ကောံဓရီုလၟေၚ်ဂိတု၊ လၟေၚ်(၁) သၞာံ၁၃၈၂
ကောံဓရီုလၟေၚ်ဂိတု လၟေၚ်(၁) သၞာံ ၁၃၈၂ သၞာံ
ကောံဓရီုဝွံ ဒှ်ကောံဓရီု ရုၚ်ရာမညနိကာယ "ကောံဓရီုလၟေၚ်ဂိတု လၟေၚ်(၁)" ပ္ဍဲသၞာံ ၁၃၈၂ မဒှ်ရ။ ကောံဓရီုဝွံဂှ် ဒှ်ကောံဓရီုပထမ နူစရုဲစှ်ပ္တိုန်ဂအုပ်ရုၚ် အလန်ဒုတိယ မွဲရ။ ပ္ဍဲစၟတ်တ္ၚဲ ခ္ဍဲသဳ ၈ မံက် 26 August, 2020 မဒှ်ရ။ ပ္ဍဲဌာန ဂအုပ်ရုၚ်မတန်တဴ ဘာဒေါဝ်သာသနာ ၂၅၀၀ ဂှ်ပၠန် အခိၚ် ၂ နာဍဳသဝ်တ္ၚဲ စကောံဓရီုရ။
ကောံဓရီုဝွံဂှ် ညးတိုန်စိုပ် ၆ တၠ မဒှ်ရ။ ဟိုတ်နူ ယဲ Covid 19 ကၠောံထၞာန်အသိၚ်တိုန်ကၠုၚ်ပ္ဍဲဍုၚ်မတ်မလီုတုဲ ကောန်ရုၚ်တအ် ဂွံကၠုၚ်တိုန်စိုပ်ဂှ် အောန်တုဲ ညးကဵုနၚ်ဆန်သၟး ဒှ်အာ ၁၃ တၠရ။
တၚ်သ္ဂုတ်သွာတ်ကောံဓရီု
တၚ်သ္ဂုတ်သွာတ်ဂမၠိုၚ်တအ်[၁]
- ၁။ စပ်ကဵုလိက်တၞးထေရုပ္ပတ္တိ ကျာ်ဇၞော်အ္စာနွံပိုန်တအ်ဂှ် ဆက်ပကောံအာတုဲ တၠဂုဏ်အ္စာသံဝရ ကေုာံ တၠဂုဏ်အ္စာအာလောကတအ် တက်အာရောၚ်။
- ၂။ စပ်ကဵုကိစ္စ ပကောံစရၚ်သၚ်လုပ်ဒဂိုန်ရာညမနိကာယ သွက် ၁၃၈၂ သၞာံတအ်ဂှ် သၚ်ကောံရုၚ် နွံပ္ဍဲပွိုၚ်ဍုၚ်တအ် မ္ဒးပကောံကဵုရောၚ်။
- ၃။ လိက်အုပ်ဇာတကဋ္ဌကထာ တန်ဇၞော်(ဇာတ်ကှ်ေ)ဂှ် တၠဂုဏ်အ္စာအဂ္ဂဓမ္မ ကေတ်တာလျိုၚ် တက်ပ္တိတ်လၟိဟ် ၅၀၀ အုပ် ဝတ္ထုမအိုတ်တအ်ဂှ် ပ္တိတ်ပ္ဍဲဘဏ္ဍာ တၠဂုဏ်အ္စာဇောတိကရောၚ်။
- ၄။ စပ်ကဵုသဘၚ်ကလအ်ကျာ်ဇၞော်အ္စာတၠ ဂအုပ်ဂိုဏ်ရာမညနိကာယဂှ် ရံၚ်အကာဲအရာယဲတုဲ မုဒးဘိုၚ်ကၠောန်ထေက်ရောဂှ် ဂအုပ်ရုၚ်တၠဂုဏ်အ္စာဃောသက ဂရၚ်ပ္တီ ဥက္ကဌ ကေုာံ ဟိတဓရ ဂကောံရာမည ဓမ္မာစရိယတအ်တုဲ ဆက်ဖျေံအာသ္ဂုတ်သွာတ်ရောၚ်။
- ၅။ ဆေၚ်စပ်ကဵုတၚ်သ္ဂုတ်သွာတ် ကောံဓရီုလၟေၚ်ဂိတုဂှ် စၟဳစၟတ်တုဲမ္ဂး နကဵုတဆိပ်ရုၚ်ပ္ဍဵုတက်လဝ်တုဲမ္ဂး မ္ဒးသီဂိုၚ်၊ မ္ဒးပတိုန်လ္တူလာၚ်ရောၚ်။
စရၚ်ညးတိုန်စိုပ်၊ဟွံစိုပ် ကောံဓရီု
| လၟိဟ် | ညးတိုန်စိုပ် | ညးကဵုဆန် |
|---|---|---|
| ၁ | တၠဂုဏ်အ္စာဃောသက | |
| ၂ | တၠဂုဏ်အ္စာအဂ္ဂဓမ္မ | |
| ၃ | တၠဂုဏ်အ္စာသံဝရ | |
| ၄ | တၠဂုဏ်အ္စာသောဘိတ | |
| ၅ | တၠဂုဏ်အ္စာပုဏ္ဏမာသဳ | |
| ၆ | ကျာ်ဇၞော်အ္စာ ဝေဏိက | |
| ၇ | တၠဂုဏ်အ္စာသာဂရ | |
| ၈ | တၠဂုဏ်အ္စာခေမာသာရ | |
| ၉ | တၠဂုဏ်အ္စာဇောတိက | |
| ၁၀ | တၠဂုဏ်အ္စာစန္ဒဝရ | |
| ၁၁ | တၠဂုဏ်အ္စာသုခဒဳပ | |
| ၁၂ | တၠဂုဏ်အ္စာအာလောက | |
| ၁၃ | ကျာ်ဇၞော်အ္စာဝါရိန္ဒ | |
| ၁၄ | ကျာ်ဇၞော်အ္စာစန္ဒိမာ | |
| ၁၅ | တၠဂုဏ်အ္စာဝံသပါလ | |
| ၁၆ | တၠဂုဏ်အ္စာကောဝိဒ | |
| ၁၇ | ကျာ်ဇၞော်အ္စာ ကောသလ္လ | |
| ၁၈ | တၠဂုဏ်အ္စာဒါနဝန္တ | |
| ၁၉ | ကျာ်ဇၞော်အ္စာ ဝရဓမ္မော | |
| ၂၀ | ကျာ်ဇၞော်အ္စာအရိယ |
နိဿဲ
- ↑ လိက်တၞးလလောၚ်တြးပတိတ် ကောံဓရီုလၟေၚ်ဂိတု၊လၟေၚ်(၁) သၞာံ ၁၃၈၂