Jaore 1980
Uiterlijk
(Doorverweze van 1980-1989)
![]() |
Tot daen tied kan d'n inhaud van 't artikel veurnaam informatie misse of nog neet good in zie verbandj ligke. |
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
De jaore 80 of jaore '80 is de term veur 't decennium ('n periode van 10 jaor) mit 't jaortal det èndig óp '80 toet en mit 't jaortal det èndig mit '89. Bekans altied wuuertj mit de jaore '80 de periode in de twintjigste ieëw gemèndj, dus 1980 t/m 1989.
Jaore '80 vanne twintjigste ieëw
[bewirk | brón bewèrke]Gebäörtenisse en óntwikkelinge
[bewirk | brón bewèrke]- Popmeziek
- 't Decennium zuut inkel nuuj stielen ópkómme, wie Ska, mit Ingelse bands wie The Specials en Madness en de New Wave mit U2, The Cure, Simple Minds. 'n Aantal artieste waere enorm populair, wie Michael Jackson, Prince en Madonna. In Nederlandj kump de zoeagenömdje nederpop ópzètte, mit bands wie de Frank Boeijen Groep, Toontje Lager, Doe Maar, Het Goede Doel en VOF de Kunst. Limburg's populairste band oet de jaore 80, de Janse Bagge Bend begint ouch zien carrière.
- In 1985 organiseerdje Bob Geldof Live Aid, det 150 miljoen póndj ópbrach.
- Belsj zat zich muzikaal óppe waereldjkaart mit 't New Beat-genre. Dit genre waas óntstange doordet inkel DJ's bepaoldje plate (wie van Nitzer Ebb en A Split Second) óp 33 toeren in plaats van 45 toere góngen aafdejje, mit 'n pitch van +8. Oet dit genre komen artieste wie Confetti's en Erotic Dissidents. Later woorte vergaeten artiesten en plate oet 't staof gehaoldj en abusievelik ónger 'ne New Beat-stempel óppernuuj gelanceerdj. New Beat haet 'n belangrieke basis gelag veure house- en trancescene vanne jaore '90. Gruup wie The Prodigy zègke door deze strouming geïnspireerdj te zeen.
- Mode
- Vroewe drage jeskes mit sjoewervöllinge en beinwermers.
- Men gaon weer dökker nao de kapper. Veur wuuertj 't haor kórter, meh die drage e "matje" inne nak. De zök zeen wit en door de ópgeroldje bóksepiepe is det good te zeen.
- Amusement
- In 'n veurmaolige blomeveiling in Aalsmeer óntsteit 'n amusementsindustrie. Joop van den Ende en John de Mol jr. zeen de drievendje krach, wiele Guus Verstraete jr. teikentj veur väöl producties mit weinig pretenties en väöl plezeer.
- De Hilversumse ómrope gaon stèds minder programma's in eige hoes make en koupen ömmer mieër in van Endemol. Meh behauve tv-programma's produceertj Aalsmeer ouch musicals ane loupendjen bandj.
- Populair Amerikaanse tv-series zeen Knight Rider en The A-Team. In Belsj kiek de jeug massaal nao Merlina. In 1986 wintj Sandra Kim 't Eurovisie Songfestival veur Belsj. VTM, d'n ieëste Vlaamse commerciële, tv-zènjer begintj in februari 1989, det vrie laat is nao Europese norme.
- Trends
- De cd vereuvertj snel de platemert.
- Introductie vanne microgólfaove.
- De Rubik's Cube hèltj väöl luuj bezig.