Памфлет
Памфлет або ганопис — куртше публицистичне дѣло на актуалну в сполочности тему дня з ганливым критичным обсягом. Памфлетисты суть авторы, шпециализованы в писаню памфлетох. Славныма памфлетистами были Джонатан Свифт, Волтер, Жан-Жак Руссо и др.[1]
В широком розумѣню памфлет — хотьяке ганливе писаня. Напримѣр, може ити о роман-памфлет, циже роман, высмѣваючый ся в острой, обвинюючой формѣ з даякых сполоченскых явох.[2]
В дефиниции UNESCO памфлет — некомпактована, не маюча обкладкы публикация, котра не е периодичным выданьом а мать не менше 5 и не веце 48 сторон.[1]
Характеристика
Часто служить як средство политичного боя. В ганописѣ автор нароком гиперболизуе негативны стороны критизованого объекта. Памфлет не претендуе на высоку и тырвалу умѣлецку годноту.
Негативна орьентация памфлета зближать го з сатиров.[3]
История
По вынайджѣню книгопечатаня памфлеты были меджи первыма печатаныма материалами. Они широко ся хосновали в 15. ст. в добѣ Реформации на збурьованя публичного думаня против Папы и Католицкой Церкви. Меже первыма памфлетистами быв Мартин Лутер.[1]
Жерела и одказы
- Pamphlet. Encyclopaedia Britannica англ.
- Жеребило Т. В. Словарь лингвистических терминов. Изд. 5-е, исправл. и дополн. с. 272. Изд-во «Пилигрим». Назрань, 2010. русс.
- Памфлет. //Литературна енциклопедия ФЕБ русс.
