Convenant Neddersassisch

Dat Convenant Neddersassisch (nedderlandsch Convenant Nedersaksisch Övereenkumst Neddersassisch, amtlich Convenant inzake de Nederlandse erkenning van de regionale Nedersaksische taal) is ene politsche Övereenkumst uut den Jaar 2018, de Neddersassisch in’n Nedderlannen mit den Gesetten, de al bestaat, starker föddern schall.

Nedderlandsche Provinzen un Gemenen, de dat Convenant Neddersassisch ünnertekend hebbt:
    2018 ünnertekend
    2024 totreden
    Nich ünnertekend

De Övereenkumst hebbt de Provinzen Grönneng, Freesland, Drenthe, Oaveriessel un Gelderland as ook de Gemenen Ooststellingwarv un Weststellingwarv den 10. Oktober 2018 in dat Oaveriesselsche Provinzhuus in Zwolle ünnertekent. Up den 13. September 2024 sünd de Gemenen Urk un Bunschoten as ook de Provinz Flevoland bitreden.

De Övereenkumst acht de de Regionaalspraak Neddersasisch as enen wichtigen, vullweerdigen un sülvstännigen Ünnerdeel vun dat Spraaksysteem binnen Nedderland. De Verdragspartien verplicht sik antostrengen un tohoop to warken Neddersassisch as Spraak to bewaren un to föddern. De vereenbaarten Plichten köönt man nich vöör Gericht döörsett un afdwungen warrn.

De Text ünnerstriekt, dat de Övereenkumst kene niegen Plichten schapen will, man Neddersassisch döör de nedderlandschen Behöörden un Gesetten, de al bestaat, föddern well. De Minister van Binnenlandsche Saken kann daar Stütt bi geven.

Vöörgeschicht

De Nedderlannen hebbt Neddersassisch al sied 1998 ünner Deel II de Europääsche Charta för Regionaal- oder Minnerheidenspraken gellen laten. Mit düssen Deel is man vergleken mit Deel III meist kenen Plichten vermaakt. Lange Tied hebbt neddersassische Organisatschonen un de oostnedderlandschen Provinzen Lobbyarbeid dreven, dat för Neddersassisch, so as ook dat Westfreesche, Deel III vun de Charta gellen schall. De nedderlandsche Rieksoverheid, bang för niegen Plichten, is daar man nich up ingaan.

Daar is denn dat Convenant Neddersassisch för komen. Een Beding was, dat de Övereenkumst kene niegen Gesetten un Regels för de Spraakpleeg vöörtüüg bringen schall. De Övereenkumst verwiest up de Gesetten Regels, de al bestaat un bruukt warrn köönt dat Neddersassiche to föddern.

Borns

• Convenant Neddersassisch as PDF up de Websteed van de Rieksoverheid
• Henk Bloemhoff u. a: Nedersaksisch in een notendop, Inleiding in de Nedersaksische taal en literatuur, Assen: Koninklijke Van Gorcum 2019, S. 84-87.