جوکر (۲۰۱۹)
جوکر اتا کومیک-بوکی فیلم هسته که سال ۲۰۱۹ تاد فیلیپس بساته. این فیلم روانشناسی پی دارنه. خوآن فینیکس این فیلم دله جوکر نقش ره کا بکرده.
آسنی
[دچیین]خوآن فینیکس اتا تور و لوچ آدم هسته که روانی ناخِشی دارنه ولی بیمه ونه دوا-درمون پول ره دیگه ندنه و وه ره کارِ سر جه هم درینگنّه. وه شه مار جه اتا خنه دله دره و ونه مار هم پیرزنا هسته و حواس ندارنه، وشون شو-شو اتا تلویزونی برنومه اشنّه که استندآپ کمدی ونه دله اجرا وونه و این مردی دل هم وِنه که استندآپ هاکنه ولی نتونده چون ونه مریضی باعث وونه وه ره الکی خنده بئه و نتونده شه گپ ره بزنه. ونه زندگی سخت گذرنه و هر صوی تا نماشون تاجنه ولی نتونده پول دربیاره و ای نماشون وَری شه خسته تن ره لَت کشنه و پیاده تا سره ورگردنه. این میونه، ونه مار وه ره گنه که ته پییر «وِین»، شهرِ گتِ مردی، هسته که خله معروف و پولدار آدم هسه و اینتی ونه مریضی ویشتر وونه.
اتا شو که درشییه سِره، اتفاقی چن نفر ره مترو دله کشنه و وه ره خِش اِنه. همین گدر وه ره تلویزون جه دعوت کنّه که برنومه دله میهمون بوو چون اتا مسخره ویدئو ونجه تنک بیّه که برنومه دله هم سراق هدانه. پولیس هم همین گدر ونه دمبال دره چون متهم هسته که آدم بکوشته و وِین ِخنه وَری مزاحمت ایجاد هاکرده. جوکر شه دیم ره دلقکها دستوری رنگ کنده و درحالیکه شه ره رها وینده، همون خیابونی که همیشک شه ره لت کشییه امو جه با رقص-سما شونه تلویزون ِساختمون وَری و موفق وونه برنومه دله شرکت هاکنه. وه اونجه شه سخنرانی ره انجوم هاده و آخرسر مجری ره بکوشته و ونه سخنرانی باعث بیّه شهرِ بدبخت-بیچارون و فقیر آدمون بازار دکفن و شورش راست هاکنن که جوکر ره خله خِش اِنه و کیف کنده. وه این شورش میونه ماشین-پولیس جه هم فرار کنده و شورشی مردم میونه سِما کنده که فیلم سر وونه.
منابع
[دچیین]- ↑ ۱٫۰ ۱٫۱ نشانی اینترنتی: https://www.we-are-girlz.com/2019/09/joker-tournage-les-lieux-reel-du-film-a-new-york-city/. هارشیین تاریخ: ۱۹ آگوست ۲۰۲۰.
- ↑ "2020" (دانمارکی جه). Danish Film Academy. Retrieved 12 July 2022.
{{cite web}}
: Check date values in:|access-date=
(help)نگهداری یادکرد:زبان ناشناخته (link) - ↑ "Joker". JP's Box-Office (فرانسوی جه). Retrieved 16 February 2020.
{{cite web}}
: Check date values in:|access-date=
(help)نگهداری یادکرد:زبان ناشناخته (link) - ↑ نشانی اینترنتی: http://nmhh.hu/dokumentum/198182/terjesztett_filmalkotasok_art_filmek_nyilvantartasa.xlsx.
- ↑ ۵٫۰ ۵٫۱ "Joker". باکس آفیس موجو (انگلیسی جه). Retrieved 14 February 2023.
{{cite web}}
: Check date values in:|access-date=
(help)نگهداری یادکرد:زبان ناشناخته (link) - ↑ "باکس آفیس موجو" (انگلیسی جه). Retrieved 14 February 2023.
{{cite web}}
: Check date values in:|access-date=
(help)