Bekiek brón van Middelingels

===Substantieve===
Aajdingelse [[substantief|substantieve]] woorte in veer naomvalle verboge; daovaan heet 't Middelingels 'rs drei bewoerd. D'n [[accusatief]] vèlt same mèt de [[nominatief]], zoetot de [[genitief]] en [[datief]] euverblieve. D'n datief is zelfs in 't Vreugmiddelingels al neet mie consequent in gebruuk: d'n typischen oetgaank ''-e'' weurt soms weggelaote, zoetot deze naomval feitelek facultatief is. In de Laatmiddelingelsen tied is d'n datief zoe good wie verdwene, zoetot 't aontal naomvalle bekans tot twie weurt beperk. D'n datief versjijnt soms nog aon 't ind vaan 'n diechregel of in stoonde oetdrökkinge (wie noe nog in 't Limbörgs en Nederlands). Vaandao ''lif'' 'leve' - ''on live'' ('in leve', 'levend'; in modern Ingels noe nog ''life'' - ''alive'').<ref name=toronto>[https://web.archive.org/web/20140423043828/http://homes.chass.utoronto.ca/~cpercy/courses/MENounMorphology.htm University of Toronto - Middle English morphology]</ref>

De mieste Aajdingelse wäörd hadde 'n sterke verbuiging. Die wäörd höbbe, veural in 't Vreugmodern Ingels, 'ne genitief op ''-es'' en 'nen datief op ''-e''. De nominatief miervoud geit op ''-es'' oet, de genitief miervoud op ''-e'' en d'n datief (soms) op ''-en''. Zwake substantieve indege in de nominatief inkelvoud op ''-e'', en in alle aander naomvalle op ''-en''. De mieste oonregelmaotege miervoude (gevalle vaan [[umlaut]]) verdwijne, al blieve gevalle wie ''man - men'' (tot op d'n huiegen daag) bestoon. In de AB-taol kriege soms wäörd die oersprunkelek neet zwaak woorte verboge toch 'n verbuiging mèt ''-en''.<ref name=toronto/>

In tegestèlling tot 't Aajdingels en tot alle aander Germaanse taole oet dezelfden tied had 't Middelingels al gein [[woordgeslach]]te mie. 'n Oetzundering hei-op vörmde sjijns 't dialek vaan Kent, boe 't oonzijeg in de veertienden iew nog woort oondersjeie en d'n datief nog liekent te höbbe geleef.

't Systeem kump veur 't Vreugmiddelingels heiop neer:

{| class="wikitable"
|-
! !!colspan="2"| sterk !!colspan="2"| zwaak
|-
!
| ''inkelvoud'' || ''miervoud'' || ''inkelvoud'' || ''miervoud''
|-
! nom/acc
| engel   || engles || name      || namen
|-
! gen
| engles || engle || namen || namen(e)
|-
! dat
| engle   || engle(n) || namen    || namen
|}

Wie gezag verdwijnt d'n datief op 't ind vaan de Middelingelsen tied gooddeils. De genitief en datief miervoud verdwijne compleet. D'n oetgaank ''-es'' weurt ummer dèkser tot ''-s'' verkort. Ouch de zwake verbuiging verdwijnt: ze geit bekans compleet op in de sterk (e paar wäörd oetgezunderd: noe nog zeet me ''ox - oxen'').