Den anglikanske kyrkja

Den anglikanske kyrkja eller Den anglikanske kommunionen er ei fellesnemning på ei rekke kyrkjer som har utspringa sine frå Den engelske kyrkja (Church of England).

Kyrkjene er reformerte men er samstundes prega av katolisismen av di den engelske reformasjonen fekk ei anna form enn den som gjekk føre seg i til dømes Tyskland og Skandinavia. Medan reformasjonen i desse landa var eit fullstendig brot med Den katolske kyrkja og førte til oppretting av ei heilt ny kyrkje, vart reformasjonen i England ei endring av kyrkja si lære. Den engelske kyrkja ser på seg sjølv som den same kyrkja som før reformasjonen og held difor mellom anna fast på apostolisk suksesjon, i motsetnad til dei fleste andre protestantiske kyrkjesamfunna.

Organisering

Den anglikanske kyrkja er organisert i nasjonalkyrkjer og finst særleg i tidlegare britiske koloniar.

Øvst i Den anglikanske kyrkja står erkebiskopen av Canterbury. Han har inga direkte makt i dei enkelte kyrkjene, men leier samarbeidet mellom dei og er andeleg overhovud.

Kvar nasjonalkyrkje («provins») er leidd av ein primas, som har ulik tittel i dei ulike landa. Som regel er tittelen erkebiskop. Provinsane er delte inn i bispedømme.

Kleresiet har tre nivå: Biskop, prest og diakon. Det er ikkje krav om presteleg sølibat. Kvinner kan ordinerast til diakon i dei fleste provinsane, til prest i mange og til biskop i nokre få.

Nokre av medlemskyrkjene nemner seg som episkopale, det vil seie «biskoplege».

I tillegg til dei regulære medlemskyrkjene, er nokre ikkje-anglikanske kyrkjer i såkalla «full kommunion» (nattverdsfellesskap) med Den anglikanske kyrkja. Gjennom Porvoo-avtala finst òg nattverdsfellesskap med andre kyrkjesamfunn. Mellom dei som signerte avtala finn ein Den norske kyrkja, men statusen er noko uklar av di Den norske kyrkja lèt ikkje-ordinerte teologistudentar feire nattverdsgudstenester, noko som er i strid med avtala.

Kyrkjene

Medlemskyrkjer

Den anglikanske kyrkja i Aotearoa, New Zealand og Polynesia
Den anglikanske kyrkja i Australia
Den anglikanske kyrkja i Canada
Den anglikanske kyrkja i den sørlege delen av Amerika
Den anglikanske kyrkja i Kenya
Den anglikanske kyrkja i Korea
Den anglikanske kyrkja i Mexico
Den anglikanske kyrkja i Papua Ny Guinea
Den anglikanske kyrkja i regionen Sentral-Amerika
Den engelske kyrkja
Den episkopale kyrkja i USA
Den episkopale kyrkja i Brasil
Den episkopale kyrkja i Jerusalem og Midt-Austen
Den episkopale kyrkja i Sudan
Den episkopale kyrkja på Cuba
Den filippinske episkopale kyrkja
Den irske kyrkja
Den lusitanske kyrkja i Portugal
Den nigerianske kyrkja
Den skotske episkopale kyrkja
Den spanske reformerte episkopale kyrkja
Den ugandiske kyrkja
Hong Kong Sheng Kung Hui
Kyrkja i provinsen Burundi
Kyrkja i provinsen Indiahavet
Kyrkja i provinsen det sørlege Afrika
Kyrkja i provinsen Melanesia
Kyrkja i provinsen Myanmar
Kyrkja i provinsen Rwanda
Kyrkja i provinsen Sentral-Afrika
Kyrkja i provinsen Søraust-Afrika
Kyrkja i provinsen Tanzania
Kyrkja i provinsen Vest-Afrika
Kyrkja i provinsen Vest-India
Kyrkja i Wales
Nippon Dei Ko Kai (Japan)

Kyrkjer i full kommunion

Den bangladeshiske kyrkja
Den gammelkatolske kyrkja
Den nordindiske kyrkja
Den pakistanske kyrkja
Den sørindiske kyrkja
Mar Toma syriske kyrkje i India

Bakgrunnsstoff

Wikimedia Commons har multimedia som gjeld: Den anglikanske kyrkja

Denne religionsartikkelen er ei spire. Du kan hjelpe Nynorsk Wikipedia gjennom å utvide han.