Germania

Articul per Ladin Gherdëina

Republica Federela Tudëscia
Bundesrepublik Deutschland
Bandiera de Republica Federela Tudëscia	Blason de Republica Federela Tudëscia
Bandiera	Blason
Inn Deutschlandlied
Inuem ufiziel	Bundesrepublik Deutschland
Rujeneda ufiziela	Tudësch
Capitela	Berlin
Geografia
Spersa	357 587,8 km²
Ega	2,3%
Demografia
Populazion	84 358 845 ab. (31 dezëmber 2022)
Densità	235,9 ab./km²
Cumpëida dla fertilità	1,39 (2014)
Guviern
Presidënt	Frank-Walter Steinmeier
Canzelier	Angela Merkel (CDU)
Economia
PIB (numinel) • de ndut • a persona	(2023) $4 121 miliarc $48 853
Munëida	Euro
CVN	19%
Auter
Codesc Internet	.de
Prefis dl telefon	+49
Furnea a	man drëta
Codesc ISO 3166	DE
Indesc dl Svilup Uman	0,942 (scialdi aut)
Coefizient Gini	31,7 (mesan)

La Germania (gherdëina: Germania o Deutschland, badiot: Germania, fascian: Germania, tudësch: Deutschland), ufiziel la Republica Federela Tudëscia (tudësch: Bundesrepublik Deutschland), ie n stat te l'Europa zentrela. L ie l stat cun la segonda majera populazion te l'Europa do la Ruscia y l stat cun la majera populazion te l'Union Europea. La Germania ie danter l mer baltich y l mer dl nord a nord y la Elpes a sud, cun na spersa de 357.027 km². La Germania cunfina cun la Danimarca a nord, la Republica Ceca y Polonia a est, l'Austria y la Svizra a sud, y la Franzia, l Luxemburg, l Belje y i Paejes Basc a ovest. La capitela y majera zità ie Berlin, l zënter de la finanza ie Frankfurt y la majera zona urbana ie la Ruhr. La Germania ie fata de 16 stac federei. L majer stat per spersa ie l Paiern, l majer per populazion ie l Nordrhein-Westfalen.

La Germania ie na gran putënza cun na economia sterscia, che ie la majera te l'Europa y la cuarta majera al mond.

Storia

Ngrum de tribù germaniches vivova tl nord de la Germania bel te l'antichità. Dal 10ejim secul inant à gran pert di raions de la Germania fat pert dl San Mper Roman. Ntan l 16ejim secul ie i raions tl nord de la Germania deventei pert de la refurmazion protestanta. Do la vieres Napoleoniches se à l San Mper Roman desfà tl 1806 y la Confederazion Tudëscia ie stata metuda su tl 1815. Tl 1871 se à duc i paejes tudësc metù adum y à furmà l Mper Tudësch sota la dominazion pruscia. Do la Prima Gran Viera y la revoluzions ie stata metuda su la republica de Weimar, che à durà nfin al 1933, canche l partit nazista ie ruà tl guviern. Da ilò inant ie la Germania stata na ditatura che à purtà mo na viera te l'Europa y l Holocaust. Do la segonda viera mundiela fova la Germania per n pez sota la aministrazion de i aleac y ie po stata spartida su te doi stac. Chis ie inò unic adum tl 1989.

Spartizion aministrativa

La Germania, coche republica federela, ie metuda adum da 16 stac federei (tudësch: Bundesländer o mé Länder). Chisc ie stai metui su tl ovest tl 1949 cun la creazion de la Republica Federela Tudëscia, y chëi tl est ie stai metui su tl 1990 do la reunificazion tudëscia.
A trëi de chisc stac ti vëniel dit Stadtstaaten (zità-stat), ajache si spersa cuer mé chëla de na zità. Chisch ie Bremen, Hamburg y Berlin. L majer stat per spersa ie l Paiern, l majer per populazion ie l Nordrhein-Westfalen.

Lista de i stac federei

Blason	Stat	Codesc	Da l'ann	Capitela	Majera zità	Spersa (km2)	Populazion (dez. 2019)	Pop. per km2
	Baden-Württemberg	BW	1952	Stuttgart	Stuttgart	35.752	11.100.394	310
	Paiern (Bayern)	BY	1949	Minca (München)	Minca (München)	70.552	13.124.737	185
	Berlin	BE	1990	–	–	892	3.669.491	4.086
	Brandenburg	BB	1990	Potsdam	Potsdam	29.479	2.521.893	85
	Bremen	HB	1949	Bremen	Bremen	419	681.202	1.630
	Hamburg	HH	1949	–	–	755	1.847.253	2.439
	Hessen	HE	1949	Wiesbaden	Frankfurt sul Main (Frankfurt am Main)	21.115	6.288.080	297
	Niedersachsen	NI	1949	Hannover	Hannover	47.609	7.993.448	168
	Mecklenburg-Vorpommern	MV	1990	Schwerin	Rostock	23.180	1.609.675	69
	Nordrhein-Westfalen	NW	1949	Düsseldorf	Köln	34.085	17.932.651	526
	Rheinland-Pfalz	RP	1949	Mainz	Mainz	19.853	4.084.844	206
	Saarland	SL	1957	Saarbrücken	Saarbrücken	2.569	990.509	386
	Sachsen	SN	1990	Dresden	Leipzig	18.416	4.077.937	221
	1990	Sachsen-Anhalt	ST	Magdeburg	Halle (Saale)	20.446	2.208.321	108
	Schleswig-Holstein	SH	1949	Kiel	Kiel	15.799	2.896.712	183
	Thüringen	TH	1990	Erfurt	Erfurt	16.172	2.143.145	133

Vocabolar dl ladin leterar

Germania

Germania 6 1878 Germania (DeclaraJM, SantaGenofefa1878:1)
gad. Germania Badia Germania grd. Germania fas. Germania fod. Germania LD Germania
topon.
<(gad. P/P 1966, grd. F 2002; DLS 2002, fas. DLS 2002; DILF 2013, fod. DLS 2002, LD DLS 2002) a) Dopo che la löm dl Cristianejim â fat sparí les scurités dl’ idolatria en Germania - ti lüsc todësc - ára nia püch smorjelé i costüms groi de chëra jënt amanta dla vera Dopo che la lum d’l Cristianesimo ā fatt sparì les scuritès d’l’ idolatrìa in Germania - in t’ i lusc’ todesc’ - àla nia puc smorjelè i costumi grŏi de chella jent amante d’la verra DeclaraJM, SantaGenofefa1878:1 (Badia).

Luesc todesc

Luesc todesc (gad.) Ⓘ Germania Ⓓ Deutschland ◇ a) Dopo che la löm dl Cristianejim â fat sparí les scurités dl’ idolatria en Germania - ti lüsc todësc - ára nia püch smorjelé i costüms groi de chëra jënt amanta dla vera Dopo che la lum d’l Cristianesimo ā fatt sparì les scuritès d’l’idolatrìa in Germania - in t’i lusc’ todesc’ - àla nia puc smorjelè i costumi grŏi de chella jent amante d’la verra DeclaraJM, SantaGenofefa1878:1 (Badia).