Lanamesa

Lanamesa qu'ei ua comuna situada dens eth departament deths Hauts Pirenèus e era region de Miègjorn-Pirenèus.

Eths principaus quartièrs dera Vila

-Eth centre vila, bastit ath torn deth Ostau de Vila e dera glèisa Sent Joan Baptiste, qu'ei eth còr istoric dera vila e qu'estó arrenavada despús un detzenat d'anadas. Atau, era nava Plaça deths Drèits deth Òmi e deth Ciutadans on òm tròba eth Ofici deth Torisme e que hè facia ath recent kiosque qu'ei un lòc major deras animacions e deras manifestacions dera vila. Era carrèra Thiers, carrèra centrau, qu'ei era mes comerçanta dera comuna e presenta era entrada dera galèria comerciau Paul Bert. Quitament, qu'avem era plaça dera Pòsta, tanben arrehèta que presenta duas honts e'th eth monument aths morts deras granas guèrras

-Eths Bortolets, ath torn deth boloard deths Tilhs e près dera gara S.N.C.F., que's plaça en haut d'un cantau par rapòrt ath centre ville e se despleg ath torn d'un large boloard agradiu entaras passejadas.

-Eth Gueriçà, quartièr pro recent ath suc dera ciutat, que's plaça en bòrd deth bòsc dera Plantada e deth canal de la Nesta. Qu'ei sustot bastit d'ostaus individuaus bòrdant nombrós espacis verds.

-Las Moliàs. Ath nòrd, eth quartièr "deths molins" ath torn dera "cité des bans", deth colègi, qu'ei en mutacion gracia ara construccion de naus lotissaments e d'un centre medicò-sociau.

-Eths Baraquets qu'ei un hamèu ancian situít ath extrèm nòrd dera comuna.

-Era "Demi-Lune" (o Mieg-Lua), gròs bordalat ath escard dera vila situít ath èst d'aquesta sus era rota de Tolosa, qu'ei bastit a costat deth gran Parc de Recranças deth barri, bordant eth canal dera Nesta, eth Gòlf e'th complèxe espitalèr de Lanamesa.

-Pèirahita. Adès tèrra de lanas ath extrèm sud dera comuna, qu'ei uei ua zòna industriau e comerciau en plen desvolopament.