Caliak sumber untuak Cangkeh

{{Speciesbox}}
'''Cangkeh''' (''Syzygium aromaticum''), adolah tanaman asali [[Indonesia]], nan bungonyo banyak digunoan untuak rampah masakan padeh di babagai nagara. Tumbuahan ko marupoan salah satu bahan pado rokok karetek nan khas Indonesia. Di Indonesia cangkeh ditanam tarutamo di [[Kapulauan Banda]], sadangkan di lua nagari banyak dibudidayoan di [[Madagaskar]], [[Zanzibar]], [[India]], jo [[Sarilangka]].

Batang cangkeh marupoan [[tanaman taunan]] nan dapek tumbuah satinggi 10–20 m, mampunyoi [[daun]] babantuak lonjong, sarato babungo pado pucuak-pucuaknyo. Tangkai buahnyo mulonyo bawarno ijau, kudian ka bawarno sirah kok bungonyo lah bakambang. Cangkeh ka dipanen bilo lah mancapai panjang 1,5–2&nbsp;cm.

Cangkeh ko adolah flora identitas Provinsi [[Maluku Utaro|Maluku Utara]].{{Sfn|Siregar|2021|p=8}}

== Sijarah ==
Mulonyo, cangkeh anyo tumbuah di limo pulau ketek di [[Kapulauan Maluku]], yaitu [[Pulau Bacan|Bacan]], [[Makian]], [[Moti]], [[Ternate]], jo [[Tidore]]. Kudian tanaman iko manyeba ka wilayah lain di Indonesia. Pohon cangkeh iduik nan tasabuik paliang tuo di Indonesia ado di Kelurahan [[Tongole, Ternate Tengah|Tongole]], [[Ternate Tengah, Ternate|Ternate Tengah]], Kota [[Ternate]]. Pohon iko dinamokan ''Cengkih Afo'' nan barumua 416 taun (pado 2009). Tinggi pohon iko mancapai 36,60 m, diameter 1,98 m, kaliliang batang 4,26 m. Satiok taun, inyo dapek maasiakan 400 kg bungo cangkeh.{{Sfn|Siregar|2021|pp=8--9}}

Cangkeh alah samanjak lamo tanamo sabagai tumbuhan yang banyak gunonyo. Pado abaik ka-4, Dinasti Han di [[Cino]] mamarintahkan rakyaiknyo untuak musti mangunyah cangkeh sabalun manamui rajo supayo arun angoknyo. Kudian pado abaik patangahan, [[urang Arab]] manjadikan cangke sabagai bahan tuka manuka. Pado akia abaik ka-15, banso [[Portugis|Portugih]] maambiak aliah padagangan lauik India sampai ka Ternate dek [[Pajanjian Tordesilas]] jo [[Spanyol]]. Portugih dapek maambiak aliah monopoli dagang cangkeh sainggo aragonyo manjadi maha. Pado maso itu, sakilo cangkeh saroman jo 7 gram [[ameh]].{{Sfn|Siregar|2021|pp=8--9}} 

Salapeh [[Hindia-Balando|Ulando]] masuak ka Nusantara, padagangan cangkeh dimonopoli dek Ulando sampai [[abaik ka-17]]. Pado abaik ka-17, [[Parancih]] barupayo juo mambudidayokan cangkeh di [[Mauritius]], [[Guyana]], [[Brazil]], jo [[Zanzibar]]. Manjalang abaik ka-18, [[Inggirih]] turuik sato dalam padagangan cangkeh. Arago cangkeh pado maso itu dapek mancapai saarago sabatang ameh.{{Sfn|Siregar|2021|pp=8--9}}

==Rujuakan==
{{reflist}}

=== Daftar pustaka ===

* {{Cite book|title=Rempah, Bumbu, dan Sayuran Kering Indonesia|last=Siregar|first=Ameilia Zuliyanti|publisher=Intimedia|Ref={{sfnRef|Siregar|2021}}|year=2021|isbn=9786236813041|location=Malang|pages=77}}

== Pautan lua ==
{{commonscat|Syzygium aromaticum}}
{{Langkok-langkok}}

[[Kategori:Rampah-rampah]]
[[Kategori:Tumbuahan industri]]
[[Kategori:Myrtaceae]]
[[Kategori:Tanaman asali Indonesia]]
[[Kategori:Tumbuahan]]