Corvus

Ny Corvus dia vondron-karazam-borona miparitaka be manomboka amin' ny habe salantsalany ka hatramin' ny lehibe ao amin' ny fianakaviana Corvidae. Anisan' izany ny goaika sy ny goaikambazaha. Ny karazana miisa 46 eo ho eo amin' ity vondron-karazana ity dia hita ao amin' ny kôntinenta rehetra afa-tsy any Amerika Atsimo, ary ao amin' ny nosy maromaro. Ny vondron-karazana Corvus dia mandrafitra ny ampahatelon' ny karazana ao amin' ny fianakaviana Corvidae. Ny fikarohana vao haingana dia nahita karazana goaika sasany izay sady afaka mapiasa fitaovana sy manboatra fitaovana. Ny karazan-goaika ankehitriny dia heverina ho anisan' ny biby manan-tsaina indrindra eran-tany manana tahan' atidoha mitovy amin' ny an' ny rajako sy ny gidro maro.

Amin' ny teny frantsay ny anarana iombonan' ireo vorona ireo ny hoe corbeau (ny be vatana) na corneille (ny kely vatana), fa amin' ny teny anglisy kosa dia atao hoe raven (ny be vatana) na crow (ny kely vatana).

Toetoetrany

Ny karazan-goaika salantsalany ka hatramin' ny lehibe dia mirefy 34 sm (karazan-goaika meksikana kely sasany) ka hatramin' ny 60–70 sm (goaikambazaha sy goaika matevin-bava).

Manana endrika matanjaka sy lava ny goaika. Kely sy boribory ny lohany. Matanjaka, mindrika kitsoloha, lava ary maranitra ny vavany izay mifaraingo mankany ambany. Matanjaka ny tongony ary fohy ny rambony.

Anjakan' ny mainty ny lokon' ny goaika, befa misy karazana sasany ahitana volo manjelatra toa metaly ary ny hafa misy faritra fotsy na volondavenona eo amin' ny tendany na ny vatany. Mazava ny mason' ny goaika aostraliana, fa amin' ny ankapobeny dia maizina na mainty ny an' ny karazana hafa.

Voafetra ny tsy fitovian' ny vatan' ny lahy sy vavy eo amin' ny karazan-goaika.

Lisitry ny karazan-goaika

Inty ny lisitry ny karazan-goaika araka ny fanasokajiana nataon' ny International Ornithological Congress (version 14.1, 2024):

Corvus albicollis – Goaika fotsy hatoka
Corvus albus – Goaika
Corvus bennetti – Goaikan' i Bennett na Goaikan-tany efitra na Goaika zeny
Corvus brachyrhynchos – Goaika amerikana na Goaika fohy vava
Corvus capensis – Goaikan' i Cape
Corvus caurinus – Goaikan' i Alaska
Corvus corax – Goaikambazaha
Corvus cornix – Goaika miakanjo
Corvus corone – Goaika mainty
Corvus coronoides – Goaika aostraliana na Goaika fotsy maso
Corvus crassirostris – Goaika matevim-bava
Corvus cryptoleucus – Goaika fotsy tenda
Corvus culminatus – Goaika indiana
Corvus edithae – Goaika sômaliana
Corvus enca – Goaika manify vava
Corvus florensis – Goaika flôrensiana
Corvus frugilegus – Goaika mpioty
Corvus fuscicapillus – Goaika manja loha
Corvus hawaiiensis – Goaika haoaiana
Corvus imparatus – Goaika meksikana
Corvus insularis – Goaikan' ny vondronosy Bismarck
Corvus jamaicensis – Goaika jamaikana
Corvus kubaryi – Goaikan' ny vondronosy Mariana
Corvus leucognaphalus – Goaikan' i Hispaniola (na Goaika kely fotsy hatoka)
Corvus levaillantii – Goaikan' i Levaillant
Corvus macrorhynchos – Goaika be vava
Corvus meeki – Goaikan' i Meek na Goaikan' i Bougainville
Corvus mellori – Goaika kely
Corvus minutus – Goaikam-palma kiobana na Goaika madinika
Corvus moneduloides – Goaika kaledôniana
Corvus nasicus – Goaika kiobana na Goaika marani-bava
Corvus orru – Goaikan' i Torres na Goaika papoa na Goaika aostraliana na Goaika mazava hatoka
Corvus ossifragus – Goaika mpamaky taolana na Goaika mpanjono
Corvus palmarum – Goaika palmista na Goaikam-palma hispaniôlana
Corvus pusillus – Goaika n' i Palawan na Goaika bitika
Corvus rhipidurus – Goaika fohy rambo
Corvus ruficollis – Goaika manja na Goaika mena vozona
Corvus samarensis – Goaikan' i Samar na Goaika samariana
Corvus sinaloae – Goaika sinaloana
Corvus splendens – Goaikan-tanàna na Goaika mamiratra
Corvus tasmanicus – Goaika tasmaniana na Goaikan' ala
Corvus torquatus – Goaika miravaka na Goaika fotsy ravaka
Corvus tristis – Goaika volombatolalaka na Goaika malahelo
Corvus typicus – Goaikan' ny Célèbes na Goaika mpisioka
Corvus unicolor – Goaikan' ny vondronosy Banggai na Goaika tokam-bolo
Corvus validus – Goaikan' ny Moluques na Goaika lava vava na Goaika matanjaka
Corvus violaceus – Goaika volomparasy
Corvus woodfordi – Goaika fotsy vava