Volda kommune
Volda er ein kommune i Møre og Romsdal med ca 8000 innbyggjarar. I nord- og austleg retning grensar Volda mot Ørsta kommune, i sørleg retning mot kommunane Hornindal og Eid, og i vest mot Vanylven kommune.
| Volda kommune | |||
| kommune | |||
 | |||
| Land |  Noreg
| ||
|---|---|---|---|
| Adm.senter | Volda | ||
| Areal | 876,87 km² | ||
| • vatn | 22,577214184648874 km² | ||
| Målform | Nynorsk | ||
| Ordførar | Sølvi Dimmen (1. januar 2020)[1] (Sp) | ||
| Kommunenr. | 1519 | ||
 Volda kommune 62°08′48″N 6°04′05″E / 62.14678°N 6.068°E | |||
|
[[Fil: NO 1519 {{{namn}}}.svg |200 px|none| Kart som viser Volda kommune. ]]
Kart som viser Volda kommune.
| |||
| Wikimedia Commons: Volda | |||
| Nettstad: www.volda.kommune.no | |||
Volda kommune ligg ved Voldsfjorden, med kommunesenteret Volda på austsida og Folkestad på vestsida av fjorden. Voldsfjorden har tre sidearmar; Dalsfjorden med bygdene Velsvik, Lauvstad, Dravlaus, Innselset, Åmelfot, Steinsvik og Dale, Austefjorden med bygdene Hartåbygda, Kalvatn og Høydal, og Kilsfjorden med bygdene Bjørneset, Straumshamn, Kile og Bjørkedalen.
I tettstaden Volda finn ein blant anna Høgskulen i Volda med over 3000 studentar, i tillegg til sjukehus og høgteknologisk industri. Den lokale avisa i kommunen, Avisa Møre, er Noregs eldste lokalavis (1810).
Mork/Egset er ein "forstad" til Volda og ligg ca. 3 km. vestover frå Volda sentrum, eit steinkast frå Ørsta/Volda lufthamn, Hovden. Noregs første trykkeri på landsbygda, Aarflots prenteverk (1808), låg her. I dag er det eit museum i Aarflotgarden som blant anna inneheld gamle maskiner frå prenteverket.
Historikk
Volda vart etablert som Volda formannskapsdistrikt i 1837. 1. august 1883 vart Ørsta trekt frå og etablert som eigen kommune. Volda hadde på dette tidspunktet 3.485 innbyggjarar, Ørsta 2.070.
1. januar vart garden Ytrestølen i Ørsta med 13 innbyggjarar ført tilbake til Volda.
1. juli 1924 vart Dalsfjord trekt frå som eigen kommune med 960 innbyggarar. Volda hadde 4.715 innbyggjarar etter oppdelinga.
1. januar 1964 vart Dalsfjord igjen ein del av Volda kommune. Volda hadde på dette tidspunktet 6.056 innbyggjarar og Dalsfjord 1.151, slik at den nye Volda kommune total hadde eit innbyggjartal på 7.207.
Tettstader i Volda kommune
Kjende folk frå Volda kommune
- Sivert Aarflot, (1759–1817), bladstyrar i Norsk Landboeblad
- Johannes Barstad, (1857–1931), prest, forfattar og bladstyrar i Stille stunder
- Rasmus Steinsvik, (1863–1913), målmann og bladmann. Bladstyrar i Den 17de Mai.
- Henrik Kaarstad, (1865–1927), skulemann. Starta Volda lærarskule.
- Rasmus P. Mork, (1866–1950), meieripioner.
- Anders Vassbotn, (1868–1944), prest, diktar og politikar.
- Lovise Heggen, (1893–1975), Lektor, politikar og vararepresentant på Stortinget.
- Oline Vassbotn Drabløs (1894–1989), bunadsforkjempar og bondekvinne.
- Petter Løvik, (1949– ), stortingsrepresentant.
- Harald Haugen, bokhandlar.
- Beate Slettevoll Lech, norsk vokalist
- Simone Larsen, vokalist i bandet D'Sound
- Saxe Bjørkedal,(1926– ), Kystkulturberar
På verdsveven
- http://www.volda.info/
- http://www.volda.org/
- http://www.dalsfjord.com/
- http://www.austefjordposten.no/
- http://www.voldaveiret.no/
- http://www.vti-fotball.no/
- http://www.vti-handball.org/
