Scots d'Ulstèr
Ch't' articl'ye fut c'menchie en Jèrriais
|
Lé Scots d'Ulstèr est eune langue Gèrmannique pâlée en Irlande - pus à co en Irlande du Nord et un mio étout dans la Républyique d'Irlande. Ch'est eune langue régionnale du Rouoyaume Unni, et ieune des langues èrconnues dans l'travas du Conseil Britannique-Irlandais.
Y'a du hèrtchîn d'auve les cheins tchi craient qu'ch'est abouon eune langue qu'un loceis et d'auve les cheins tchi craient qu'lé Scots d'Ulstèr n'méthite pon l'nom d'langue et qu'ch'est raîque un dgialecte du Scots ou d'l'Angliais.
Tout coumme, ch'est eune langue èrconnue en Irlande du Nord ouaithe qu'ou n'sait pon jutchie sus un nivé d'même qué l'Irlandais. Pouor lé souôtchein du Scots d'Ulstèr, eune office fut fondée par les gouvèrnéments du Rouoyaume Unni et d'la Républyique d'Irlande à seule fîn d'renforchi lé Scots d'Ulstèr et l'Irlandais. Pouor du Scots d'Ulstèr, ch'est Tha Boord o Ulstèr-Scotch tch'adgève lé d'vé dé ch't' office en griyant la promotion dé chein qu'chu conmité appelle langue et d'sa tchultuthe.