[[فائل:Muslim_bin_ageel_in_Kufa.jpeg|کھبے|250px|thumb|کوفہ وچ مسلم بن عقیل دا مزار]]
حضرت '''مسلم ابن عقیل''' (شہادت: 9 ذوالحجۃ 60ھ) [[علی|حضرت علی کرم اللہ وجہہ]] دے بھائی حضرت [[عقیل ابن ابوطالب]] دے بیٹے سن یعنی [[حسین ابن علی|امام حسین علیہ السلام]] ے چاچا زاد بھائی سن ۔انہاں دا لقب سفیر حسین علیہ السلام تے غریبِ کوفہ (کوفہ دا مسافر) سی ۔[[واقعہ کربلا|واقعۂ کربلا]] توں کچھ چر پہلے جدوں [[کوفہ]] دے لوگاں نے [[حسین ابن علی|امام حسین علیہ السلام]] نوں خط بھیج کے [[کوفہ]] آن دی دعوت دتی تاں انہاں نے حضرت مسلم ابن عقیل نوں صورتحال دا جائزہ لین لئی کوفہ روانہ کیتا۔ اوتھے پہنچ کے انہاں نوں صورتحال مناسب لگی تے انہاں نے [[حسین ابن علی|امام حسین علیہ السلام]] نوں خط بھیج دتا کہ [[کوفہ]] آن چ کوئی قباحت نہیں۔ مگر بعد چ [[یزید]] نے [[ابن زیاد|عبید اللہ ابن زیاد]] نوں کوفہ دا گورنر بنا کے بھیجیا جس نے حضرت مسلم بن عقیل تے ان دے دو کم سن فرزنداں نوں شہید کروا دتا۔
جدوں [[حسین ابن علی|امام حسین علیہ السلام]] نے حضرت مسلم بن عقیل نوں [[کوفہ]] جان دا حکم دتا تے اس وقت اوہ [[مکہ]] چ سن ۔ اوتھوں اوہ [[مدینہ منورہ|مدینہ]] گئے جتھے انہاں نے روضۂ رسول {{درود}} اتے حاضری دتی فیر اپنے دو پتراں محمد تے ابراہیم جنہاں دیاں عمراں ست تے اٹھ سال دیاں سن، نوں لے کے [[کوفہ]] چلے گئے۔ کوفہ چ انہاں نے [[امیر مختار|مختار بن ابی عبیدہ ثقفی]] دے گھر قیام کیتا۔ کوفہ والےآں نے انہاں دی بیعت شروع کیتی جنہاں دی تعداد 30 ہزار تک پہنچ گئی۔ انہاں نے [[حسین ابن علی|امام حسین علیہ السلام]] نوں خط لکھ دتا کہ کوفہ آن لئی حالات سازگار نیں۔ اس وقت [[کوفہ]] دا گورنر نعمان بن بشیر سی ۔
جدوں ایہ خبر [[یزید]] تک پہنچی تے اس نے [[بصرہ]] دے گورنر [[ابن زیاد|عبید اللہ ابن زیاد]] نوں پیغام بھیجیا کہ اوہ جلد کوفہ پہنچ کے نعمان بن بشیر دی تھاں گورنر دا عہدہ سمبھالے تے مسلم بن عقیل دا سر کٹ کے یزید کول بھیجے۔ [[ابن زیاد]] نے کوفہ پہنچ کے گورنری سنبھالی تے حضرت مسلم بن عقیل امیر مختار دے گھر توں صحابیِ رسول [[درود]] حضرت [[ہانی بن عروہ]] دے گھر منتقل ہو گئے۔ [[ابن زیاد]] نے فوج نوں انہاں نوں پھڑن لئی بھیجیا تاں حضرت ہانی بن عروہ جنہاں دی عمر اس وقت 90 سال سی ، نے اپنے مہمان نوں حوالے کرن توں انکار کر دتا۔ حضرت ہانی بن عروہ نوں قید کر لیا گیا۔ اس اتے وی انہاں نے انکار کیتا تے انہاں نوں بنھ کے پنچ سو کوڑےآں دی سزا دتی گئی جس دے دوران جدواں وہ بے ہوش ہو گئے تے ان دا سر تن توں کٹ کے لٹکا دتا گیا۔ {{Colend}}۔۔۔۔۔۔۔ <div align="left" class="noprint">[[مسلم بن عقیل|سارا پڑھن لئی ایتھے کلک کرو۔۔۔]]</div >
