Sâta a-o contegnûo

Columba livia

Quésta pàgina a l'é scrîta in zenéize
Da Wikipedia
ZE
 Quésta pàgina a l'é scrîta in zenéize, segóndo a grafîa ofiçiâ

O Pición Sarvægo opûre Cónbo Sarvægo da rocche[1] (Columba livia - J.F Gmelin 1789) o l'é ´n öxello da famiggia Columbidae (Leach 1819) e do Genere Columba (Linnaeus 1758) e a spêce primogénita de tùtte e razze domèsteghe, fæte da l'òmmo ch' o l' à seleçionòu senpre ciù e nêue generaçioìn.

Descriçión

[modìfica | modìfica wikitèsto]
O pición (Columba livia)

O Pición Sarvægo o l'à ina longhéssa de 35 cìtti e 'n'avertûa âlare de 68 cìtti; e âe àn dôe barré de cô néigro, gropón e sótt'âe de cô giànco. Testa, còllo e peto en de cô grîxo-bleu scûo, e ciùmme àn 'na brilantéssa de cô metalico vèrde e lilà; dòrso, pansa e âe en de cô grîxo ciæo;  côa grîxa e fascia terminâle néigra, timonêe estèrne de cô giànco, becco scûo, éuggi cô de çetrón, sanpe cô grîxo-rêza.

Fra i cònbi de çitæ ghe n'é de quelli ch'àn a livrea de cô pægio a-o pición sarvægo, ma gh'é de diferénse:

Pición Sarvægo Pición  Doméstego
Còrpo slansòu Còrpo tòsso e pesante
Testa picinn-a e slansâ Testa ciù tòssa
o se pösa in scê miage rociôse  o se pösa de spesso in tæra
difidente confidente con l'òmmo

Conportaménto

[modìfica | modìfica wikitèsto]

O l'é 'n öxello gregâio, o vìve in grùppi anche numerôxi, conpréizo o periodo riprodutîvo. Granìvoro, o se nûtre de sémmi de ciante sarvæghe e coltivæ. O béive sensa îsâ a testa, o sciòrbe l'ægoa. O l'à capaçitæ d'òrientaménto e 'n xêuo veloçe, anche in scê lónghe distanse. O seu habitat én e zöne rociôze costêe e montagnôse inte l'entrotæra.

Riproduçión

[modìfica | modìfica wikitèsto]

A stagión a l'inìçia d'Arvî, e-a se prolónga a-a fin de Seténbre-Òtôbre; inte l'anno fan træ o quàttro niæ, o nîo 'n strêito abrétio de ramétti, réixe, pagétto pòsto in gròtte, cavitæ, recànti tra e rocce. Fan dôe êuve incobæ 17-18 giórni, anche da-o masccio, i polìn végnan nutrîi da tùtti doî co-o læte de pición, 'na secreçión do göxio. Làscian o nîo a l'etæ de 35-37 giórni.

Habitat

[modìfica | modìfica wikitèsto]

O l'é 'n cónbo sedentâio òriginâio de l'Àzia, do Nord Àfrica, Eoröpa e Medio Òriente; o lé'stæto introdûto, e o se gh'é stabilizòu in Àfrica a Sud do Sahara, Nord e Sud América, Oustràlia, e Nêua Zelànda.  I combi de çitæ én 'na mescciûa de öxélli domèsteghi scapæ e quelli sarvæghi, e coscì a qualitæ sarvæga sccétta a l´é senpre ciù ræa e a l´é in scî pìssi de scentâ.[2]

In italia o pición sarvægo o nidìfica into Càrso Triestìn, èrte scugêe, Apenìn Céntrâle e Meridionâle, Sardégna, Sicìlia, Îzoe Minô. Inta Ligùria no son coscì abondànti come inte âtre regioìn: percöse no gh´è na gran tradiçion d´alevaménto da mena domestega

In Lombardia, Piemonte, Liguria e Sardegna l’allevamento dei piccioni è poco sviluppato, [3]

e a qualitæ sarvæga a se vedeiva solo de sémme in çénto:

Costuma far passata le stesse stagioni delle precedenti [i.e. palumbus e oenas], ma non annida[4]

Columba oenas: Annida a monti ed è numerosissimo nel passaggio autunnale. Columba livia: Più raro dell´antecedente[5]

Pare cosa dubbia che sia di passaggio nel Veneto ed in Liguria[6]

A forte prezénsa de conbi inte çitae a vegne de vòtte un veo problêma de igêne.[7]

Columba livia Doméstega

[modìfica | modìfica wikitèsto]

O pición sarvægo o l'é stæto adomestegòu da-i éutto a-i çìnquemìlla anni fa, ne fàn tésto e tavolétte cùneifòrmi da Mezopotàmia e-i Geroglìfici Egiçi. I Persien én stæti i prìmmi a sfrutâ a capaçitæ natorâle do pición a ritornâ dôv'o l'é nasciûo, pe mandâ mesàggi a-e çitæ de l'inpêro.

O pición viagiatô, da l'antighitæ o l'é stæto o sôlo mézzo velôce de comunicaçión. Sostitoîo da-o telegrafo/telefono, o l'é tórna stæto utilizòu pe raxoìn de seguéssa inta prìmma e inta segônda goæra mondiâle - e linie telefoniche poéivan êse interótte o intercetæ.

Ancheu, a-i giórni nòstri, i picioìn viagiatoî són alevæ pe-e conpetiçioìn de xêuo sportîvo bén-bén populâri in Gràn Bretàgna, Bélgio e atri paixi do Nord Eoröpa. O peu xoâ pe 1000 chilòmetri, a na velocitæ de 80-100 km. a l'ôa.

Inta Bibbia són de béstie co-e quae se fa comèrcio e che vegnan sacrificæ:

E Gesü u l’è intròu ne u tempiu de Diu, e u l’ha scacciòu tütti quelli che accattavan e vendeivan ne u tempiu, e u l’ha cacciòu in tæra ê toe di bancaoti e ê carêghe de quelli che vendeivan ê columbe.[8]

De votte én ascì sinbolo do Spìrito Sànto:

Quandu Gesü u l’è stætu battezzòu u l’è sciurtìu sübitu feua de l’aegua, e eccu se ghe sun aværti i sê, e u l’ha vistu u Spiritu de Diu cu discendeiva quaxi cumme ünha Columba e vegnî surva de lê.[9]

Linneo e a Columba livia Doméstega

[modìfica | modìfica wikitèsto]

O conbo sarvægo o l'é l'antenòu de quelli domestegæ, ma o Linneo o credeiva che o conbo domestego (e quello de çitae) o fisse derivòu da n´âtro combo sarvægo, Columba oenas.[10][11]

Âtri naturalìsti - Temminck e Bonaparte prezénpio[12]- an corezûo l´erô; e coscì, inti Vocabolâi stòrichi zeneixi, o Paganini e o Casaccia , sensa afermâ che o conbo domestego o deriva da C. Livia, parlan de tùtti doe into mæximo paragrafo, e lascian C.oenas asémme co-u Colasso (C.palumbus)

CÔMBO (..) Diconsi Colombi gentili i colombi grossi e casalinghi, Colombi torraiuoli (t.orn. Columba livia Brisson) I colombi vaganti più piccoli, e men casalinghi che soglion nidificare nelle torri (..) CÔMBO SARVËGO, Colombaccio, Palómbo, t.orn. Columba palumbus Linn., (..) -Colombèlla, t.orn. Columba oenas Gmel., Colombo salvatico minore del colombaccio.[13]

A Barçelónn-a (Catalògna)
A Barçelónn-a (Catalògna)

Cömbo: Colombo e Colomba. Uccello notissimo, di cui sonovi più specie.

-da ròcche; Colombo torrajuolo. Columba livia. Colombo vagante, più piccolo del domestico, e men casalingo, che suole nidificare nelle torri (..)

-sarvægo; Colombella, Palombella. Columba oenas. Colombo salvatico, minore del Colombaccio.[14]

E Tôre Cónbêe

[modìfica | modìfica wikitèsto]

Into Medioêvo i feodatâi àivan o privilêgio d'avéi e Tôre Cónbêe e poéi seleçionâ e spêce da carne, di colôri de ciumme, e da capaçitæ d'òrientâse, I piccioìn, pe-a seu prolifiçitæ, êan 'na risòrsa, ségge alimentare, che pe-a caccia (co-o farco), e pe poéi inviâ di mesaggi. Gh´êa de queste tóre a Ventemiglia, prezénpio:

A Ventimiglia venivano considerate sia colombaie che granarie, così, int’u nostru parlà si conoscevano col nome di “Casùi-ture”.[15]

Inti sécoli di cangiaménti sociali-econòmici avegnûi inte çitæ, i nòbili êan ritornæ a-e canpagne, ma sensa cónbi, ch'êan restæ a vìve in çitæ a nidificâ  e-a nutrise de scarti.

Inti anni 60 do sécolo pasòu (XX), o progresìvo desmétte de tanti alevamenti, no ciù necesaî cómme prìmma a prodûe piccioìn da carne, àn portòu a-a liberaçión de nomeroxi cónbi ch'én anæti inti centri urbani a aomentâ a popolaçión che gh'êa za, e a diferençiâ ancón de ciù e livrêe di piccioìn de çitæ.

Vôxe corelæ

[modìfica | modìfica wikitèsto]

Nòtte

[modìfica | modìfica wikitèsto]
  1. ↑ Cômbo sarvaego da rocche o l´é o nomme de l´öxello into Degli Uccelli Liguri de Carlo Durazzo, 1840; co-u sénplice Cômbo sarvaego pe-a spece oenas. I mæximi nommi inta Descrizione di Genova e del genovesato, 1846
  2. ↑ "il Colombo selvatico Columba livia livia è l’unico taxon dell’avifauna italiana “gravemente minacciata” da estinzione genetica" AAVV Columba livia forma domestica...,2018.
  3. ↑ Alessandro Ghigi; Per la protezione dei piccioni, 1912.
  4. ↑ Carlo Durazzo; Degli uccelli liguri, 1840.
  5. ↑ C.Durazzo, Descrizione di Genova e del genovesato, 1846
  6. ↑ Tommaso Salvadori; Annali del Museo civico di Storia naturale di Genova, 1886
  7. ↑ Ved. prezénpio a Barcelonn-a, donde l´é za ben ben d´anni che o Comùn o l´amia d´amermâne a quantitæ: https://www.totbarcelona.cat/societat/barcelona-canvia-estrategia-erradicar-sobrepoblacio-coloms-491039/
  8. ↑ Giuseppe Olivieri; Il Vangelo di S. Matteo, volgarizzato in dialetto Genovese; 1860. O testo grego o l´e sto chì: Καὶ εἰσῆλθεν Ἰησοῦς εἰς τὸ ἱερόν, καὶ ἐξέβαλεν πάντας τοὺς πωλοῦντας καὶ ἀγοράζοντας ἐν τῷ ἱερῷ, καὶ τὰς τραπέζας τῶν κολλυβιστῶν κατέστρεψεν καὶ τὰς καθέδρας τῶν πωλούντων τὰς περιστεράς, https://bibletranslation.ws/trans/mattwgrk.pdf
  9. ↑ Giuseppe Olivieri; Il Vangelo di S. Matteo, volgarizzato in dialetto Genovese; 1860.
  10. ↑ O testo de Linneo: https://www.biodiversitylibrary.org/page/727099#page/181/mode/1up
  11. ↑ Columba domestica was described by Linnaeus (1758: 162) as a form or variety of Columba oenas Linnaeus, 1758. [...] Linnaeus (1758) apparently sought to encapsulate, as varieties within his C. oenas, both Stock Dove and Rock Pigeon. [...] Linnaeus had treated Stock and Rock Doves separately in earlier works (Linnaeus 1746). His later confusion may have been because, in Sweden, the Rock Dove ‘has probably never been a natural breeding bird’ Thomas M. Donegan; The pigeon names Columba livia, ‘C. domestica’ and C. oenas and their type specimens; 2015
  12. ↑ "Col.livia, nommé oenas, on ne sait trop pourquoi, par Linné. C´est d´elle que descendent les innombrables races de Pigeons domestiques" CH.L.Bonaparte; Coup d’oeil sur l’ordre des pigeons; 1854.
  13. ↑ A.Paganini; Vocabolario domestico Genovese-Italiano; 1857
  14. ↑ Giovanni Casaccia; Dizionario genovese-italiano; 1876
  15. ↑ https://www.cumpagniadiventemigliusi.it/index.php/luoghi-di-sei-eta-storiche/619-torri-granarie-del-xv-secolo

Âtri progètti

[modìfica | modìfica wikitèsto]
Contròllo de outoritæLCCN (EN) sh2004001401 · GND (DE) 4153975-8
Estræto da "https://lij.wikipedia.org/w/index.php?title=Columba_livia&oldid=252834"