Luciano Berio
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
| Luciano Berio | |||
| |||
| Gebore | 24 oktober 1925 | ||
| Gesjtorve | 27 mei 2003 | ||
| Landj | Italië | ||
| Sjtielperiood | serialisme, posmodernisme | ||
| Belankrieke genres | orkesmeziek, kamermeziek, elektronische meziek, opera | ||
| Invlood van | Luigi Dallapiccola, Karlheinz Stockhausen | ||
| Invlood op | Bruno Maderna, Steve Reich, Louis Andriessen | ||
| Lies van componiste | |||
Luciano Berio (Oneglia (Ligurië), 24 oktober 1925 - Roeme, 27 mei 2003) waor 'nen Italiaanse componis vaan experimentele meziek in diverse stijle. Berio woort gebore in Ligurië. In d'n Oorlog mós heer in deens, meh door 'n verwoonding aon zien hand mós heer al op d'n iersten daag nao 't lazarèt. Dees verwoonding maakde ouch 'n carrièr es professionele pianis oonmeugelek; daorum begós heer in 1947 mèt 'n studie compositie aon 't conservatorium vaan Milaan. In deen tied trof heer ouch zien later vrouw Cathy Berbarian. Nao e paar jaor vaan gemaoteg modern composities kaom 't in 1952 tot 'n studie in de VS bij Luigi Dallapiccola, boenao heer ziech veur 't serialisme góng intrèssere en ziech bij de Sjaol vaan Darmstadt aonsloot. In 1955 begós heer mèt Bruno Maderna 'n studio veur elektronische meziek in Milaan. Vaanaof 1960 begós heer zelf compositieles te geve; oonder zien väöl bekinde lierlinge zien oonder mie Steve Reich en Louis Andriessen.
Roond 1960 naom zien intrèsse in bezunder späöltechnieke sterk touw; te beginne mèt e stök veur dweersfluit oet 1958 sjreef heer tot zienen doed diverse Sequenze veur solo-instrumint, boebij vaan de speuler väöl gevraog weurt en diverse oongebrukeleke späölwijze zien veurgesjreve. In de jaore 1960 naom zien intrèsse in 't serialisme aof; door 'n bewöste confrontatie mèt de traditie oontstoont tösse 1967 en 1969 de Sinfonia, boe-in 'n complexe mierlaogetechniek weurt gecombineerd mèt oetgebreide citaote (beveurbeeld vaan Mahler). Ouch heel heer ziech bezeg mèt werk vaan aander componiste; zoe völde heer de sjetse vaan Mozart zien Zaide aon en voltoejde heer de Turandot vaan Puccini.
Dit artikel is e sjtumpke. De kans Wikipedia helpe door 't aan te völle