Bron bekyken van Utrechts-Alblasserweerds

[[Bestaand:Taolgebied_Utrechts-Alblasserweerds.GIF|thumb|Taolgebied van t Utrechts-Alblasserweerds]]
t '''Utrechts-Alblasserweerds''' is n dialektgroep van stark [[Hollaans (dialekt)|Hollangds]] ekleurde dialekten dee espreuken worren in t grootste deel van de [[Utrecht (provinsie)|provinsie Utrecht]], en in t uterste zuudoosten van [[Zuud-Hollaand|Zuud-Hollangd]] en n klein deel van [[Gelderlaand|Gelderlangd]], ofhankelik van de definisie. t Gelderse deel en de dialekten van Utrecht in t oosten van de [[Utrechtse Heuvelrug (stuwwal)|Utrechtse Heuvelrug]] worren um der veul oostelikere karakter al meestal of-esplitst in n eigen groep, t [[Eemlangds]].

De overebleven groep sluut stark an bie de westelike dialekten en wort soms ok bie t Hollangds erekend. Belangrieke versjillen mit t [[Standardnederlaans|Standerdnederlangds]] bin de verkleuring van ''aa'' naor ''ao'' (''ôô''), de verwiejing van ''a'' naor ''â'', n half-zachte [[g (letter)|g]] en t weglaoten van de ''-t'' nao ''[[ch]]'', ''[[F (letter)|f]]'', ''[[g (letter)|g]]'', ''[[K (letter)|k]]'', ''[[P (letter)|p]]'' en ''[[S (letter)|s]]'' ([[t-vortlaoting]]). Van t oosten naor t westen toe zie'j n dudelike overgang naor t Hollangds deurdat disse kenmarken in starkte ofnemen (mit aore woorden t [[Alblasserweerds]] staot alweer korter bie t Standerdnederlangds as t [[Stad-Utrechts]]).

Behalve mit t Zuud-Hollangds en t Eemlangds het t Utrechts-Alblasserweerds ok n [[dialektcontinuüm]] mit t [[Braobaans|Braobants]] en t [[Zuud-Gelders]]. n Gangbaore grens is de ''gij/jij''-[[isoglosse]]; in dat geval loopt de grens tussen Utrechts en Zuud-Gelders dwars deur de [[Betuwe]] heen en valt t [[Kulemborgs]] onger t Utrechts en t [[Tiels]] onger t Zuud-Gelders.

Der is niet zoveul literatuur in t Utrechts te vingden en de Utrechter liekt zien taol weinig staotus toe te kennen. t Versjil mit t Zuud-Gelders en t [[Veluws]] is daorin opvallend. Stad-Utrechts heur je in veule sketches van [[grappenmaker]]s as [[Rijk de Gooyer]], [[Herman Berkien]], [[Tineke Schouten]] en [[Herman van Veen]]. Bekende liedjes in t Utrechts bin: ''k Wist niet dat je kwaad werd'' van de groep [[Pleps]] en ''De bal'' van [[Jaap Fischer]]. n Enkel woord uut t [[Lopikerweerds]] is te vingden in de [[streekroman]]s van [[Herman de Man (sjriever)|Herman de Man]].

De maote van overleving is maotig: lang niet elke dialektspreker geeft zien taol an zien kingderen deur, maor van gevaor veur uutstarven is nog gien spraoke.
t Dialekt het ongeveer 330.000 sprekers.

{{SNLV}}
{{Dialekt|wvel|Bunsjoten|Algemene Nedersaksiese Schriefwieze}}

[[Kategorie:Nederlaanse streektael en dialekt]]
[[Kategorie:Streektaol in Gelderlaand]]
[[Kategorie:Streektaol in Utrecht]]
[[Kategorie:Zuud-Hollaand]]