Vide 'a sorgende pe Andonie Vivaldi

== Biografije ==
'A vite de Vivaldi jè scarsamende documendate purcé nisciune biografe sìha occupate de recostruì 'a vita soje apprime d'u [[XX sechele]].
Assaije lacune e cose none satte-satte falsane angore 'a biografia soje; certe periode d'a vita soje remanene combletamende scurisciute, cumme le sbuènne de viagge supposte o realmende intraprese in [[Itagle]] e in [[Europe]]. S'ha fatte referimende allore a le rare testimonianze dirette de l'epoche, in particolare chidde de [[Charles de Brosses]], de [[Carlo Goldoni]], de l'architette tedesche [[Johann Friedrich Armand von Uffenbach]] ca ingontrarene 'u combositore. Otre notizie biografeche avènene da certe manoscritte e da le documinde de otra nature acchiate jndr'à diverse archivije in Itaglie e a l'estere<ref>Tuue le documinde acchiate fine a osce a die (atte, stambe, manoscritte) e 'a critiche vivaldiane onne state recensite jndr'à: [[Michael Talbot]] (a cura de), ''Vivaldi. Fonti e letteratura critica'', Firenze, Leo S.Olschki Editore, 1991</ref>. Pe dà doje esembie congrete: jè sulamende jndr'à 'u [[1938]] ca s'ha putute determinà cu esattezze 'a date d'a morta soje, sus a l'atte acchiate a [[Vienne]] e jndr'à 'u [[1963]], quedde d'a nascita soje identificanne l'atte de battezze sue (apprime, l'anne de nascite [[1678]] ere sulamende 'na stime dedotte da le tappe canusciute d'a carriere ecclesiasteca soje).

=== L'infanzie ===
[[File:Chiesa di San Giovanni in Bragora - Venezia.jpg|right|thumb|200px|[[Chiesera de San Giuanne Battista in Bragora]]. Addò avenìe battezzate Andonie Vivaldi.]]
Prime figghie d'a famigghie, Andonie Vivaldi nascìe venerdìe [[4 marze]] [[1678]] a [[Venezie]]. Jndr'à quidde sciurne facìe 'nu [[terramote]] gruèsse gruèsse proprie jndr'à 'u [[Veneto]]. Le avenìe 'mbartite 'nu [[battezze]] provvisorie jndr'à case, purcè ere in grave condiziune de salute, da vanne de Margherita Veronese, 'a lavatrice soje e balie; chiste probbleme de salute Vivaldi se le porte nnandce pe totte 'a vite, probbabbilmende collegate a quidde ca jidde pò definisce ''strettezze d'u pitte'', forse [[asme bronchiale]]; avène battezzate ufficialmende 'u [[6 masce]], doje mise apprisse, jndr'à [[Chiesera de San Giuanne Battista in Bragora]] none lundane da l'abitazione de Vivaldi, a 'a Ca' Salomon jndr'à 'u [[Castelle (sestriere de Venezie)|sestriere Castelle]], une de le sei divisiune d'a cetate.

L'attane ere [[Giuanne Battista Vivaldi]] ([[1655]]-[[1736]]), figghie de 'nu sarte bresciane ca s'avere spustate jndr'à 'u [[1666]] a Venezie, e aqquà avère indraprese l'attività de varviere e pò de violiniste; 'a mamese ere Camilla Calicchio, figghie de 'nu sarte de [[Pomarico]] ca esercitave da quacche anne a Venezie. Se 'nzurarene jndr'à 'u [[1676]] e avèrene uette file combrese doje muèrte piccinne proprie. Quiste erane: Margarita Gabriella ([[1680]]-?), Cecilia Marije ([[1683]]-[[1748]]), Bonaventura Tommaso ([[1685]]-[[1751]]), Zanetta Anna ([[1687]]-[[1762]]), Frangische Caitane ([[1690]]-[[1752]]), Iseppo Santo ([[1692]]-[[1696]]), Gerolama Michela ([[1694]]-[[1696]]), e spiccianne cu Iseppo Caitane ([[1697]]-[[1768]])<ref>M. Talbot, ''op. cit.'', pag. 41</ref>. Nisciune de chiste accumenzò 'na carriere musecale.

[[File:Francesco Guardi 044.jpg|thumb|left|300px|[[Frangische Guardi]]: ''Chiazze San Marco a Venezie'' (cchiù o mene 1776) - [[Vienne]], Kunsthistorisches Museum. 'A [[Chiesera de San Geminiano]] de [[Jacopo Sansovino]], osce a die scombarse, se acchiave sus a [[Chiazze San Marche]], 'mbacce 'a [[Basiliche de San Marche|basiliche]].]]

L'attane avère probabbilmende cchiù passione pa museche ca pa fatìe de varviere, purcé accettò jndr'à 'u [[1685]] l'ingagge cumme violiniste d'a [[Basiliche de San Marche]], ca allore ere sulamende 'a Cappelle private d'u Doge e none sede vescovile e addò se celebrave in occasiune particolare. A l'epoche le museciste d'a Basiliche avèrene notevole prestigge e sembre jndr'à 'u [[1685]] avenìe assunde cumme Maestre 'u famose [[Giuanne Legrenzi]]. Ha state inzieme a quist'urteme e a 'u colleghe sue [[Andonie Lotti]], ca Giuanne Battista Vivaldi funnò 'u ''Sovvegno de le museciste de S. Cecilia'', 'na confraternita de museciste veneziane. A l'imbegne sue a 'a Cappelle d'u Doge, l'attane de Andonie Vivaldi aggiungìe partenne da 'u 1689 quidde de violiniste a 'u tiatre ''San Giuanne Grisostomo'' e a 'u ''Spedale de le Mendicande''.

Andonie Vivaldi 'mbarò a sunà 'u [[violine]] da l'attane e precocemende facìe vedè 'u granne talende ca tenève. Avenìe subbete ammesse a frequendà le museciste d'a Cappelle d'u Doge e pò essere ca aqquà, ma non g'è certe, avìe leziune pure da 'u Maestre de Cappelle Giuanne Legrenzi; se penze comungue ca le influsse de stu maestre onne state scarse ce se penze ca jidde murìe jndr'à 'u [[1690]] quanne Vivaldi tenève appene 12 anne. Non ge stonne dubbie comungue ca Vivaldi ave tratte granne giuvamende da 'u frequendà già in età piccenne l'ambiende musecale d'a Cappelle de San Marche, addò a chiane chiane jidde sostituì l'attane, violiniste dotate de discrte notorietà.
Pure ca ere picche canusciute, 'u ruole ca ha avute Giuanne Battista Vivaldi jndr'à vite e jndr'à 'u sviluppe d'a carriere d'u figghie pare de 'n'imbortanze notevole e prolungate jndr'à 'u timbe purcé jidde murìe sulamende cinghe anne apprimme d'u figghie sue.

Quanne Andonie tenève dece anne avere state indirizzate verse 'a vite ecclesiasteche frequendanne 'a scole d'a parrocchia soje, stu fatte de conseguenze a 'a volondà d'a mamese ca 'u sciurne d'a nascite de Andonie, vedenne le condiziune de salute d'u figghie sue, facìe 'a promesse ca ce avesse cambate avesse devendate sacerdote. Da stu mumende in poi non g'avime notizie de Andonie uagnone 'mbonde a 'u [[18 settemmre]] [[1693]], quanne raggiungìe l'età minime pe avè 'a [[tonsura]] pe mane d'u [[Patriarche de Venezie]] Cardinal Badoaro. Accumenzò allore a studià teologgie jndr'à chiesera de San Geminiano e jndr'à chiesera de San Giuanne in Oleo; jndr'à stu periode viveve cu 'a famigghia soje jndr'à parrocchie de San Martino.

Non g'abbandonò maje 'a museche anzi l'abbilità cu 'a quale jidde sunave 'u violine facìe sine ca già jndr'à 'u [[1696]] l'acchiame cumme ''violiniste soprannumerarie'' duranne le dunziune natalizie presse 'a cappelle d'a [[Basiliche de San Marche]]; queste ha state 'a prima appariziona soje in pubbleche cumme violiniste. Condemboraneamende faceve parte d'u gruppe ''Arte de le sunature''.

'U [[4 abbrile]] [[1699]] avìe le [[ordene minore]] d'u suddiaconate jndr'à chiesere de San Giuanne in Oleo, e 'u [[18 settemmre]] [[1700]] 'u [[diacone|diaconate]]. 'U [[23 marze]] [[1703]] avenìe ordenate [[presbitere|sacerdote]] e avenìe subbete soprannumenate 'u ''prevete russe'' pu culore d'a capigliatura soje; condinuò a vivere cu 'a famigghia soje e a fatià strettamende cu l'attane.

Jndr'à 'u [[1704]] pigghiò 'na dispense da 'a celebrazione d'a messe pe mutive de salute; soffrive infatte de 'na forme de [[asme]] da 'a quale avère presendate le sindome sine da 'a nascite.

=== L'attività jndr'à 'u Spedale d'a Pietà ===
[[File:Pinacoteca Querini Stampalia - La cantata delle orfanelle per i duchi del nord - Gabriele Bella.jpg|thumb|right|250px|[[Gabriele Bella]]: ''<nowiki>'</nowiki>A candate de le putte de le Spedale'' - [[Venezie]], Palazze Querini Stampalia]]
Pure ca ere uagnone 'a fama soje accumenzave a diffonderse e jndr'à 'u settemmre 1703 avenìe ingaggiate cumme maestre de violine da le autorità d'u Pio Spedale d'a Pietà, addò accumenzò l'attività soje 'u [[1 decemmre|1° decemmre]] [[1703]] cu 'nu stipendie de 60 ducate annuale; aqquà remanìe 'mbonde a 'u 1720.

Funnate jndr'à 'u [[1346]], 'u Pio Spedale d'a Pietà ere 'u cchiù prestiggiose de le quattre spedale demminile de Venezie (le otre e ttrede erane 'u Spedale de l'Incurabbele, 'u Spedale de le Mendicande e 'u Spedale de le Derelitte a le SS. Giuanne e Paolo). Jndr'à stu tipe de istitute acchiavane assistenze le peccinne orfane o ca avenèvane da famigghie povere assaije. Le uagnune 'mbaravane 'nu mestiere e lassavane l'istitute a 15 anne, invece le uagnedde ricevevane 'n'educazione musecale; chidde dotate de maggiore talente rumanevane e devèndavane membre d'u spedale.

Stave 'na gerarchie in funzione de le differende capacità 'mbrà le uagnedde musecande, da le inferiore ''file de coro'', a le cchiù esperte ditte ''privileggiate de coro'', 'mbonde a le ''maestre de coro'' ca insegnavane.

'U croniste-musecofile [[Charles de Brosses]] vè certifiche ammirate: {{quote|La musica eccezionale è quella degli Ospedali dove le "putte" cantano come gli angeli e suonano il violino, l'organo, l'oboe, il violoncello, il fagotto; insomma non c'è strumento che le spaventi.}} 

Jndr'à l'auste d'u [[1704]] 'u stipendie sue avenìe purtate a 100 [[Ducate, monete|ducate]], purcé aggiungìe pure 'a posizione de insegnante de [[viole a l'inglese]] e jndr'à 'u [[1705]] recevìe l'ingareche d'a combosizione e de l'esecuzione de le congerte, cu 'nu salarie aumendate a 150 ducate a l'anne - somme assaije modeste, a 'a quale se aggiungeve 'a remunerazione de le messe quotidiane ditte pa Pietà o pe le famigghie patrizie ricche.

Jndr'à le ''Confessioni'' sue, [[Jean-Jacques Rousseau]] offre 'n'otra testimonianze d'a qualitate de ste uagnedde orchestrale, ca avìe mode de apprezzà de perone<ref>Se sape tralaltre ca jidde ha state cchiù nnande 'nu incondizionate sostenitore d'a museche tagliàne, cumme jè testimoniate da 'a soje famose ''[[Lettre sur la musique française]]''</ref> 
duranne 'u soggiorne sue a Venezie<ref>Da 'u 1743 a 'u 1744 avère state segretarie de l'ambasciatore frangese a Venezie</ref>
<ref>«Una musica a mio giudizio superiore a quella delle opere, e che non ha pari né in Italia, né nel resto del mondo, è quella delle ''scuole''. Le ''scuole'' sono delle opere di carità istituite per educare le giovinette prive di beni, a cui la repubblica fornisce la dote sia per il matrimonio o per la clausura. La musica è il primo tra i talenti che vengono coltivati in queste giovani. Tutte le domeniche nella chiesa di queste quattro ''scuole'', durante i vespri, si danno mottetti a grande coro e grande orchestra, composti e diretti dai più grandi maestri d'Italia, eseguiti attraverso tribune grigliate da ragazze la più vecchia delle quali non ha vent'anni. Io non riesco ad immaginare nulla di così voluttuoso, di così toccante come questa musica: la ricchezza dell'arte, il gusto squisito dei canti, la bellezza delle voci, la perfezione dell'esecuzione, tutto in questi concerti concorre a produrre un'impressione che non è certamente di buon costume, ma di cui sono certo che nessun cuore d'uomo sia al riparo.
Né Carrio né io mancammo mai a questi vespri ai ''Mendicanti'' (''cioè al collegio dove aveva lavorato il padre del nostro compositore''), e non siamo i soli. La chiesa era ogni volta piena di intenditori; perfino gli attori dell'Opera venivano a formarsi al vero gusto del canto su questi eccellenti modelli. Ciò che mi disturbava di più erano quelle maledette griglie, che non lasciavano passare che dei suoni e mi nascondevano gli angeli di bellezza di cui essi erano degni.»</ref>
[[File:Francesco Guardi 052.jpg|thumb|left|250px|[[Frangische Guardi]]: ''Congerte de dame a 'u Casino de le Filarmonece'' ([[1782]]) - [[Monaco de Baviera]], Alte Pinakothek.]]
Disporre a piacimende de ste strumendiste e candande esperte, senze preoccupaziune de numere, timbe e coste, ere 'nu vandagge considerevole pe 'nu combositore ca puteve accussì dare libbere corse a 'a creatività soje e sperimendà ogne tipe de combinazione de l'organeche strumendale. Mò, jndr'à st'epoche, 'u uagnone maestre de violine avere certamende accumenzate 'a carriera soje de combositore e a farse notà pe le prime opere sue diffuse in manoscritte, e 'a nascende rinomanze puteve giustificà 'a scelte de affidarle stu poste 'mbortande.

'A direzione musecale d'a Pietà ere affidate da 'u [[1701]] a [[Frangische Gasparini]], « ''maestre de coro'' ». Jidde, museciste de talente e estremamende feconde, dedicò tuttavie 'nu stuèzze 'mbortande de l'attività soje a allestì opere a 'u [[Tiatre Sand'Angele]]<ref>Cioè uette opere nove durande 'a staggione 1704-1705</ref>. De conseguenze, jidde scarecò sus a Vivaldi 'nu numere crescende de combite, permettenne a quist'urteme de devendà, de fatte, 'u prengepàle animatore musecale.

'U rapporte sue cu 'u consiglie direttive d'u Spedale, a giudicà da le picche documinde remaste, pare ca ere 'nu picche e 'nu picche. Ogne anne le vertice de l'istitute veneziane se riunivane pe votà ce tenè o none 'n'insegnande. Pure ce Vivaldi avenìe raramende sottoposte a 'u vote, jndr'à 'u [[1709]] perdìe 'u poste sue pe 7 vote condre e 6 a favore. Però apprisse ca avere esercitate libbere professione de museciste pe cchiù de 'n'anne avenìe riassunde jndr'à 'u [[1711]] a 'a Pietà, sembre a seguite de 'na votazione d'u consiglie de l'istitute. Quiste probbabbilmende purcé 'a direzione avère combrese bbuène l'imbortanza soje a l'inderne d'a scole. Jndr'à 'u [[1713]] devenìe 'u responsabbele pe l'attività musecale de l'istitute e jndr'à 'u [[1716]] ''maestre de le congerte''. A giudicà da 'a lacunosità de le atte, comungue, studiuse cumme [[Michael Talbot]] e [[Micky White]] dubitane ca VIvaldi avesse sckuasciate formalmende ogne imbegne cu 'a Pietà durande le anne de (apparende) vacanze da l'insegnamende. Cu 'na bbona probbabbilità Vivaldi condinuò a rifornì 'a Pietà de ''congerte'' e combosiziune varie durande tutte 'a vita soje, pure in forme private.
[[File:Ospedale della Pietà.jpg|thumb|left|175px|''<nowiki>'</nowiki>U Spedale d'a Pietà sus 'a Riva De le Schiavoni'' ([[1686]]) - [[Venezia]], collezione privata]]
Jè durande st'anne ca Vivaldi screvìe gran parte d'a museca soje, combrendìe 'nu sacche de opere e pure numerose congerte. Jndr'à 'u [[1705]] avenìe pubblecate 'a prima raccolta soje, l'[[Dodici sonate, Op. 1, Vivaldi|Opus 1]], 'na collezione de dodece sonate a ttre dedicate a 'u nobbile veneto Annibale Gambara, comboste angore jndr'à 'nu stile [[Arcangele Corelli|neocorelliane]].

Jndr'à 'u [[1709]] apparìe 'na seconda raccolt ede 12 sonate pe violine e basse condinue (Opus 2), ma raggiungìe 'nu successe a levèlle indernazione cu 'a prima colleziona soje de 12 congerte pe une, doje e quattre violine cu arche, ''[[L'estro armonico]]'' (Opus 3), 'a quale avenìe date a le stambe a [[Amsterdam]] jndr'à 'u [[1711]], grazie a 'a ''famosa mane'' de l'editore [[Estienne Roger]], a l'avanguardie cu le tecniche nuève de stambe rispette a le editure veneziane Sala e Bortoli<ref>«Il più antico procedimento per riprodurre la musica ai tempi di Vivaldi, e nel complesso anche il meno soddisfacente, era quello della stampa a caratteri mobili. Questo metodo, oltre che laborioso (a causa della complessità e della varietà della notazione musicale rispetto alla scrittura normale) comportava notevoli difficoltà tecniche. Il perfetto allineamento verticale dei simboli era per esempio molto difficile da ottenere, e anche il posizionamento di alcuni simboli spesso risultava poco più che approssimativo (...) Possedeva, inoltre, un altro serio inconveniente. La tiratura doveva essere calcolata in modo molto preciso, perché, una volta stampate cinquanta o cento copie, i caratteri venivano scomposti e resi così disponibili per un nuovo utilizzo (...) Per contro, la musica incisa su lastre di rame poteva essere riprodotta all'infinito in qualsiasi tiratura se le lastre venivano conservate con cura e ritoccate quando il ripetuto utilizzo cominciava a deteriorarle» - cit.[[Michael Talbot]], ''Servitore di più padroni'', in ''Vivaldi - La stravaganza op.4'' (CD) - Speciale Amadeus, De Agostini e Rizzoli periodici, 1997 - booklet pg.46 </ref>. L'assuta soje avenìe pubblecezzate cu 'n'annunge sus a 'u ''The Post Man'' de Londra. Ste congerte avèrene 'nu successe 'a uerre proprie jndr'à totte [[Europe]] e avenèrene seguite jndr'à 'u [[1714]] da ''[[La stravaganza]]'' (Opus 4), 'na raccolte de congerte pe sole violine e arche.

Jndr'à 'u febbrare d'u [[1711]] Vivaldi e l'attane sue se ne scerene a [[Brescia]], addò davìe 'u sue [[RV 621|''Stabat Mater'' RV 621]], commissionate da 'a Congregazione de l'Oratorie de San Filippe Neri. Jndr'à 'u 1718 Vivaldi accumenzò a spustarse cu facilità, ma pare ca non g'avere maje sckuasciate le legame cu 'a Pietà. Da le registraziune de le atte jè possibbele constatà ca 'mbrà 'u 1723 e 'u 1729 avenìe pajate pe comborre ninde ninde almene 140 congerte.

=== Imbresarie d'opere a 'u [[Tiatre Sand'Angele|Sand'Angele]] ===
{{Nota
|allineamento=destra
|larghezza=370px
|titolo=Purcé Vivaldi spicciò de celebbrà 'a messe?
|contenuto=
[[File:Chiesa della Pietà Venezia.jpg|right|130px|Chiesera d'a Pietà.]]
Relativamende a l'abbandone de l'attività sacerdotale de Vivaldi, già da diverse timbe se sonde diffuse pettediscaminde e leggende. In particolare in relazione a l'aneddote cundate da 'u conde Grégoire Orloff: "''<nowiki>'</nowiki>Na vote ca Vivaldi diceve 'a Messe, l'avene in mende 'nu teme de fusce. Lasse allore l'altare sus a 'u quale officiave e scappe in sagrestie pe scrivere 'u teme sue; pò torne a spiccià 'a Messe. Avène denungiate a l'Inguisizione, ca però fortunatamende 'u giudeche cumme 'nu museciste, cioè cumme a 'nu pacce, e se limite a proibirle de dicere cchiù 'a Messe.''"<ref>
G. Orloff: ''Essai sur l'histoire de la musique en Italie'', vol. II, pp. 288-91 ([[Parigge]], 1822)</ref>. 
Comungue le vere mutive de stu ritire sonde spiegate da 'u stesse Vivaldi jndr'à 'na lettere, datate [[16 novemmre]] [[1737]], scritte a Guido Bentivoglio d'Aragona: "''Sono venticinque anni ch'io non dico messa né mai più la dirò, non per divieto o comando, come si può informare Sua Eminenza, ma per mia elezione, e ciò stante un male che io patisco a nativitate, pel quale io sto oppresso. Appena ordinato sacerdote, un anno o poco più ho detto messa, e poi l'ho lasciata avendo dovuto tre volte partir dall'altare senza terminarla a causa dello stesso mio male. Ecco la ragione per la quale non celebro messa.''".}}

Jndr'à Venezie d'u prima [[XVIII sechele]] l'opere ere l'indrattenimende musecale cchiù popolare e cchiù redditizie pe le comboseture. Stavane 'nu sbuènne de tiatre in congorrenze 'mbrà de lore. Quidda ca 'mbonde a picche anne fa se credeve 'a prima fatìe tiatrale vivaldiane ''[[Ottone in villa]]'' ([[RV 729]]), avenìe rappresendate a 'u [[Tiatre de le Grazie]] de [[Viscenze]] jndr'à 'u masce d'u 1713. Otre ricerche, comungue, spostane l'esordie operisteche de Vivaldi almene a 'u 1705, anne jndr'à 'u quale Vivaldi completò 'u ''[[Creso tolto alle fiamme]]'' ([[RV Anh. 138]]) de [[Girolamo Polani]] pu Tiatre Sand'Angele de Venezie<ref>cfr. [[Micky White]], [[Beth Glixton]] - ''Creso tolto a le fiamme: Girolamo Polani, Antonio Vivaldi, and opera production at the Teatro S. Angelo, 1705-1706'', Studi Vivaldiani, Firenze, S.P.E.S., 2008 - pg.3 e sgg.</ref>. 

Jndr'à 'u 1714 devendò sia imbresarie ca ''direttore de le museche'' a 'u [[Tiatre Sand'Angele]] de [[Venezie]], addò allestì 'a seconda opera soje, l<nowiki>'</nowiki>''[[Orlando finto pazzo]]'' ([[RV 727]]). Comungue 'u dramme pare ca non g'avìe 'u successe sperate e pe "sarvà" 'a staggione Vivaldi presendò l<nowiki>'</nowiki>''[[Orlando furioso, Ristori|Orlando]]'' de [[Giuanne Alberto Ristori]], già date l'anne precedende, cu otre retocche e aggiunde de propria mane.

Jndr'à 'u 1715 mettìe in scene 'nu pasticce, 'u ''[[Nerone fatto Cesare]]'' ([[RV 724]], perdute), cu le museche de varie comboseture e 11 arie d'u stesse Vivaldi. 'U 1716 vedìe 'a rappresendazione de ''[[Arsilda, regina di Ponto]]'' ([[RV 700]]), assaije probbabbilmende 'nu successe, viste ca apprisse l'opere seguende ([[L'incoronazione di Dario]], [[RV 719]]) avenèrene proposte de le repliche cu 'u stesse, cast de uagnune (nnande nnande le star future [[Annibale Pio Fabbri]], [[Anna Viscenze Dotti]] e [[Marije Teresa Cotti]])<ref>cfr. [[Gastone Vio]], ''Una satira sul teatro veneziano di S. Angelo datata "febbraio 1717"'', Informazioni e studi vivaldiani, Meláne, Ricordi, 1989 - L'ipotese de 'na rappresendazione jndr'à 'u 1715, imbedite da 'u ''non fede'' de une de le censore pa materie d'u libbrette, avanzate da Remo Giazotto, non iacche riscondre jndr'à le documinde acchiate fine a osce a die. cfr. [[Eleanor Selfridge-Field]], ''A new chronology of Venetian opera and related genres, 1660-1760'', Stanford, Stanford University Press, 2007</ref>. 'U stesse anne avenìe rappresendate [[La costanza trionfante degli amori e degl'odii]] ([[RV 706]]), jndr'à 'u [[Tiatre San Moisè]] piccinne.

Jndr'à 'u stesse periode, 'a Pietà le commissionò diverse fatìe liturgece. Le cchiù 'mbortande averene state doje [[oratorie]]: 'u prime ''[[Moyses Deus Pharaonis]]'' (RV 643), resulte sfortunatamende perdute e 'u seconde, ''[[Juditha triumphans]]'' (RV 644), comboste jndr'à 'u 1716, jè une de le fatìe sacre cchiù note d'u Prevete Russe. Avenìe commissionate pe celebbrà 'a vittorie d'a [[Repubbleche de Venezie]] condre le [['Mbere Ottomane|Turche]] e 'a reconguiste de l'isola de [[Corfù]]. Totte le undece stuèzze, sia maschile ca femminile, avenèrene inderpretate da le uagnedde d'a Pietà e 'nu sacche de arie combrendevane parte pe struminde soliste cumme flaute doce, oboi, clarinette, viole d'amore, mandulline, ca servivane pe mettere in evidenze 'u talente de le uagnedde pure in struminde particolarmende rare e de non facile reperibbeletà pe l'epoche.

[[File:Teatro alla moda.jpg|left|thumb|''<nowiki>'</nowiki> tiatre a 'a mode'' de Benedette Marcello]]

Cumme rappresendande cchiù in viste d'u moderne stile operisteche, Vivaldi ha state une de le bersaglie d'u [[pamphlet]] satiriche ''[[Il teatro alla moda]]'', pubblecate anonime jndr'à 'u [[1720]] ma se sape ca avère state scritte da 'u museciste e letterate [[Benedìtte Marcello]]<ref>Seconde a [[Remo Giazotto]], 'a famigghie Marcello, proprietarie d'u [[Tiatre Sand'Angele]], avère 'ndraprese senze successe 'na longa battagghie legale cu 'a direzione d'u stesse pa restituzione d'u palcosceneche. Avveramende 'nu sacche de otre studiuse onne smendite sta ipotesi: le conflitte erene inderne a 'a famigghie Marcello, cchiù ca 'mbrà lore e Andonie Vivaldi in persone, e soprattutte non ge riguardavane sulamende 'u [[Tiatre Sand'Angele]].
Pò jndr'à 'u 1722 [[Alessandro Marcello]] raccomandave Vivaldi presse 'a prengepesse [[Marije Livia Spinola Borghese]] (sonde stipate 'a lettere autografe de Marcello e 'na successive de Vivaldi): s'avere già sistemate tutte cose o non g'avere successe proprie ninde? - cfr.[[Fabrizio Della Seta]], ''Documenti inediti su Vivaldi a Roma'' in ''Antonio Vivaldi, Teatro musicale, cultura e società'' (a cura de Lorenzo Bianconi e Giuanne Morelli), Firenze, Leo S. Olschki editore, 1982, vol.2</ref>.
Benedìtte Marcello, patrizio e maggistrate veneziane, eppure museciste stimante da 'nu sacche de condemboranèe sue (ingluse [[Johann Sebastian Bach]]), ere 'nu sostenitore de 'na visione aristocrateche e elitarie d'a museche, e ere picche ingline a apprezzà le aspette cchiù "popolare" d'a produzione operisteche de l'epoca soje. L'uneche referimende esplicite a Vivaldi jndr'à 'u ''Teatro alla moda'', tra l'otre, jè scunnute jndr'à 'u frondespizie, addò 'na serie de anagramme sconnene le nome de personagge assaije famose a l'epoche: 'mbrà chiste, ''"ALDIVIVA"'' se referisce chiaramende a Vivaldi.

Jndr'à 'u stesse frondespizie jè rappresendate 'nu gruppe de personagge sus a 'na ''peata'', e 'a figurette alate ca indosse 'nu cappidde da prevete e sone 'u cioline pò essere ca jè 'na carecature de Vivaldi. Pu reste, l'opere se propone de criticà e ridicolizzà aspette d'u tiatre musecale<ref>a parte l'ignoranze e l'approssimazione de le comboseture e de le libbrettiste, 'u pamphlet stigmatizze 'u narcisisme e 'a scarse professionalità de le candande, l'ingerenze de le mamme e de le protetture de le candande, e accussì condinuanne.</ref> ca erene estremamende diffuse a l'epoche (cumme attestate, pe esembie, da le ''Memorie'' de [[Carlo Goldoni]] e non ge sonde specificamende reconducebbele a l'attività de Vivaldi.

=== Le anne d'a maturità ===
[[File:Vivaldi1.jpg|thumb|right|175px|James Caldwall: ''Andonie Vivaldi'']]
Jndr'à 'u [[1717]] o [[1718]] avenìe offerte a Vivaldi 'u prestiggiose ingareche de ''[[maestre de cappelle|maestre de cappelle da camera]]'' a 'a corte d'u pringipe [[Assia-Darmstadt|Filippe de Assia-Darmstadt]], guvernatore de [[Mantova]] e note appassionate de museche. Scìe addà, addò remanìe pe ttre anne cchiù o mene: de stu periode, e precisamende d'a staggione 1720-1, ne remanene testimonianze de almene ttre opere 'mbrà le quale ''[[Tito Manlio]]'' ([[RV 738]] - vide [[#Opere|Opere]]) e diverse [[candate]] e [[serenate, museche|serenate]]. Cchiù nnande Vivaldi ha state a [[Meláne]], addò presendò jndr'à 'u [[1721]] 'u dramme pastorale sue ''[[La Silvia]]'' (RV 734) e jndr'à 'u [[1722]] l'oratorie ''L'adorazione delli tre re magi al bambino Gesù'' (RV 645, perdute). Sembre jndr'à 'u 1722 'u combosetore veneziane scìe a [[Rome]], addò avere state invitate da 'u [[pape Benedìtte XIII]] a sunà pe jidde. Jndr'à 'u [[1725]] turnò a Venezia, addò jndr'à 'u stesse anne producìe quattre fatìe tiatrale.

Quiste jè pure 'u periode addò jidde screvìe ''[[Le quattro stagioni]]'', quattre congerte pe violine ca rappresendane le scene d'a nature in museche; probabbilmende l'idèe de comborre ste congerte l'avenìe quanne stave jndr'à le cambagne atturne a Mantova e furene 'na rivoluzione jndr'à congezione musecale: jndr'à lore Vivaldi rappresende 'u scorrere de le ruscelle, 'u cande de l'acidde, 'u latrate de le cane, 'u ronzie de le zanzare, 'u chiande de le pasture, 'a tembeste, le danzature 'mbriache, le nuttate silenziuse, le feste de cacce (sie da 'u punde de viste d'u cacciatore ca d'a prede), 'u paesagge ghiacciate, le peccinee ca slittane sus a 'u ghiacce e l'asckuà de le fuèche. Ogne congerte jè associate a 'nu sonette scritte da 'u stesse Vivaldi, ca descrive 'a scene raffigurate in museche. Avenerene pubblecate cumme le prime quattre congerte de 'na raccolte de dudece: ''[[Il cimento dell'armonia e dell'inventione]]'' Opus 8, pubblecate a [[Amsterdam]] da [[Michel-Charles Le Cène]] jndr'à 'u [[1725]].

Probbabbilmende duranne 'u periode sue a Mantova, Vivaldi canuscìe [[Anna Girò]] (''Anna Maddalena Teseire''), a l'epoche angore piccenne ('a date de nascita soje jè cchiù o mene atturne a 'u 1710). Cchiù nnande addevende allieve e protetta soje; Vivaldi allestì almene 15 rappresendaziune operisteche cu 'a partecipazione d'a Girò 'mbrà 'u 1723 e 'u 1740. Pure ca 'nu sacche de letterature non sciendifeche ave costruite de le ipotese fandasiuse sus a 'u rapporte 'mbrà lore e doje, a 'u mumende non g'esiste nisciune documende ca 'u prove.

=== Le urteme anne e 'a morte ===
[[File:Vivaldi Ghezzi.JPG|left|thumb|165px|Pier Leone Ghezzi: ''Andonie Vivaldi'' ([[1723]]) - [[Cetate d'u Vaticano]], [[Bibblioteche Apostoleche Vaticane]]]]
A l'apice d'a carriera soje, Vivaldi avìe 'nu scuènne de commissiune da le famigghie nobbile e reale d'[[Europe]]. 'A candate nuziale ''[[La Gloria, Imeneo]]'' (RV 687) avenìe scritte pu 'nzuramende de [[Luigge XV de Frange|Luigge XV]]. L'Opus 9, ''[[La cetra, Vivaldi|La cetra]]'', avenìe dedicate a l'[[Carlo VI d'u Sacro Romane Imbere|Imberatore Carlo VI]]. Vivaldi avìe l'occasione de 'ngondrà l'Imberatore in persone jndr'à 'u [[1728]], quanne jidde scìe a [[Trieste]] pe supervisionà 'a costruzione de 'nu puèrte nuève. Carlo ammirò tande 'a museche d'u Prevete Russe ca jidde stesse decìe de avere parlate cchiù cu 'u combosetore jndr'à queste occasione ca cu le menistre sue jndr'à doje anne. Le conferì 'u titele de [[Cavaliere, onoreficenze|cavaliere]], 'na medaglia d'ore e 'n'invite a scè a [[Vienne]]. Da 'a vanna soje Vivaldi avère date a l'Imberatore 'na copie d'u manoscritte de ''La cetra''. Comungue sta raccolte de congerte jè quase totta diverse da quedda pubblecate cu 'u stesse titele cumme Opus 9; quiste probbabbilmende avere state dovute a 'nu ritarde de stambe e allore Vivaldi avenìe costrette a riunì 'na collezzione imbrovvisate de congerte.

Jndr'à 'u [[1730]], accombagnate da l'attane, viaggiò a [[Vienne]] e a [[Praghe]], addò l'opera soje ''[[Farnace, opere|Farnace]]'' (RV 711) avenìe rappresendate. Quacche opere tarde segnarene 'a coollabborazione cu doje de le cchiù granne libbrettiste tagliàne de l'epoche: ''[[L'Olimpiade|L'olimpiade]]'' e ''[[Catone in Utica, Vivaldi|Catone in Utica]]'' avenèrene scritte sus a 'nu [[libbrette]] de [[Pitre Metastasio]], 'u maggiore rappresentande d'u movimende de l'[[Accademie de l'Arcadia|Arcadia]] e poete cesarèe a 'a corte de Vienne, invece 'u libbrette d'a ''[[Griselda, Vivaldi|Griselda]]'' avenìe adattate da [[Carlo Goldoni]] uagnone da 'nu libbrette precedende de [[Apostolo Zeno]].

[[File:Charles VI (1685-1740), Holy Roman Emperor.jpg|thumb|right|175px|Carlo VI d'Asburgo]]

'A vite de Vivaldi, cumme quedde de 'nu sacche de comboseture d'u timbe sue, spicciò cu none picche difficoltà finanziarie. Le combosiziune sue non g'avenèvane cchiù particolarmende stimate a Venezia; le camgiaminde veloce de le guste musecale 'u mettèrene fore mode e Vivaldi, in risposte a tutte quiste, scacchiò de vennè 'nu conziderevole numere de le manoscritte sue a prezze insignificande pe finanzià 'na migraziona soje a Vienne. Le mutive d'a partenze de Vivaldi da Venezia non ge sonde chiare, ma pare ca ere indenzionate a 'ngondrà Carlo VI, 'u quale già avère apprezzate le combosiziune sue (Vivaldi dedecò ''La cetra'' a Carlo jndr'à 'u 1727) e, occupà 'na posizione de combosetore de corte presse 'a Corte 'Mberiale. 
De cchiù 'a rafforzà 'a decisiona soje de scè a Vienne, e de lassà allore pe sembre l'Itaglie, avere state 'u verificarse de 'nu spiacevole episodie: a 'a vigilie de l'inizie de 'na staggione d'opere a [[Ferrara]], ca jndr'à quidde timbe faceve parte d'u [[State d'a Chiesera]], 'u cardinale de Ferrara recevìe tanda lettere eppure cu 'na certe insistenze da le nemice de Vivaldi, ca decedìe de proibbì pe pubbleche immoralità 'a staggione. Quiste a parte le danne economece avenìe conziderate da Vivaldi 'n'affronde tale ca decedìe de achiudere cu l'Itaglie. Jè assaije probabbele ca Vivaldi scì'e a Vienne pe mettere in scene certe opere sue a 'u al Kärntnertortheater. 
Comungue, 'nu picche apprisse l'arrive sue a Vienne, jndr'à l'ottommre d'u [[1740]], Carlo murìe. Ne seguì 'na uerre de proporziune europèe, 'a [[Uerre de successione austriache]] ca obblegò 'a figghie, 'a future reggine e 'mberatrice [[Marije Terese d'Austria]], a fuscere in [[Ungheria]]. Stu trageche colpe de sfurtune, a parte ca avere fatte achiudere tutte le tiatre viennese 'mbonde a l'anne successive, lassò 'u combosetore senze protezzione reale e fonde de reddite. Sciute a le cozze, 'u piane sue, Vivaldi decedìe, forse purcé assaije malate e troppe povere, de nò turnà a Venezia e de remanè a Vienne. Pe tirà nnande s'acchiò a svennè otre manoscritte sue e infine 'mbrà 'a nuttate d'u [[27 luglie|27]] e 'u [[28 luglie]] [[1741]] murìe de ''infezione intestinale'' (o forse pe cause de [[asma bronchiale]], forme d'a quale avere sembre sofferte) jndr'à l'appartamende affittate da 'a vedove Marije Agate Wahlerin. 'A case, ca s'acchiave strategicamende vicine a 'u Kärntnertortheater, ere canusciute pure cumme ''Satlerisch Haus''; avenìe scettate 'nderre jndr'à 'u [[XIX sechele]]. 

'U 28 luglie avenìe brucate jndr'à 'na fossa comune a 'u Spitaller Gottsacker de Vienne ('a supposizione seconde 'a quale 'u uagnone [[Franz Joseph Haydn]] avère candate jndr'à 'u core duranne 'u brucamende de Vivaldi ha state pruvate cumme fause). 'U luèche d'u brucamende de Vivaldi stè a fianghe d'a [[Karlskirche]] de Vienne, jndr'à l'area de 'n'istitute tecniche. 'A case addò vevìe duranne 'u breve periode viennese avenìe scettate 'nderre e a 'u poste sue ste osce a die l'Hotel Sacher. Targhe pa memoria sohe onne state mise jndr'à tutte e doje le poste, cumme pure sonde presende 'na "Vivaldi star" jndr'à Musikmeile viennese e 'nu monumende jndr'à ''Rooseveltsplatz''. Scalugnate 'u stesse, pure 'a museca soje avenìe mise da parte, addò remanìe fine a quase 'a metà d'u XX sechele.