Khwarezmian
| Classificacion lingüistica | |
|---|---|
Khwarezmian | |
| Còdis lingüistics | |
| ISO 639-3 | xco  |
| Glottolog | khwa1238 |
| IETF | xco |
Lo khwarezmian (o khwarazmian, corasmian, khorezmian, coresmian) es una lenga iraniana atudada que foguèt parlada en Khwarezm en Ozbequistan, e tamben en Cazacstan e Turcmenistan actuals.
Classificacion
Lo khwarezmian es una lenga iraniana orientala qu'es donc pròcha de las autras lengas iranianas mejanas conegudas en Asia Centrala e en Turkestan, lo bactrian, lo khotanés e subretot del sogdian.
Descubèrta de la lenga
Lo khwarezmian foguèt identificat al començament del sègle XX per de glòsas contengudas dins de manuscrits en lenga aràbia, subretot lo Qunyat al-munya li tâtmin al-ghuna, un tractat juridic[1]. En 1948, un exemplari del diccionari d'arabi Muqaddimat al-’adab qu'èra glosat en khwarezmian foguèt descubèrt, mas jamai publicat[2].
Qualques materials epigrafics del sègle II apC existisson dins una escritura aramèa, sus de monedas, de fusta o de cuèr[3]. La lenga foguèt remplaçada per de parlars turqueses a la fin de l'Edat Mejana.
Escritura
Los materials khwarezmians dels manuscrits arabis son escriches amb l'alfabet arabi e son datats dels sègles X e XIV[3].
Referéncias
Fonts
- (fr) Iosif M. Oranskij, 1977, Les langues iraniennes, traduit per Joyce Blau, Institut d'études iraniennes de l'Université de la Sorbonne Nouvelle, documents et ouvrages de référence 1, París, Librairie C. Klincksieck.
- (en) David N. MacKenzie, 1990, The Khwarezmian Element in the Qunyat Al-Munya , Londres, School of Oriental and African Studies, University of London.
- (ru) Д. И. Эдельман, 2000, Xopeзмийский язык, dins Языки мира, Иранские языки III, Восточноиранские языки, p. 95-105, Moscòu, Indrik.
- (ru) A. A. Фpeйман, 1951, Xopeзмийский язык. Maтерилы и иccледования, 1, Moscòu, Izdatel'stvo Akademii Nauk SSSR.
