Bekiek brón van Geert Wilders

{{dialek|Venloos}}
[[Plaetje:Geert_Wilders_op_Prinsjesdag_2014_(cropped).jpg|thumb|right|Geert Wilders]]
'''Geert Wilders''' ([[Venlo]], [[6 september]] [[1963]]) is eine [[Hollesj Limburg|Limburgse]] [[pólletiek|politicus]]. Sins [[augustus (maond)|augustus]] [[2002]] is hae lid van de [[Twieëde Kamer]], ieërs veur de [[VVD]], mer op [[3 september]] [[2004]] braak hae mit zien partie en sinsdaen vörmde hae 'n einmansfractie, die 'r zelf de [[Groop Wilders]] neumde. Later richde hae de ''[[PVV|Partij voor de Vrijheid]]'' op, die bie de verkezinge op [[22 november]] [[2006]] neuge zaetele haolde. De jaore daonao greujde zien partie hel. Wilders steit bekind es felle criticus van d'n [[islam]], en ouk is hae bekind gewoorte vanwaege zien standpunte mit betrèkking tot de [[Europese Unie]], de [[euro]], [[Immegraasj|immigratie]] en 't rech óm 'n eige meining te höbbe. 

== Carrièr ==
Wilders dae de [[Havo]] en volgde in [[Amsterdam]] aan de [[Aope Universiteit]] 'ne cursus, wo hae 'n paar deilcertificate haolde in de rechsgelieërdheid. In [[1987]] ging hae beej de VVD, en al in [[1990]] woort 'r dao beleidsmitwirker Sociale Zake en Sociaol-ikkenomisch Beleid. Ouk schrieëf hae toesprake veur de Twieëde-Kamerlede. In [[2002]] woort 'r veur 't ieërs op 'n verkeesbare plaats gezèt en óndanks det de VVD erg verloos kwaam hae toch in de Kamer. As VVD-lid próffeleerde hae zich veural mit conservatieve standpunte wie 'n strikte halding taege d'n [[islam]] en 'n ingriepende belastingverlaoging veur de hoeëge inkomes. Zien standpunte euver d'n islam wirkde hae oet mit [[Ayaan Hirsi Ali]], dewiel hae mit [[Gerrit-Jan Oplaat]] 'n manifes opstèlde euver de koers die de VVD zól motte goon vaore. Dit alles leide dertoe det de vrieving mit zien partiegenaote toenaam. Oeteindelik mós hae dus in september 2004 oet de partie stappe.

Zien óngenuanceerde oetsprake euver veural d'n islam laeverde häöm in korten tied hiel väöl stumme op, entans in de peilinge; 't huugdepunt laog bie de twintig zaetels. Ouk kaam hae nog dèks in 't nuujs nao de maord op de cineas [[Theo van Gogh]]: hae woort väöl bedreig en mós maondelank op 'n geheime locatie verblieve. Later blaek det 'nen [[bunker]] in Amsterdam te zien gewaes. Loupende 't jaor 2005 naam zien populariteit ummer mieër aaf, doordet hae der neet in slaagde nog väöl in 't nuujs te kome en doordat 't politiek klimaat in Nederland linkser woort. In oktober stónd 'r nog mer op eine zaetel in de peilinge.

In [[januari 2006]] kaom hae in 't nuujts doordet hae de spotprintjes van de profeet [[Mohammed]], die op dat momint tot groeëte bereuring leide in de [[islam|moslimwaereld]], op zien website te zètte met as doel de maekers dervan ein hert onder de riem te staeke.

Bie de Twieëde-Kamerverkezinge van [[22 november]] [[2006]] won zien [[PVV|Partij voor de Vrijheid]] neet minder as neuge zaetele. Veer van de vief gemeintes wo-in de PvdV 't bèste presteerde laoge in [[Nederlands Limburg]].

== Ideologie ==
't Gedachtegood van Geert Wilders concetreert zich op d'n islam: radicale utinge daovan mótte zónder mie verboje waere en de regering mót dao wiedgaonde maotraegele veur numme: zoeë zoel 't meugelik mótte zien um luuj zónder concreten aanklach vas te zètte. Radicale praekers mótte 't land oetgezat waere en bie de minste verdinking mótte verdachte [[moskee]]ë gesloeëte waere. Later wilt hae de boew van nuuj moskeeë verbeje en de immigratie van moslims stop zètte.

Wiejer vint hae det de maximumsnelheid verhoeëg mót weure, det [[Turkieë]] noeët lid mag waere van de [[EU]] en det Nederland zien óntwikkelingshulp mót halvere.

Wilders publiceerde väöl van die ideeë op een vergaodering van de VVD-aafdeiling Limburg. Ouk schrieëf hae 'n book, ''Kies voor vrijheid'', worin hae väöl van die ideeë dudelik mak.

Zien ideologie wuurt dök es "ónvermingk rechs" bestumpeld. Hie-um wuurt hae bewónderd, mer critici zègke det 't allemaal väöls te populistisch en gewuunlik gaaroet neet haalbaar is.

== Citate ==
* ''"Ik bin veur 't neet wieër oetbreide van de EU. Turkieë drin, Nederland droet."''
* ''"D'n euro is e groeët probleem. 't [[Stabiliteitspak]] is e lecherke: Väöl groeëte Europese len wie Frankriek, Italië en Griekeland hebbe de criteria mit de veut getreje. Ik bin daorum veur 't neet wieër oetbreie van 't aantal len wat aan d'n euro mitduit; zoel dat wel gebäöre, dan mótte we d'n euro hereuverwege. Lever 'ne sterke gölle es 'ne zwaken euro."''
* ''"[Ik bin veur] 't 'three strikes you're out'-princiep: drie geweldsdelikte en de kries laeveslank.''
* ''"Alle tekste van de euverheid waere oetsletend in 't Nederlands gestèld."''
* ''"De VVD is 'n bejäördetehoes in 't kwedraat."''

De ieërste veer citate kome oet Wilders zien "ónaafhenkelikheidsverklaoring".

{{DEFAULTSORT:Wilders, Geert}}
[[Categorie:Venlo]]
[[Categorie:Limburgse politici]]
[[Categorie:Persoene oet Nederland]]
[[Categorie:Laevende luuj]]
[[Categorie:Luuj gebaore in d'n twintigsten iew]]
[[Categorie:PVV]]
[[Categorie:VVD]]