Hurum kommune
Hurum er ei bygd og ein tidlegare norsk heradskommune som låg i Buskerud, no Viken fylke. Kommunen låg på halvøya Hurumlandet mellom Oslofjorden og Drammensfjorden, og grensa til Røyken kommune i nord. Det tidlegare administrasjonssenteret Klokkarstua ligg i innlandet, i Sandungsdalen, medan dei fleste andre tettstadane i kommunen, som Sætre, Tofte, Filtvet og Holmsbu, ligg langs kysten. Verd å nemne er òg plassen Verket, rett vest for Klokkarstua. Han er ei istidsavsetting som mesten stengjer Drammensfjorden.
| Hurum kommune | |||
| kommune | |||
 | |||
|
|||
| Land |  Noreg
| ||
|---|---|---|---|
| Fylke | Buskerud | ||
| Adm.senter | Sætre | ||
| Areal | 163 km² | ||
| • land | 156 km² | ||
| • vatn | 7 km² | ||
| Målform | bokmål | ||
| Ordførar | Monica V. Bratlie (H) | ||
| Kommunenr. | 0628 | ||
 Hurum 59°36′11″N 10°31′05″E / 59.603055555556°N 10.518055555556°E | |||
 Kart som viser Hurum kommune.
| |||
| Wikimedia Commons: Hurum | |||
| Nettstad: www.hurum.kommune.no | |||
Rundt 100 km² av flatevidda var produktiv skog, medan rundt ein tidel av landet vart nytta til jordbruk. Den 63 kilometer lange kystlina til kommunen har ein kyststi for turgåarar.
Hurum kommune vart i 2020 slegen saman med kommunane Røyken og Asker til den nye Asker kommune.[1]
Industri
endre
Den industrielle revolusjonen kom tidleg til Hurum, først med eit glasverk som vart bygd på slutten av 1700-talet. Nå har kommunen fleire hjørnesteinsverksemder, som Dyno Industrier, Norske Skogindustrier A/S, og Tofte Industrier.
Kommunikasjon
endreHurum har lenge trekt til seg sommarturistar, men i den siste tida har folk utanfrå òg busett seg der fordi det er mogleg å pendla frå Hurum til storbyane Drammen og Oslo. Oslofjordtunnelen, ein tunnel under Oslofjorden til Drøbak, har gjort bygda betre tilgjengeleg.
I 1988 vedtok Stortinget å byggja hovudflyplass for Austlandet i kommunen, men dette vart omgjort i 1990 på grunn av risiko for skodde i området, og flyplassen vart i staden lagt til Gardermoen.
Øyar
endreLangs Hurumkysten finn ein òg fleire øyar og holmar med ein særskild flora og geologi. Fleire av desse er freda. Ei av øyane er Mølen (ikkje å forveksla med neset Mølen i Larvik kommune), ein av dei få stadane i Noreg der det veks misteltein.
Flora og fauna
endreHurum har kystbarskog, og innimellom åker- og kulturlandskap i indre strøk er det blandingsskog med lauvtrær og mykje gran. Av sjeldnare arter kan nemnast misteltein (i sør), vårmarihånd og vårkrossknapp.
Faunaen er dominert av den søraustnorske lauvskogens habitat, med rådyr, noko elg, hare, grevling og ulike gnagarar. Fuglelivet har tatt seg opp. Det hekkar mellom anna hegre, knoppsvane, ærfugl, strandsnipe og gråspett i Hurum. Det er også noko ål, knurr og sjøaure i sjøen langs kysten.== Verd å vitja ==
Kjende Hurumbuar
endre- Målaren Henrik Sørensen
- Admiralen Iver Huitfeldt