Jimmy Greaves
Jimmy Greaves | |
Statsborgarskap | Storbritannia |
Fødd | 20. februar 1940 Manor Park |
Død | 19. september 2021 (81 år) Danbury |
Idrett | fotball |
Tok del i | VM i fotball 1966, VM i fotball 1962, EM i fotball 1968 |
Utmerkingar | English Football Hall of Fame |
Jimmy Greaves, fullt namn James Peter Greaves, (20. februar 1940–19. september 2021) var ein engelsk fotballspelar frå London som med sine 357 nettkjenningar har skåra flest mål i toppserien i engelsk fotball. Han er også tidenes toppskårar i Tottenham Hotspur med 266 mål. I seks sesongar vart han toppskårar i engelsk 1. divisjon.
Karriere
[endre | endre wikiteksten]Klubbspel
[endre | endre wikiteksten]![](http://upload.wikimedia.org/wikipedia/commons/thumb/b/b4/Tottenham_Hotspurs_tegen_Atletico_Madrid_5-1_Nr_14_en_15_Elftal_Tottenham_Hots%2C_Bestanddeelnr_915-1586.jpg/220px-Tottenham_Hotspurs_tegen_Atletico_Madrid_5-1_Nr_14_en_15_Elftal_Tottenham_Hots%2C_Bestanddeelnr_915-1586.jpg)
Greaves debuterte for Chelsea FC i august 1957. Over fire sesongar skåra han 124 ligamål før han i april 1961 vart overført til den italienske klubben AC Milan mot £80 000. Han treivst ikkje i Italia og returnerte til England og Tottenham Hotspur mot £99 999 allereie i desember same året. Med Tottenham vann han FA-cupen 1962, Cupvinnarcupen 1963 og FA-cupen 1967. Han skåra eitt mål i cupfinalen 1962 og to då Atlético Madrid tapte 1-5 i cupvinnarcupfinalen i Rotterdam. I mars 1970 gjekk han over til West Ham United då Tottenham samstundes syrgde for å få Martin Peters den motsette vegen. Våren 1971 la Greaves opp, allereie på veg inn i alkoholisme.
Landslagsspel
[endre | endre wikiteksten]Greaves skåra 44 landslagsmål på 57 kampar for England i tida 1959-67. Han deltok i VM i fotball 1962 og VM i fotball 1966. Under verdsmeisterskapen på heimebane i 1966 førte ein lettare skade til at Geoff Hurst med stor suksess tok over senterløpar-plassen og Greaves etter gruppespelet vart sitjande på reservebenken resten av meisterskapen. Straks føre VM-triumfen skåra Greaves fire mål i landskampen mot Noreg 29. juni på Ullevaal stadion i Oslo som enda med tap 1-6 for heimelaget.
Merittar
[endre | endre wikiteksten]- Verdsmeister: 1966 for England
- Vinnar av cupvinnarcupen: 1963 med Tottenham
- Vinnar av FA-cupen: 1962 og 1967 med Tottenham
Kjelder
[endre | endre wikiteksten]- Denne artikkelen bygger på «Jimmy Greaves» frå Wikipedia på engelsk, den 1. oktober 2018.
- Jimmy Greaves, international football player ved eu-football.info