Rheden

	Gemaente Rheden
(Vlagge van Rheden)	(Waopen van Rheden)
	; Lokatie van de gemeante Rheden
	Informasie
Proveensie	Gelderlaand
Heufdplaatse	De Steeg
	Geografie en bevolking
Öppervlakte; - Laand; - Water	84,29 km² km²; 62,29 km² km²; 22 km² km²
Inwonners; Bevolkingsdichtheid	43.878 (1 juli 2006); 704 inw./km² inw./km²
Koordinaten	52° 0′ N, 6° 2′ O
	Aoverig
Belangrieke verkeersaoders	N348
Netnummer	026
Postkode	6880-6883, 6950-6953, 6955-6957, 6990-6991, 6994
	Offisiële webstie www.rheden.nl

Rheden is een darp en gemeente in de Nederlandse previnsie Gelderlaand en hef ne oppervlaakte van 84,29 km² (woarvan 22 km² water). De gemeente Rheden mek deel uut van de Stadsregio Arnem-Nijmegen.

De gemeente ligt ten oosten van Arnem. De Veluwe vervult zien betrekking as noordeleke grenze en den Iessel as zudeleke grenze. De darpen ligt as ne gordel in dizzen strook tussen woold en reviere. Et groondgebeed van de gemeente umvat an de ene kante den stuwwal, bulten, woolden, heide en beaken van den Veluwezoom en an de andere kante den Iesselvallei mit uterweerden.

Name en geskiednis

Den name Rheden kump van "Rheton" wat letterlek "plaatse woar et riet greujt" is. De geskiednis van de gemeente geet trög tot 1753 toon de scholtambten Velp en Rheden samen wödden edoan tot éen scholtambt Rheden. De keuze veur den name Rheden wierd emaakt umdat et Rhedense scholtambt meer inwonners had. In de löppe van de 19de eeuwe gingen völle renteniers en gepensioneerden in de gemeente Rheden wonnen, veural in De Steeg en Velp. De noabi-je anweazegheid van ne stad (Arnem) en de mooie natuur waren bepoalende umstandegheden dee den greuj van de gemeente Rheden anspoorden. In 100 joar tied verveervoldegden et inwonnersantal van 5000 noar 23.000.

Bezeensweerdeg in et darp Rheden is de hervormde karke, rundum 1500 ebouwd mit romaansen toorn uut de 12de eeuwe. Bi-j et darp Rheden steet et bezeukerscentrum Veluwezoom en den Posbank.

Aandere darpen

De Steeg (gemeentehoes), Dieren, Ellecom, Leeg-Soeren, Spankeren en Velp.

Umdat de twee grootste darpen Velp en Dieren an den west- en oostraand van de gemeente ligt, steet et gemeentehoes in et centroal eleagen darp De Steeg.

De zeuven darpen van de gemeente, op riege noar inwonners: