Mykolaïv
![](http://upload.wikimedia.org/wikipedia/commons/thumb/6/67/%D0%A4%D0%BB%D0%B0%D0%B3_%D0%9D%D0%B8%D0%BA%D0%BE%D0%BB%D0%B0%D0%B5%D0%B2%D0%B0.jpeg/220px-%D0%A4%D0%BB%D0%B0%D0%B3_%D0%9D%D0%B8%D0%BA%D0%BE%D0%BB%D0%B0%D0%B5%D0%B2%D0%B0.jpeg)
Mykolaïv (Миколаїв in abecee cirilligh; Nikolaev/Николаев in russ e in bulgher; Mikołajów in polacch; Мікалаеў/Mikalaeŭ in bieloruss) l'è ona città de l'Ucraina del sud-ovest cont ona popolazion de 507.000 abitant.
Geografia
La città la se troeuva in de l'oblast' con l'istess nomm, a metà strada tra Odessa e Dnipropetrovs'k. L'è bagnada del fiumm Bug Meridional, minga lontana de la soa boca. La pupart de la città la se troeuva in sù la riva de mattina del fiumm.
L'è la città ucraina quella de noeuv per el numer de abitant.
Storia
L'è stada fada sù cont el nomm de Nikolaev (in onor del San Nicolò) in del 1789, cioè cinch agn prima che la zonna la vegniss de proppietà di Russ. El sò fondador l'è staa el princip Grigorij Aleksandrovič Potëmkin, cognossuu per vess staa vun di moros (e forsi anca el marì segrett) de l'imperadris Caterina II de Russia. Potëmkin gh'è anca mort, a Nikolaev.
In del 1920, duranta la guerra civil russa, i revoluzionari de la zonna l'even ciamada Vernoleninsk, ma el governo sovietigh l'ha mai reconossuu 'sto nomm noeuv.