945, писатель и критик) а пак велителя украинского Червеного козацтва Виталия Примакова (1897–1937, розстрѣляный). Въедно з первым мужом Осипом жили на квартелю Маяковского и были агентами ОГПУ.
- ↑ Торчинов В.А., Леонтюк А.М (2000). Владимир Владимирович Маяковский. ХРОНОС. http://hrono.info/biograf/bio_m/majakovski_rev.php. [перевірено 2021-12-22].русс.
- ↑ Schmadel, Lutz D.