Fort Oranje (Boneiru)

Fort Oranje
Lus di faro Kañonnan riba muraya
Lokalisashon
Pais	Hulanda
Lokalisá na	Kralendijk, Boneiru
Koordinatonan	12°8′55.7″N 68°16′36.5″W
Historia
Original	–1837: fòrti i kas di commandeur –1974: servicio di bombero y polis, prizon 1974–1984: museo –2011: Ministerio Públiko
Aktual	2011–: duana i maneho di desperdisio
Funda	1639
Terminá servisio	1837
Renovashon	1932: tòrnu
Situá na Hulanda
Imágennan riba Wikimedia Commons
[Editá Wikidata] · [Manual]

Fort Oranje ta un fòrti chikitu ku muraya di kuater meter altu i kuater kañon, situá den e sentro di Kralendijk, kapital di e isla Boneiru den Hulanda Karibense. E ta e struktura mas bieu riba e isla.

Historia

Fort Oranje a wòrdu konstruí na 1639 riba un persela di 3080 m² riba enkargo di West Indische Compagnie. Te 1837 e tabata den uso komo kas di e "commandeur" di Boneiru i komo obra di defensa, pero nunka a bai den akshon.

Den siglo 20 e fòrti a sirbi diferente funshon, entre otro komo akomodashon pa servisio di bombero i polis, prizon i di 1974 te 1984 komo e museo "Instituto Folklor Boneriano". Te 2011 el a akomodá e ofisina di Ministerio Públiko. Desde 2011 e ta wòrdu usá dor di servisio di duana i un kompania pa maneho di desperdisio.

Na 1974 gobièrnu di Hulanda a traspasá e propiedat pa teritorio insular di Boneiru.

Faro

Na 1932 a añadi na e fòrti un tòrnu den forma di un piramit ku un base vierkant. Esaki ta funshoná komo faro i a remplasá esun original di palu. E faro ta konsisti di tres piso ku un galeria i un lanternu moderno di 7 meter di altura. For di un altura di 13 m e tòrnu ta emití kada dos sekònde un lus blanku den forma di un senteo di 0,2 sekònde. E alkanse di e lus ta 5 nudo o masomènos 9 km.

Galeria

• 
  Fort Oranje entre 1940 i 1945
• 
  E faro na 1976
• 
  Pleinchi paden Fort Oranje