Bronx
![](http://upload.wikimedia.org/wikipedia/commons/thumb/6/6c/New_York_City_location_Bronx.svg/250px-New_York_City_location_Bronx.svg.png)
Lo Bronx es un dels 5 districtes o boroughs de la vila de Nòva York dins l'estat de Nòva York, Estats Units d'America. Geograficament se situa al sud del comtat de Westchester; al nòrd e a l'èst de l'illa de Manhattan en traversar l'Harlem River; e al nòrd del borough de Queens, a travèrs l'East River. Lo Bronx representa una superfícia de 42 km2 e aviá en 2015 una populacion de 1 455 444 abitants[1]. Dempuèi 1914, lo Bronx ten los meteisses limits que Bronx County, lo comtat del meteis nom. Lo Bronx es devesit per la Bronx River en una seccion ondulada a l'oèst, pròcha Manhattan, e una seccion pus plana a l'èst, pròcha Long Island. Las carrièras èst e oèst son devesidas per la Jerome Avenue—la continuacion de la cinquena avenguda de Manhattan. L'oèst del Bronx foguèt annexat a New York City en 1874, las zonas situadas a l'èst de la Bronx River en 1895. Lo comtat del Bronx foguèt separat del comtat de New York en 1914. Aperaquí un quart del Bronx es constituït d'espacis doberts, coma lo cementèri de Woodlawn, lo pargue de Van Cortlandt, lo pargue de Pelham Bay, lo Jardin botanic de Nòva York e lo Zoo del Bronx dins lo nòrd e lo centre del districte.
Lo nom "Bronx" ven de Jonas Bronck, qu'establiguèt lo primièr poblament europèu dins la zona a l'epòca de la colonia dels Nòus Païses Basses en 1639.[2][3][4] Los indians natius Lenape foguèron desplaçats pels colons après 1643. Als sègles XIX e XX, lo Bronx recebèt fòrça grops d'imigrants mentre que se transformava en comunitat urbana, venguts de divèrses païses europèus (particularament d'Irlanda, d'Alemanha e d'Itàlia) e pus tard de la region Cariba (Puerto Rico, Jamaica and the Republica Dominicana), e d'afroamericnas vengut del sud dels Estats Units.[5] Aquela mescla culturala faguèt del Bronx la font de genres musicals coma la musica latina o lo hip hop.
Galariá
-
Middletown Road estacion de mètro del Bronx.
-
The Hub sus la tresena avenguda.
-
Morris Heights, un quartièr del Bronx de 45,000 abitants.
-
Scèna de carrièra dins Fordham Road, carrièra majora del Bronx.
Referéncias
- ↑ font:Wikipèdia en anglés, legit lo 22/09/16
- ↑ The Faroe Islands: Interpretations of History. ISBN 978-0-8131-1578-8.
- ↑ * «Jonas Bronx».
- Gotham, A History of New York City to 1898. ISBN 0-19-511634-8.
- ↑ History of the city of New York in the seventeenth century.
- ↑ Braver (1998)