Kemelechtege

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Kemelechtege of Camelidae zien 'n femilie vaan evehoveg groete bieste (sjófhuugde dèks twie meter) mèt lang pu en 'n groete resistentie tege oetdruging. Mèt Kemelachtege weurt ouch verweze nao de oonderorde Tylopoda, boevaan de Camelidae de einege levende vertegenwoordegers zien.

De kemelechtege höbbe drei maoge en oondersjeie ziech wijer vaan de ander evehovege doortot ze 'n gesplete bovelup höbbe, boevaan ze de deile oonaofhenkelek kinne bewege, en door 't daarde ouglid; dat kump good oet bij zandstörme. 't Zien tèlgengers, die de mins sinds doezende jaore dene es rij- en lasdier. De kemelechtege zien in 't laat Eoceen oontstande in Noord-Amerika en leve allewijl in Zuid-Amerika, Zuid-Azië en Noord-Afrika.

Taxonomie

KEMELACHTEGE (CAMELIDAE)

• Geslech Lama
  • Lama (Lama glama)
  • Alapaca (Lama pacos)
  • Guanaco (Guanicoe)
• Geslech Vicugna
  • Vicuña (Vicugna vicugna)
• Geslech Camelus
  • Dromedaris (Camelus dromedarius)
  • Kemel (Camelus bactrianus)
    • Wèlle kemel (Camelus bactrianus bactrianus)
    • Hoeskemel (Camelus bactrianus domesticus)