Îles éparses
Îles éparses | |||
Land | ![]() | ||
---|---|---|---|
Areal | 38,6 km² | ||
Folketal | 0[1] | ||
![]() Îles éparses 22°20′38″S 40°22′02″E / 22.343888888889°S 40.367222222222°E | |||
Wikimedia Commons: Scattered Islands in the Indian Ocean |
Îles éparses (fullt namn på fransk (Les) îles éparses de l'océan Indien, 'spreidde øyar i Indiahavet') er ein fransk eigedom i Indiahavet som omfattar fem grupper av små øyar. Dei har ingen folkesetnad, bortsett frå personell på meteorologiske stasjonar.
Oversyn
[endre | endre wikiteksten]Tre av øyane, Bassas da India, Juan de Nova og Europaøya, ligg i den sørlege delen av Mosambikkanalen. Glorieusesøyane ligr også i Mosambikkanalen, men i den nordlege delen, aust for Komorane. Tromelinøya ligg rundt 400 kilometer aust for Madagaskar.
Atoll/Øy | Stasjons-besetning | Areal km² |
Lagune km² |
Økonomisk sone km² |
Koordinatar | Plassering |
---|---|---|---|---|---|---|
Glorieusesøyane | 11 | 5,0 | 29,6 | 48 350 | 11°33′S 47°20′E / 11.550°S 47.333°E | Nord i Mosambikkanalen |
Juan de Nova | 14 | 4,4 | (1) | 61 050 | 17°03′S 42°45′E / 17.050°S 42.750°E | Sentralt i Mosambikkanalen |
Bassas da India | - | 0,2 | 79,8 | 123 700 | 21°27′S 39°45′E / 21.450°S 39.750°E | Sør i Mosambikkanalen |
Europaøya | 12 | 28,0 | 9,0 | 127 300 | 22°20′S 40°22′E / 22.333°S 40.367°E | Sør i Mosambikkanalen |
Tromelinøya | 19 | 0,8 | - | 280 000 | 15°53′S 54°31′E / 15.883°S 54.517°E | Vest i Indiahavet |
Totalt | 56 | 38,6 | 118,4 | 640 400 |
Administrasjon og bruk
[endre | endre wikiteksten]Sidan 3. januar 2005 har Îles éparses blitt administrert på vegner av Frankrike av administrasjonen for Dei franske sørterritoria (TAAF — les Terres australes et antarctiques françaises), basert på Réunion. Îles éparses var tidlegare under administrasjon av prefekten i Réunion, sidan Madagaskar fekk sjølvstende i 1960. Sidan 21. februar 2007 har Îles éparses utgjort det 5. distriktet av Dei franske sørterritoria.
Øyane er klassifiserte som naturvernområde. Alle øyane bortsett frå Bassas daå India har ei flystripe på over 1000 meter. Frankrike har ein militær garnison på rundt 14 mann på kvar av øyane i Mosambikkanalen som Madagaskar gjer krav på.
Bortsett frå Bassas da India har alle øyane meteorologiske stasjonar. Dei meteorologiske stasjonane på Glorieusesøyane, Juan de Nova, og Europaøya er automatiserte. Særleg stasjonen på Tromelinøya er viktig for varsling av syklonar som trugar Madagaskar, Réunion eller Mauritius.
Krav på øyane
[endre | endre wikiteksten]Mauritius, Komorene, Seychellane, og Madagaskar nektar for at Frankrike har overhøgd over øyane. Mauritius gjer krav på Tromelinøya; Komorane og Seychellane gjer krav på Glorieusesøyane og Madagaskar gjer krav på dei andre øyane i Mosambikkanalen. I Mosambikkanalen ligg òg Banc du Geyser, som b;eo annektert av Madagaskar i 1976. Frankrike ser enno på Banc du Geyser som ein del av Îles éparses.
Frankrike gjer òg krav på ei økonomisk sone på 200 nautiske mil rundt kvar av dei små øyane i Îles éparses, som saman med krava på økonomiske soner rundt Réunion og Mayotte totalt utgjer over ein million kvadratkilometer i den vestre delen av Indiahavet. Det er betydeleg overlapping mot dei økonomiske sonene til nabostatane.
Kjelder
[endre | endre wikiteksten]- Denne artikkelen bygger på «Îles éparses» frå Wikipedia på bokmål, den 14. mai 2020.
- ↑ 1,0 1,1 1,2 1,3 https://www.outre-mer.gouv.fr/territoires/terres-australes-et-antarctiques-francaises; vitjingsdato: 30. april 2022.