Norman Robert Pogson

Norman Robert Pogson (* 23. März 1829 in Nottingham, † 23. Juni 1891) weer en engelsch Astronom.

Pogson wurr 1851 Assistent an dat Radcliff-Observatorium in Oxford. Af 1858 weer he Direkter vun dat Hartwell-Hall-Observatoriums in Buckingham. Van 1861 an weer he Direkter vun de Steernwacht vun Madras in Indien.

Pogson hett 9 Asteroiden, so to’n Bispeel (43) Ariadne, as ok 21 veränderliche Steerns opdeckt un hett en umfangriek Steernkatalog upstellt. He standariseer de Helligkeitsskala vun Steerns, indem he dat all vun Hipparcos inföhrt System vun de Gröttklassen in en logarithmisches Verhältnis setten de. Dornah is en hellen Steern vun de 1. Gröttklass eenhunnertmal heller as en Steern vun de 6. Gröttklass, de ünner good Bedingungen noch mit bloot Oog to seen is.

Nah hüm hett man en 50 km grooten Maandkrater nömmt..