इ.स. १९७४

सहस्रके:	इ.स.चे २ रे सहस्रक
शतके:	१९ वे शतक - २० वे शतक - २१ वे शतक
दशके:	१९५० चे - १९६० चे - १९७० चे - १९८० चे - १९९० चे
वर्षे:	१९७१ - १९७२ - १९७३ - १९७४ - १९७५ - १९७६ - १९७७
वर्ग:	जन्म - मृत्यू - खेळ - निर्मिती - समाप्ती

ठळक घटना आणि घडामोडी

जानेवारी-जून

• जानेवारी ४ - अमेरिकेची सेनेटच्या वॉटरगेट समितीने मागितलेली कागदपत्रे देण्यास अध्यक्ष रिचर्ड निक्सनने नकार दिला.
• फेब्रुवारी १ - साओ पाउलो, ब्राझिलमध्ये कार्यालये असलेल्या ईमारतीला आग. १८९ ठार, २९३ जखमी.
• फेब्रुवारी ७ - ग्रॅनडाला युनायटेड किंग्डमपासून स्वातंत्र्य.
• फेब्रुवारी ८ - बर्किना फासोत सैनिकी उठाव.
• फेब्रुवारी १३ - सोवियेत संघाने अलेक्सांद्र सोल्झेनित्सिनला हद्दपार केले.
• फेब्रुवारी १७ - रॉबर्ट के. प्रेस्टन या अमेरिकन सैनिकाने अमेरिकेच्या राष्ट्राध्यक्षांच्या निवासस्थानात(व्हाइट हाउस) हेलिकॉप्टर उतरवले.
• फेब्रुवारी २१ - इस्रायेलने सुएझ कालव्याचा ताबा सोडला.
• मार्च ३ - तुर्कस्तानचे डी.सी.१० जातीचे विमान पॅरिसजवळ कोसळले. ३४६ ठार.
• एप्रिल १३ - व्यापारी तत्त्वावर चालणारा पहिला भूस्थिर उपग्रह वेस्टार १ प्रक्षेपित.
• एप्रिल २५ - पोर्तुगालमध्ये जनतेचा उठाव. लोकशाही पुन्हा अमलात.
• मे ८ - कॅनडाचे सरकार अल्पमतात येउन कोसळले.
• मे ९ - वॉटरगेट कुभांड - अमेरिकेच्या विधीमंडळाने राष्ट्राध्यक्ष रिचर्ड निक्सनविरुद्ध महाभियोग सुरू केला.
• मे १७ - लॉस एंजेल्समध्ये पोलिसांनी सिंबायोनीझ मुक्ति सेनेच्या कार्यालयावर हल्ला केला. ६ ठार.
• मे १७ - आयर्लंडच्या डब्लिन व मोनाघन शहरांत अतिरेक्यांचे बॉम्बहल्ले. ३३ ठार.
• मे १८ - भारताने पोखरण १ परमाणू परीक्षण केले. परमाणू ताकद असणारा सहावा देश झाला.
• मे ३१ - यॉम किप्पुर युद्ध इस्रायेल व सिरीयामध्ये तह.
• जून ६ - स्वीडनने संसदीय राजेशाही स्वीकारली.

जुलै-डिसेंबर

• जुलै २० - तुर्कस्तानने सायप्रसमध्ये आपले सैनिक उतरवले.
• जुलै २४ - वॉटरगेट कुभांड - अमेरिकेच्या सर्वोच्च न्यायालयानेने निकाल दिला की राष्ट्राध्यक्ष रिचर्ड निक्सनने स्वतःविरुद्धचा पुरावा अवैधरीत्या दडवून ठेवला होता.
• जुलै २७ - वॉटरगेट कुभांड - अमेरिकन काँग्रेसच्या न्यायिक समितीने राष्ट्राध्यक्ष रिचर्ड निक्सन वर महाभियोग सुरू करण्याचा प्रस्ताव मंजूर केला.
• ऑगस्ट ८ - वॉटरगेट कुभांड - अमेरिकन राष्ट्राध्यक्ष रिचर्ड निक्सनने राजीनामा जाहीर केला.
• ऑगस्ट ९ - अमेरिकन राष्ट्राध्यक्ष रिचर्ड निक्सनच्या राजीनाम्यानंतर जेरी फोर्ड राष्ट्राध्यक्षपदी.
• डिसेंबर १ - टी.डब्ल्यू.ए. फ्लाइट ५१४ वॉशिंग्टन डलेस ईंटरनॅशनल विमानतळाच्या वायव्येस कोसळली. ९२ ठार.
• डिसेंबर १३ - माल्टा प्रजासत्ताक झाले.

जन्म

• जानेवारी २७ - चमिंडा वास, श्रीलंकेचा क्रिकेट खेळाडू.
• एप्रिल १७ - व्हिक्टोरिया बेकहाम, इंग्लिश गायिका.
• जून ५ - मर्व्हिन डिलन, वेस्ट ईंडीझचा क्रिकेट खेळाडू.
• जून ७ - महेश भूपती, भारतीय टेनिसपटू.
• सप्टेंबर ९ - क्वोक वान, ब्रिटिश फॅशन-संकल्पक.
• सप्टेंबर २७ - पंकज धर्माणी, भारतीय क्रिकेट खेळाडू.
• ऑक्टोबर २ - मॅट निकलसन, ऑस्ट्रेलियन क्रिकेट खेळाडू.
• ऑक्टोबर २९ - मायकेल वॉन, इंग्लिश क्रिकेट खेळाडू.
• डिसेंबर १९ - रिकी पॉंटिंग, ऑस्ट्रेलियाचा क्रिकेट खेळाडू.

मृत्यू

• एप्रिल १९ - अयुब खान, पाकिस्तानचा पंतप्रधान.