Палечна коска

Палечна коска
Позиција на палечната коска (црвен дел).
Десната рака, дланка предна и задна страна (палечна коска 1).
Податоци
Назнаки
Латински	Radius
MeSH	A02.835.232.087.090.700
TA	A02.4.05.001
FMA	FMA:23463
[уреди на Википодатоците]

Палечната коска (латински: Radius) е долга коска и заедно со лакотната коска (латински: Ulna) се надоврзуваат на коските на коренот на шаката.

Делови

На палечната коска се разликуваат:

• тело (латински: corpus radii);
• горен крај составен од:
• глава (латински: caput radii), која има вдлабнатина за зглобување со главичката од хумерусот, околу главата се наоѓа кружна зглобна површина за зглобување со коскен засек од лакотната коска;
• врат (латински: colum radii);
• коскена рапавост (латински: tuberositas radii);
• долен крај кој наликува на пресечена четиристрана пирамида, нејзината база претставува зглобна површина за зглобување со коренот на шепата, а на медијалната страна се наоѓа коскен засек за зглобување со улната. Латерално се протега надолу шилест израсток (латински: processus styloideus).

Зглобови

Палечната коска заедно со лакотната коска формираат сложен зглоб (латински: articulatio cubiti) бидејќи се поврзуваат три коски: рамената коска, палечната коска и лакотната коска, така што формираат три зглоба кој функционираат како еден единствен зглоб и во него се вршат движењата на флексија, екстензија, супинација и пронација. Долните краеви на палечната коска заедно со долните краеви на лакотната коска се зглобуваат во долен радиоулнарен зглоб во кој се вршат движења на супинација и пронација.

Кај животните

Кај четириножните животни, товарот од телото паѓа на полупречникот и коските на долниот екстремитет. Градбата е слична кај повеќето копнени животни, но палечната коска може да се спои со лакотната коска и кај некои цицачи (како коњи).

Галерија

• 
  Позиција на палечната коска (црвен дел)
• 
  Глава на палечната коска (предна страна)
• 
  Облик на палечната коска
• 
  Скршеница на главата од палечната коска
• 
  Шилестиот израсток на палечната коска (предна страна)