Regierungsbezirk

Chest artícol a l'è scricc in Lumbàrt, ortograféa orientàl unificàda.

En Regierungsbezirk l'è 'na südiviziù aministratìva 'n vigùr en Germània, che la pöl véser tradücìda come Distrèt aministratìf o Regiù aministratìva. L'è mìa dopràda de töcc i Länder todèsch ma apéna de la Baviera, del Baden-Württemberg, de l'Assia, del Nord Reno-Westfalia e de la Sasònia.

Strütüra de le südiviziù aministratìve de la Germània.

I Regierungsbezirke i è spartìcc en circondàre (Kreise) che i pöl véser de du tìpi: i Landkreise o circondàre rürài e le kreisfreie Städte cioè cità extracircondariài o circondàre ürbà.

En Regierungsbezirk l'è goernàt de 'n Bezirksregierung cioè 'na giunta regiunàla condèn Regierungspräsident cioè 'n presidènt regiunàl.

Al momènt i Regierungsbezirke i è vintidù:

• Baden-Württemberg:
  • Friburgh, Karlsruhe, Stocàrda, Tübinga

• Baviera:
  • Média Francònia, Bàsa Baviéra, Alta Baviéra, Alta Francònia, Alt Palatinàto, Svévia, Bàsa Francònia

• Assia:
  • Darmstadt, Gießen, Kassel

• Nord Reno-Westfalia:
  • Arnsberg, Colònia, Detmold, Düsseldorf, Münster

• Sasònia (però i se ciàma Direktionsbezirke):
  • Chemnitz, Dresden, Lipsia

Ai prim de óst del 2008, el Land de la Sasònia el g'ha riurdinàt i sò circondàre rürài (Landkreise) e 'l g'ha cambiàt denominasiù ai sò distrècc de Regierungsbezirke a Direktionsbezirke. perchè sèrte funsiù che prìma i éra sóta la responsabilità de i Regierungsbezirke i è stàde asegnàde ai circondàre. I Direktionsbezirke i è amò ciamàcc Chemnitz, Dreden e Lìpsia.