Sé (NaCl)
Ch't' articl'ye est liée doubl'ye : vaie sé (frouque).
Ch't' articl'ye fut c'menchie en Jèrriais
|
![](http://upload.wikimedia.org/wikipedia/commons/thumb/0/06/LacRose2.jpg/220px-LacRose2.jpg)
Lé sé (Guernésiais : saïl, Cotentinais : saé, Serkyee : se) est un composé chimique tch'a sŷmbole NaCl. Ch'est un composé d'sôdgium (Na) et d'chlor (Cl) tch'est nécessaithe pouor la vie, mais l'trop nièd.
J'avons l'mot salaithe car les soudards Romains èrchevaient eune partie d'lus sou en sé.
Lé sé 'tait l'seul moyen d'présèrver la viande, lé lard, lé paîsson et tchiques lédgeunmes, et dans les fèrmes sustout i' y'avait tréjous un saleux. À la Côte, les saleurs 'taient les cheins tchi travaillaient à saler la mouothue.
Lé sé d'tabl'ye n'est pon pur, y'a acouo d'tchi là d'dans. Nou-s'a du sé d'la mé (du salîn), en sitchant la saûsse, ou d'la tèrre, dé d'dans des minnes.
Nou soulait ramâsser du salîn dans des salinnes lé tou des côtes. Autrément nou bouort la saûsse pouor aver l'sé.
Crianches
[amendaer | modifier le wikicode]S'nou laîsse tchaie du sé, nou-s'en prend eune pînchie auve sa main drouaite et l'env'yie par dessus s'n êpaule gauche pour êviter la mauvaise chance.
Nou porte du sé sus sa pèrsonne contre la chorchell'lie. Et à seule fîn d'sé d'senchorchéler, nou-s'env'yie un lopîn d'sé sus l'feu ou nou sème tchiques pînchies d'sé en d'hors dé siez sé.
- coumme eune statue d'sé - tchi n'èrgarde pon à l'entou d'sé
- auve eune pînchie d'sé - à n'craithe dgéthe (du Latîn: cum grano salis)