Kool Savas

Kool Savas vörmalig King Kool Savas (* 10. Februar 1975 in Aken; als Savaş Yurderi ) is en düütschen Rapper, de vun Törken afstammen deit.

Kool Savas 2005

Wie dat mit sien Musik aflopen is

As Hip-Hop-Künstler is Kool Savas anfungen mit de EP „Warum rappst du?“. De Lüde hören dor hen vunwegen sien schandoligen Texten as in „Schwule Rapper“, „LMS“ (Lutsch mein Schwanz) oder „Pimplegionär“. Vördem harr he (dormols ünner den Naam „Juks“) tomeist in Engelsche Spraak rappt. He weer dormols in Crews togange, as de „Basic Elements“. Nah baben keem he eerst mit de Rapcrews Masters of Rap un Westberlin Maskulin. Dor weer he tohopen mit Taktloss. In dat Johr 2001 güng he weg vun sien dormalige Plattenfirma Put da needle to da records un ok de masters of Rap hett he verlaten, vunwegen dat he sik nich mehr so goot mit jem verstünn. Dat geev persönliche Grünn, man dat harr ok wat mit de Ünnerscheed in de Kunst to kriegen. Dormols hett he ok en Disstrack gegen den Baas vun dat Label rutgahn laten. In düt Leed „Track gegen Peter“ vertell he ok de Grünn, worüm he dat Label verlaten harr. 2002 bröch he sien eerst Soloalbum rut bi de Firma Optik Records, de he süms grünnt harr. Dat Album heet „Der beste Tag meines Lebens“. Dor kreeg he den Musikpries Comet för. Kool Savas arbeit mit een ganzen Barg Muskanten ut Düütschland un anner Länner tohopen. Dor mank weern Azad, Curse, Moses Pelham, Samy Deluxe, RZA, J-Luv, Lumidee, Bligg, Eko Fresh, Jadakiss, Royce da 5'9", Kanye West, Kurupt, Engin, Xavier Naidoo und Illmatic zusammen.

Mit sien Plattenfirma versöcht he, verscheden Künstlers uptoboen. He hett ünner annern Eko Fresh updeckt. In#N Momang sünd düsse Künstlers ünner verdrag bi em: DJ Nicon, Melbeatz, Ercandize, Caput, Amar, Sinan, Dina Rae und Moe Mitchell. Mit den Rapper „SD“ geev dat Theoter. Ok „Spontan“ hett dat Label verlaten un folg sien Fründ SD. Franky Kubrick (fröher „Karibik Frank“) hett bi Optik Records en Mixtape rutbröcht, steiht dor aver nich unner Verdrag. Vun Anfang 2005 af an hölpt Savas sien lüttjen Broder Pawel (Sinan), sien Cousin „Dimi“ un sien Swager „Igor“ bi dat Rappen. Düsse Jungs sünd tohopen mit MoTrip ut Aken de „Optik Youngstarz“

Eko Fresh hett an’t Enne vun dat Johr 2004 den Song „Die Abrechnung“ rutgahn laten. Dor disst he ünner annern ok Kool Savas. In’n Februar 2005 keem Kool Savas sien Antwoort: „Das Urteil“. Düt Leed konn een ümsünst up en Hip-Hop-Website dalladen un mehr as 100.000 Lüde hefft dat in wenig Daag maakt. De Server keem dor en tietlang nich mehr nah. Dor weer ok en Videoclip mit bi. De is vun de Tokiekers vun MTV 20 mol up den eersten Platz vun de TRL-Charts wählt wurrn. Dor konn Kool Savas as eerst Künstler överhaupt dat „TRL Golden Tape“ mit winnen.

Tohopen mit den Frankforter Rapper Azad bröch Savas 2005 dat Album „One“ rut. Dor weer de Hit „All 4 one“ mit bi. De Beat vun düt Leed is ok vun den US-amerikaanschen Raper Nas up sien Track „The Makings Of A Perfect Bitch“ bruukt wurrn. Nas harr den Beat bi den Produzenten vun den Beat höört un hett em so unbannig goot funnen, dat de Produzent bi Azad un Savas nahfraagt hett, ob he düssen Beat noch en anner Mol verköpen dröff. Azad un Savas hefft dor „Jo“ to seggt. Later is denn vertellt wurrn, Savas un Azad harrn düssenb Beat toeerst up Nas sien Album höört un denn eerst süms bruukt. Man dat Gegendeel stimmt.

In’n Summer 2006 hett Savas tohopen mit NoCode un RuffNuff Optik Swiez upmaakt. Dat is en Ünnerlabel vun Optik Records in de Swiez. Dor sünd in’n Momang Dezmond Dez ut Bern un DJ Pfund 500 ut Schaffhausen togangen. Över Optik Swiez is toeerst en Mixtape mit den Naam „Wer hatz erfunden?“ rutkamen. Dor sünd neven de Optik Army ok allerhand anner düütsche un swiezer Rappers bi tiogangen, so as MC Bogy, Kaas, Griot, Wicht etc.

Film

Kool Savas speel in Thomas Arslan sien Film „Geschwister – Kardesler“ (1997) de Rull vun Ahmed.

Wo Savas sik in Filmen för insetten dö

In’n September 2005 hett Savas hulpen bi de Social Marketing- Kampagne „Du bist Deutschland“, de vun den Bertelsmann-Kunzern uptagen wurr.

In’n März 2005 weer he de Middelpunkt för en Kampagne vun de Organisatschoon för de Rechten vun Tieren „People for the Ethical Treatment of Animals“. Dor spreek he sik ut gegen dat Ünnerbringen vun Tieren in grote Massen un meen, een scholl keen Fleesch eten.

He weer ok en wichtigen Deel vun de Anti-Cannabis-Kampagne „CanNObis“ vun dat Landekriminalamt Baden-Württemberg.

Privatleven

Kool Savas güng mit sien Familie in de Törkei torüch, as he een Johr oolt weer. Sien Vadder stammt ut Çorum/Törkie. He keem dor achter Trallen, vunwegen dat he in Saken vun de Politik anners dach, as de meisten. Dor möss Savas sien Mudder wedder üm torüch nah Aken. Anners weern se ehr an dat Leven gahn. 1987 is de Familie denn wedder tohopen ween un nah Berlin hentrocken. Dor kreeg Savas dat to’n eersten Mol mit Rap to doon.

Kool Savas leev lang mit sien Deern „Mealbeatz“ (Melanie Wilhelm) tohopen in Berlin. De beiden hefft ok geschäftlich mit’nanner to kriegen, vunwegen dat Melbeatz meist all Beats för Savas produzeern deit. De beiden sünd Vegetariers.

Ofschoonst de meisten Lüde meent, Savas weer de Berliner Rapper an sik, leevt he midderwielen in Heidelbarg.

Wat för Schieven he rutbröcht hett

Alben, Mixtapes

• 1997 Demotape '97 (unreleased, Tape)
• 1999 Westberlin Maskulin - Hoes, Flows, Moneytoes (Crewalbum mit Taktlo$$)
• 2000 Westberlin Maskulin - Battlekings (Crewalbum mit Taktlo$$)
• 2001 Masters of Rap - NLP (Crewalbum mit Fumanschu, Justus Jonas etc)
• 2002 Der beste Tag meines Lebens (Soloalbum)
• 2003 Freunde der Sonne - Nur Noch 24 Stunden (Crewalbum mit Illmatic un Katch Money)
• 2004 Die besten Tage sind gezählt/Euer bester Freund (Remixalbum/Mix-CD)
• 2004 Kool Savas goes Hollywood (Mix-CD)
• 2005 ONE (Crew-Album mit Azad)
• 2005 Die John Bello Story (Mixtape)
• 2007 No Money No Problem (Mixtape) Gratis Download vun http://www.kool-savas.com

Singles, EPs

• 2000 Plattenpapzt - King Of Rap (CD Single / Vinyl Single)
• 2000 Warum Rappst Du? (EP) (up’n Index)
• 2000 L.M.S./Schwule Rapper (Vinyl Single)(up’n Index)
• 2000 Fehdehandschuh (Creutzfeld & Jakob mit Kool Savas)(CD Single)
• 2001 That smut Part 2 (Smut Peddlers Feat. Kool Savas) (CD Single)
• 2001 Haus & Boot EP (EP)
• 2002 D.U.T. (J-Luv ft Kool Savas) (CD Single)
• 2002 Keiner außer uns (CD Single)
• 2002 Till' Ab Joe (CD Single / Vinyl Single)
• 2003 Optik Anthem feat. Optik Crew (CD Single / Vinyl Single)
• 2003 Der beste Tag meines Lebens (CD Single / Vinyl Single)
• 2003 Crashin' a Party feat. Lumidee (CD Single / Vinyl Single)
• 2004 Die besten Tage sind gezählt feat. Lumidee (CD Single / Vinyl Singe)
• 2004 OK (Melbeatz feat. Kool Savas & Samy Deluxe)
• 2004 Da bin, Da bleib (CD Single / Vinyl Single)
• 2004 77 Minutes of Strugglin' (mit Moses Pelham, Illmat!c) (Single CD)
• 2005 Das Urteil (Savas sien Antwoort up Eko Freshs sien „Abrechnung“. Online-Release / Vinyl Single)
• 2005 Monstershit (mit Azad) (CD Single)
• 2005 All 4 ONE (mit Azad) (CD Single)
• 2005 Guck my man (mit Azad) (Mix-CD)
• 2006 Das ist OR! (Optik Crew) (CD Single)
• 2006 Komm mit mir (Optik Crew) (CD Single)
• 2006 Wie er (feat. Optik Schweiz)
• 2008 Der Beweis
• 2008 Tot oder Lebendig/Mona Lisa
• 2008 Melodie(feat. Moe mitchell und Senna)
• 2009 On Top (feat. Azad)
• 2009 Krone (feat. Franky Kubrik und moe Mitchell)
• 2009 Rapfilm
• 2009 Der Beweis 2 Mammut Rmx
• 2011 Schritte vor der Tür

DVDs

• 2003 Der beste Tag meines Lebens (DVD)
• 2006 Kool Savas - Feuer über Deutschland

Wat he tohopen mit annere rutbröcht hett un anner Tüüch

• 2002 Optik Mixtape Vol.1 (Mix-CD)
• 2002 DJ Desue - Art of War (Producer CD)
• 2004 Optik Takeover 04 (Mix-CD)
• 2004 Melbeatz - Rapper's Delight (Producer CD)
• 2004 DJ Suave Presents Eurotrip - Hosted by Kool Savas (Mixtape)
• 2004 DJ Gan-G - Major Business - Hosted by Kool Savas (Mixtape)
• 2005 Die Caputte Sicht (Mixtape)
• 2005 DJ Nicon - Optische Elemente 2.5 (Producer Mixtape)
• 2006 Ercandize - La Haine-Sie nannten ihn Mücke
• 2006 Feuer über Deutschland - Hosted by Kool Savas (Live-Battle DVD)
• 2006 Ich bin die 1 (Solo Track für das Hiphop Geschäft Seventy-Seven-Store)
• 2006 Mein Moneyfest (Franky Kubrick Mixtape)
• 2006 Optik Takeover (Crewalbum)
• 2006 Wer hatz erfunden? (Crewmixtape över Optik Swiez)

Features

• 2001 Das Gegenmittel up Von innen nach außen vun Curse
• 2002 Dreckig und Tight up Kontraste vun J-Luv
• 2003 Crashin' A Party up Almost Famous vun Lumidee
• 2004 OK up Rapper’s Delight vun Melbeatz
• 2004 Bitch! (Wo ist mein Geld?) up Hart aber Herzlich vun Italo Reno & Germany
• 2005 Alles was ihr braucht up Das Mixtape vun MC Bogy

Disstracks

• 1999: Comeback / Ihr müsst noch üben (ft. STF) (gegen Dr. Renz von Fettes Brot)
• 2000: Track gegen Peter (ft. Germany) (gegen Put Da Needle To Da Records)
• 2003: Renexekution (ft. Eko Fresh) (gegen MC Rene)
• 2005: Das Urteil (gegen Eko Fresh)
• 2005: Dicker als Wasser (feat. Sinan un Dimi) (gegen Eko Fresh)

Weblinks

Op Wikiquote gifft dat Zitaten to, över oder vun „Kool Savas“ (hoochdüütsch).

• Website vun Optik Records, Savas' Label (hoochdüütsch)
• Optik Swiez (hoochdüütsch)
• Kool Savas & Optik Records Fanpage (hoochdüütsch)
• Webpräsenz to dat nee Album ONE (vun Kool Savas & Azad) (hoochdüütsch)