Nay Pyi Taw
Nay Pyi Taw (burmesisk utt. [nè pjì dɔ̀], òg skrive Naypyidaw) er ein ny by som blei hovudstaden i Burma (Myanmar) i 2005. Nay Pyi Taw ligg sentralt i landet, i Kyatpyae-området, 3 km vest for byen Pyinmana og rundt 32 mil nord for den tidlegare hovudstaden Yangon. Namnet «Nay Pyi Taw» kan bety 'kongepalass', 'kongeby' eller 'kongssete'.
Nay Pyi Taw
| |||
| by | |||
 | |||
| Land |  Burma
| ||
|---|---|---|---|
| Areal | 7 000 km² | ||
| Folketal | 1 160 242 (2014) | ||
| Grunnlagd | 2005 | ||
 Nay Pyi Taw 19°45′N 96°06′E / 19.75°N 96.1°E | |||
 Kart som viser Nay Pyi Taw.
| |||
| Wikimedia Commons: Naypyidaw | |||
Historie
endreFlyttinga av hovudstaden til det nyleg rydda jungelområdet blei overraskande annonsert i 2005, og dei administrative funksjonane blei offisielt flytta 6. november det året. Bygginga av byen hadde allereie gått føre seg i løynd i fleire år.
På dagen til dei væpna styrkane den 27. mars 2006 marsjerte over 12 000 soldatar i ein militærparade under det første offisielle arrangementet i den nye hovudstaden. Det var også då namnet Nay Pyi Taw blei offisielt annonsert.
Pyinmana like ved Nay Pyi Taw var hovudbase for frigjeringshæren i Burma. Det var i Pyinmana at hæren trente soldatar og offiserar.
Geografi og bygningar
endreNay Pyi Taw dekkjer 7000 km² og er delt inn i ulike soner for administrasjon, marknad, hotell og restaurantar. Han har fleire nye, prangande bygningar med god plass mellom seg, mellom anna det burmesiske parlamentet, presidentpalasset og Uppatasanti-pagoden, ein modell av Shwedagon-pagoden i Yangon. Det finst også fleire museum og ein dyrehage her.
Byen har lufthamn og vegsamband til Yangon.
Kjelder
endre- Akash Banerjee, Myanmar's capital Naypyidaw a ghost town, India Today (29. mai 2012)
- Kaori Enjoji, The Road to Naypyidaw[daud lenkje], CNBC (20. juni 2012)
- David Pilling, Naypyidaw: a general’s fantasy becomes real, Financial Times (27. november 2012)
- Damien McElroy, Burma: welcome to Naypyidaw - the home of kings - and the world's weirdest capital city, The Daily Telegraph (18 Nov 2011)
- Surrounded by Poverty, a Lifeless Capital Stands Aloof, New York Times (13. desember 2011)
